Is 25:1 - Chuj San Sebastian Bible

¹ Mamin Jehová in Diosal ach; 'oj ach in b'itnoc yet' in wach' paxti', yujto caw xac' 'el'choc tas nab'il o'oj, caw satjub'tac yilxi, to wach' yajcn xon oj 'a yictax pecti'.

Chuj San Mateo Bible

¹ Mamin Jehová, in Diosal ach. Ol val vach' lolonel d'ayach, yujto ix aq'uelc'och tas satub'tac nab'il uuj, ix aq'uelc'och tas alb'ilcan uj d'a peca'.

Is 25:1 ပူးပေါင်းရင်းမြစ်များ

Salmos 111:4

Satjub'tac yilx tas b'ob'il yu'uj, may b'a'n̈ tz'at 'a satc'ojlal. A Jehová caw wach' snab'en, 'ay schamc'ojlal.

Salmos 118:28

Ach qui Diosal on̈, tzcal yuj diosal 'ayach, yujto niwn el'chi. Smoj caln qui wach' paxti 'ayach.

Salmos 145:1

Ach in Diosal, 'oj wal-li to niwn ton wal el'chi, Reych paxi, 'oj wal wach' paxti 'ayach.

Salmos 146:2

'Oj wal in wach' paxti 'a Jehová ya' sb'a pitzn in. 'Oj in b'itnoc in Diosal ya' sb'a 'aynto 'ec' 'a sat lum lum tic.

Salmos 31:15

A 'a yol a c'ab', ata 'ay in q'uinal; coln 'el 'a eb' 'ajc'ojl yajch 'ayin, yujto tzin spech b'eyc'oc eb'.

Salmos 40:5

Mamin Jehová ach in Diosal, til wal jun tzo'n̈ tas satjub'tac yilx xa b'o'o, yet' jun tzo'n̈ a nab'en 'ix a nalb'ej cuj on̈. Tzin nib'j tzwal-l jun tzo'n̈ tic, palta matz techj waln 'eli, yujto 'ec'b'al 'a yib'n̈ smasnil tas tztac' walni.

Salmos 40:6

Ach tic matz a nib'j no noc' tz'ajx xajmb'alil, yet' jun tzo'n̈ xo tas tz'ajx ofrendail. May xon junc xajmb'al xa c'ana, no xajmb'al to tz'a smasnil, no xajmb'al yic tz'ajx lajwc mul. A eco' to 'ix a jac in chiquin sec yiclum tzwutj in b'a 'ayach.

Salmos 46:10

'Ix yaln Dios chi 'ixtic: 'Actjec eya'n owal, 'ojquejec 'eli chajtlto an ton Dios in. 'Oj alxoc 'el wab'xil 'a jun tzo'n̈ nacion̈ 'a smasnil sat lum lum tic, to cojn in niwn wel'chi, xchi.

Salmos 75:2

Mamin Jehová ach tzal 'ixtic: A wal yic 'oj c'och jun tiempoal sic'b'il 'el wu'uj, caw tojl 'oj wutc in b'eyc'ojlan eb' 'anma'.

Salmos 78:4

Ma'oj qui c'ub'quec 'el 'a eb' cunnalec, yet' 'a eb' tot 'oj 'aljoc. ¡'Oj calc wach' paxti 'a Jehová! 'Oj calc 'el sjelnal yet' smunljel to satjub'tac yilx b'ob'il yu'uj.

Salmos 89:1

Mamin Jehová, 'oj wal 'a scal in b'it chajtlto caw wach' a nab'en. A yic 'oj ach in b'itnoc 'a junjn 'ejem, 'oj wala', to yeln̈j tas tzala.

Salmos 98:1

B'itn coyc 'a Jehová yet' junc 'ac' b'it, yujto caw satjub'tac yilx tas tzb'o'o. 'Ix yac' ganar owal, yujto caw 'ay spoder.

Salmos 99:5

Ex wit chon̈ab', ¡Calc wach' paxti 'a Jehová qui Diosalec, qui'c chan̈ sb'i! 'Em coyc cumn 'a yojltac, yujto Dios Cojxn̈ej Toni.

Ex 15:2

A jun b'it tic a 'a Jehová tzcalec, yujto a qui Colmalec yaji, 'a 'aych quipoc. 'Ijx cab' chan̈ sb'i qui Diosalec, alx cab' wach' paxti 'a 'a, atn sDiosal eb' qui mam quichmec.

