Is 25:2 - Chuj San Sebastian Bible

² 'Icha wal junc b'ulc q'uen q'ue'en, 'ixta x'ajcn jun tzo'n̈ chon̈b' o'oj. A jun tzo'n̈ chon̈b' caw wach' yajch yipnub'al, a 'ix lan̈chj 'ejmi. 'Ix a ma'n pax lan̈chjoc sdespacho eb' 'ajc'ojl yajch 'ayon̈, man̈x 'a b'a'n̈ 'oj b'ox chan̈ jun 'ejm xo.

Chuj San Mateo Bible

² Icha junoc b'ulan̈ q'uen q'ueen ix ajcan juntzan̈ chon̈ab' uuj. A chon̈ab' te tec'an, ix laj em lan̈najoc. Ix aq'uem lan̈naj spalacio eb' ch'oc nacional, man̈xa b'aq'uin̈ ol b'ochajxiq'ueoc.

Is 25:2 ပူးပေါင်းရင်းမြစ်များ

Job 12:14

A junc tas to a Dios tzsatn 'eli, may junc mach tztac' sb'on pax cha'an̈; ax junc mach tzmacx 'och wan yu'uj, may pax junc mach tztac' scoln 'eli.

Is 13:20

Man̈x 'a b'a'n̈ 'oj cajxoc pax jun chon̈b' cha, man̈x 'a eb' 'anma 'oj c'ochx scaja'. 'Ixta pax eb' 'aj Arabia, man̈x b'a'n̈ 'oj 'ec' scaj eb' yet' scajb'en noc', man̈x xon b'a'n̈ 'oj 'ec' eb' 'ilm calnelu 'iljoc yet' scalnelu ta'.

Is 13:21

Axn̈ej no calte'al noc' 'oj cajnoc. 'Oj b'ut'joc 'el yol n̈a chi yuj no tucul, no avestruz yet' no calte'al chiwo, 'oj laj b'atjoc chan̈ e no yec' ta'.

Is 13:22

Axn̈ej no wax 'oj laj 'el yaw 'a yol scuartel eb' soldado, ax sdespacho eb' niwc yajal, a e no 'ocs 'oj laj cajnoc. Wan sc'och sc'ul satl chon̈b' Babilonia; man̈x niwnoc tiempo 'ayq'ui, xchi Dios.

Is 14:23

Cojn no lechuza 'oj cajnoc, ax yochcn yaxlumal. Mesmni 'oj wutc in satn can 'eli, xchi Dios.

Is 17:1

Atn jun tzo'n̈ paxti tic 'ix alx can 'el 'a yib'n̈ chon̈b' Damasco: A Damasco, man̈x chon̈b'oc, palta to cojxn yet'l checl 'oj 'ajcn chan̈ b'ulan.

Is 17:3

A schon̈b' eb' yic Efraín, 'oj can sch'ocoj, man̈x 'a junc chon̈b' 'aych smuroal 'oj canoc. 'Ixta pax Damasco, man̈x yico'oc pax sb'a. A eb' 'aj Siria 'oj to canoc, 'oj q'uixwoc can 'el eb'; an̈jtona eb' israel, man̈x 'a yel'ch 'oj 'ajcn eb'. A Jehová tztac' yuj smasnil, a tzaln jun tzo'n̈ paxti tic.

Is 21:9

Ax ticnec, tzwil scot jun winc yet' jun caruaje toc'b'il yuj chawn̈ no chej, xchi. Xlajw cha, xyaln jun winc ajun 'a jun caruaje chi 'ixtic: 'Ix 'ejm Babilonia, 'ix lajw 'ejmi. Smasnil jun tzo'n̈ yechl comn dios 'a jun chon̈b' cha, choc' x'ajcn spoj 'a sat lu'um, xchi.

Is 23:11

'Ix ya't Jehová sc'ab' 'a yib'n̈ a mar, 'ix ya'n 'ib'xoc smasnil nacion̈, xyaln paxi to tzma'x 'ejm lan̈chjoc smasnil smuroal eb' chon̈b' 'ay 'a yol yic Canaán.

Is 23:13

'Iltec wal x'aj lum Tiro, jun chon̈b' to an̈j 'a tic tzjaw te barco, palta ax eb' 'aj Babilonia 'ix laj b'onc chan̈ jun tzo'n̈ torre 'a spatquil 'el chon̈ab', xlaj sma'nc lan̈chjoc eb' jun tzo'n̈ niwc despacho, 'ix satn can 'el eb'. A eb' 'aj Babilonia 'ixta xmunlji, man̈oc eb' 'aj Asiria.

