Is 25:11 - Chuj San Sebastian Bible

¹¹ 'Icha to 'oj cob' sjen̈l Moab chi sc'ab', 'icha tz'ajl jen̈n sc'ab' junc mach tznoxwi, wach'xam 'oj cob' to yac' wal yip, palta 'oj sat 'ejm sb'an̈jb'al chi yuj Dios.

Chuj San Mateo Bible

¹¹ Ichato ol to yaq'uel lian sc'ab' Moab chi', icha yac'an sc'ab' junoc smac'an a a', vach'chom ol to yac' yip, palta ol satel yac'umtaquil yuj Jehová.

Is 25:11 ပူးပေါင်းရင်းမြစ်များ

Job 40:11

Tzcham wal eln 'och eb' b'an̈quintac yeq'ui; 'ac' owl yet' eb', masnto tz'em eb' o'oj.

Salmos 2:5

Tzcotn̈j yowl 'a eb', tzlaj xib'tx eb' yu'uj. Yet' wal yowl sc'ojl cha, ax yaln 'a eb' 'ixtic:

Is 10:33

'Iltec nab'an, a Jehová tztac' yuj smasnil, 'oj satl eb' 'ajc'ojl cha. 'Oj satl eb' 'icha tzyac' te niwc te tzch'acx 'eli, caw 'ay smay sc'an̈ yemi. 'Icha eb' te caw niwc ste'il, caw tzc'an̈ yem eb' te 'a sat lu'um.

Is 13:11

Yuj cha, ax yaln Jehová 'ixtic: A ticnec, 'oj wa'ch yailal 'a yib'n̈ eb' 'anma 'a yolyib'n̈q'uinl tic yuj maysch'olnil tzlaj sb'o. 'Oj wac' sat 'ejm sb'an̈quinal eb' tzlaj yi' chan̈ sb'a, yet' eb' may yel'ch yit 'anmal 'a sat.

Is 14:26

A jun tic, 'ayx 'ec' 'a in nab'en tas 'oj wutc yolyib'n̈q'uinl tic, tox xin na'a to 'oj in satl smasnil nacion̈ yet' in poder, xchi Dios.

Is 16:14

Ax ticnec, tzyaln pax 'ixtic: Yab'm wal 'oxab', 'icha wal sb'isn junc munljum jantc xo tiempo smunlji, 'ixta wal sb'isx sc'ul slajw 'ejm tas 'ay 'a eb' 'aj Moab. Til wal 'anma 'oj satli; jaywn̈ xoj eb' 'oj canoc, man̈x 'a yip eb' scoln sb'a 'a owal, xchi Dios.

Is 16:6

Cojquec wal si'mb'il tas x'aj yi'n chan̈ sb'a eb' 'aj Moab, caw sb'an̈ sb'a eb', caw tu tas xlaj yal eb', palta man̈ yelc tas xyal eb' cha.

Is 2:10

Ex wit chon̈ab', c'ub'jec 'el e b'a 'a yol n̈aq'ue'en, yet' 'a yojl eb' lum xab'. Smoj wal e xiw 'a Jehová, yujto caw wal 'ay smay yilx 'oj 'aj sjaw yet' stzictznial.

Is 2:11

A 'a jun c'u cha, 'oj 'ijxoc can 'ejm eb' tzb'an̈ sb'a, yet' cob' eb' tzyij chan̈ sb'a. Cojxn Jehová 'oj 'ijxc chan̈ sb'i 'a jun c'u cha.

Is 2:15

'Oj satl storreal chon̈ab' yet' smuroal oyn 'och 'a spatic,

Is 25:5

'Icha wal yowl sma'wj yoc c'u 'a lum tacn̈ lu'um, 'ixta tzotj e'n 'ejm sb'an̈jb'al eb' 'ajc'ojl yajch 'ayon̈. 'Icha wal tz'aj sicb' yoc c'u yuj yen̈l junc 'asun, 'ixta wal tz'aj yactn eb' may sniwnc'ojlal chi yel yaw.