Is 24:10

A jun chon̈b' tenmtac cha, caw choc' x'aj slan̈chj 'ejmi, man̈x 'a n̈a 'aj tztac' yoch junc mach.

Is 25:12

Smasnil smuroal jun chon̈b' to caw niwc yaj sb'o'i, c'uxn 'oj smac' lan̈chjoc Jehová, caw choc' 'oj 'ajcn 'ejm b'uln 'a sat lu'um.

Is 26:5

A tz'i'n 'ejm eb' b'an̈quintac, tzyi'n pax 'ejm eb' chon̈b' to caw tenmtac tzyutj sb'a. A tzsatn can 'el eb',

Is 27:10

A jun chon̈b' to caw wach' yaj sb'o'i, c'uxn 'ix lan̈chj 'ejmi, 'icha junc n̈a man̈x 'a yajal, 'icha pax 'aj may 'anma', cusltac xoj yilxi. Swalab' xoj no noc' 'oj 'ajcni, c'uxn 'oj laj sc'uxcn 'ejm no sc'ab' te te', ax yem pun̈n e no yilj 'a yich te'.

Is 32:14

Ax sdespacho eb' yajal, cusltac 'oj 'ajcni; 'oj sat chan̈ eb' 'anma cajn 'a yol chon̈ab'. A jun tzo'n̈ schon̈b' eb' 'aych smuroal, 'oj 'ochcn yet'loc no calte'al noc'. Ata 'oj 'iljoc e no calte'al b'uru 'a tzaljc'ojlal. Wach' 'oj wa e no calnelu ta'.

Is 34:13

Axn̈ej te q'uix 'oj pa' chan̈ 'a sdespacho eb'. A te sac q'uix 'oj pa' chan̈ 'a yol scuartel eb'. Axn̈ej no 'ocs 'oj 'aj cajn ta', yet' no avestruz.

Is 37:26

¿Tom may 'aj 'ix ab' yalxi to an ton Jehová in? Wujn̈ej tz'el'ch smasnil jun tzo'n̈ tic. Pecti xon nab'il can wu'uj to tz'el'ch jun tic, yuj cha, stac' a satn 'el jun tzo'n̈ nacion̈ caw wach' yajch smuroal, 'ix q'uecn b'uln sc'ajl o'oj.

Jeremías 51:26

An Jehová in, an tzwala, to a smasnil q'uen q'uen 'oj 'eltoc 'a scal jun tzo'n̈ 'oj lan̈chjoc cha, man̈x 'a xon junc q'uen 'oj stac' sc'anx 'a junc xo n̈a tot 'oj b'o'oc. Caw cusltac 'oj 'ajcn Babilonia 'a jun 'ejmn̈ej.

Jeremías 9:11

'Ix wab' spacn Jehová 'ixtic: A yic 'oj lajwc in b'on jun tzo'n̈ tic, a Jerusalén yet' Judá, jun b'uln̈ 'oj wutc in ma'n 'ejm lan̈chjoc cani. Axn̈ej no 'ocs 'oj 'ec' ta', xchi Dios.

Dt 13:16

Tze molb'tzej smasnil tas 'ay 'a eb', tzeyi'n 'at 'a plas 'a yol chon̈b' cha. Tzlajw cha, tzeya'n 'och sc'a'l jun chon̈b' chi yet' smasnil jun tzo'n̈ tzeyij 'ec' 'a eb' cha. 'Ixta wal tzeyutj eya'n tz'a 'a yojltac Jehová qui Diosalec. A jun chon̈b' cha, jun 'eln̈ej tzlajw can 'ejmi, man̈x 'a b'a'n̈ tzb'ox sjel.

Apoc 18:19

'Ix laj sjop q'ue eb' pococ 'a sjolm yuj scusc'ojlal. Caw x'oc' eb'. 'Ix cul-li eb' yoq'ui, 'ix 'awj chan̈ eb' 'ixtic: ¡'Ay, 'ay, 'oltac wal jun niwquil chon̈b' tic! A eb' 'ay sbarco 'a a mar, c'uxn 'ix 'och eb' ricoal yuj sricoal jun chon̈b' tic. Palta junn̈j wal rato, xlajw can 'ejm jun chon̈b' tic, xchi eb'.