Is 5:25

Yuj wal jun tzo'n̈ mul cha, ax ya'n cot Jehová yowl sc'ojl 'a yib'n̈ schon̈ab', ax ya'n 'och syailal eb' 'anma cha. A eb' lum niwc witz, c'uxn 'oj 'ib'xoc eb' lum 'a yet'ul, ax eb' 'anma cha, t'octac 'oj 'ajcn eb' scham 'a yol caye. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.

Is 53:12

Yujn̈ej cha, ax ya'n Dios jun yopiso 'a scal eb' niwn yel'chi. 'Ay yaln yic yet' eb' x'a'n ganar owal, yujto 'ix ya'sb'a 'a yol sc'ab' chamel, 'icha tz'ajx 'och 'a yib'n̈ eb' maysch'olnil sb'eyb'al, 'ixta x'ajx 'och 'a yib'n̈ jun xo. Caw yel 'ix ya'cn 'och sb'a 'a yaln̈ smul smasnil 'anma', 'ix leslwi yuj eb', sec tz'ajx lajwc smul eb' cha.

Is 65:2

An xo tic, smasnil tiempo cob' b'achn 'at in c'ab' 'a jun chon̈b'al eb' 'anma caw pit tic, yic tzcob' wi'nc cot eb' 'ayin. Palta cojn maysch'olnil tzb'eylb'ej eb'. A tas tznib'j eb' sb'o', a chi tzb'o eb'.

Jeremías 48:29

Wojc wal sb'an̈jb'al eb' 'aj Moab. Caw ch'an eb', niwc winc tzyutj sb'a eb'. Yel xo tzyij chan̈ sb'a eb'.

Jeremías 48:42

A Moab, man̈x nacion̈oc 'oj 'ajcni, yujto xyij chan̈ sb'a 'a 'ayn an Jehová in.

Jeremías 48:47

Palta an Jehová in, an tzwala, to ax 'a slajub', 'oj wi'x q'ue'ch chon̈b' Moab jun 'ejm xo, xchi Dios. Atn jun tzo'n̈ yailal tic 'ix yalcn Jehová 'a yib'n̈ chon̈b' Moab.

Jeremías 51:44

'Ix yaln Dios 'ixtic: 'Oj wa'ch wal yailal 'a yib'n̈ Bel, atn sdiosal Babilonia. 'Oj wac' xejc q'uet tas b'uc'b'il 'ejm yu'uj, man̈x 'oj wul 'ilxoc yuj jun tzo'n̈ xo nacion̈. 'Oj lan̈chjoc 'ejm smuroal Babilonia cha.

Dn 4:37

A ticnec jun, an Nabucodonosor in tic, tzwij chan̈ sb'i jun sReyl satcha'an̈, tzwaln pax wach' paxti 'a 'a. Yujto caw wach'n̈j tas tzb'o'o, caw tojln̈ej smasnil, a tz'i'n 'ejm eb' cob' tzyij chan̈ sb'a 'a yol yico', xchi win rey cha.

A Scarta San Pablo D'a Eb' Aj Colosas 2:15

A yic xcham Cristo 'a spenc te culs cha, 'ix yac' ganar 'a yib'n̈ jun tzo'n̈ 'aych yajlil, jun tzo'n̈ 'ay spoder ya'n mandar. A 'a sat eb' 'anma', 'ix sch'oxo, to may jac yel'ch eb'. Caw xcan eb' 'a yaln̈ yuj 'a jun 'ejmn̈ej.

Santiago 4:6

Yuj cha, yel xo niwn swach'c'ojlal tzyac' 'ayn̈ec. A Ch'an̈ U'un̈ tzaln pax 'ixtic: A Dios tzchac sb'a yet' eb' b'an̈quintac yeq'ui. Palta ax 'a eb' 'emmquilal yeq'ui, tzyac' swach'c'ojlal 'a eb', xchi.