Is 11:5

A tas tojol yet' tas yel, a chi 'oj niwtjoc yalx 'a spatic, 'icha to spichl 'oj 'ajch jun tzo'n̈ cha.

Is 12:1

A 'a jun tiempoal cha, ata 'oj eyal 'ixtic: Mamin Jehová, tzcal yuj diosal 'aych on̈; wach'xam xcot wal yowl 'a c'ojl 'a quib'n̈ on̈, ax ticnec tox x'ec' jun cha, to wan a'n pax sniwnal qui c'ojl on̈.

Is 26:13

Mamin Jehová qui Diosal ach on̈. Wach'xam 'ay jun tzo'n̈ xo ewin 'anma x'och qui yajliloc on̈, palta cojn ach tzach calch qui yajliloc ticnec.

Is 26:8

Mamin Jehová, an̈ tic on̈ caw wal tzqui b'eylb'ej jun tzo'n̈ b'eyb'al tzyal a ley. A wal tas tzqui nib'ej, to nab'ilchn̈ej cuj on̈.

Is 28:29

An̈jtona', 'ixta pax jun tzo'n̈ jelnal tic, ata tzcot 'a Jehová tztac' yuj smasnil, caw wal satjub'tac yilx smasnil tas nab'il yu'uj, tzya'n 'el'choc yet' sjelnal.

Is 40:27

Ex israel yin̈tl can Jacob, ¿tas yuj tzex we'lji eyawji? ¿Tas yuj tzeyal 'ixtic: A Jehová caw matz on̈ yilc coti, caw matz 'och 'il Dios jac cujec? xe chi.

Is 46:10

A 'a yictax pecti', waln cani tas 'oj ujc 'a slajb' c'ual. Waln cani to 'oj ujc tas nab'il wu'uj, 'oj in b'o smasnil tas tzin nib'ej.

Is 46:11

'Ay jun mach tox 'ix wawtj cot 'a stojlal 'aj tzq'uel c'u, caw najt 'oj cot 'icha junc no c'uc'um. A jun cha 'oj wac' sb'o smasnil tas nab'ilx wu'uj. A tas 'ix wala, mto a tas nab'il wu'uj, 'oj wac' 'el'choc.

Is 49:4

Palta xin nan 'ixtic: Nab'an̈ej in munlji, nab'an̈ej x'el wip, may jac tas 'ix wij 'a 'a, xin chi. Palta wojtac to checl yaj jun tic 'a sat Jehová, a spac wic yuj jun tic, ata 'ayc' 'a yol sc'ab' Dios.

Is 49:5

Ax ticnec tox xin chaj sniwquil-l wel'ch 'a yojltac Jehová in Diosal, yujto a x'a'n wip. 'Aynto 'ec' 'a yol sc'ojl in nun 'ix snan cani to tzin 'och schecb'oc, sec tzwijx meltzjoc eb' israel jun 'ejm xo 'a 'a, atn eb' yin̈tl can Jacob.

Is 61:10

Caw wal tzin tzalj ticnec yuj Jehová. Caw wal tzjaw in tzaljc'ojlal yuj in Diosal, yujto caw wach' xyutj ya'n in colnb'il, a tojlal, a chi 'icha to x'och in pichloc yu'uj. 'Icha tz'aj junc quelem mto junc cob's 'ix tz'och 'a nupnel, 'ixta in yutj in sb'oni.

Is 7:13

Yuj cha, xyaln Isaías chi 'ixtic: Ex yin̈tl can David 'ab'c tas 'oj wala'. Caw may yel'ch e tzuntzn eb' eyit 'anma'il ¿Tom tze nib'j tze tzuntzj qui Diosalec 'icha tzeyutj eb' cha?

Jl 2:26

Ax ticnec, 'oj e wa'i masnto 'oj e b'ut'ji, ax eyaln e wach' paxti 'a 'ayn an Jehová e Diosal in, yujto til wal tas satjub'tac xin b'o yuj e wach'loc. Man̈x 'a b'a'n̈ 'oj e can 'a q'uixwc'ojlal.

Nm 23:19

A Dios man̈ lajnoc 'icha eb' 'anma'. Matz yac' 'es, matz jel snab'en. Toto 'ay junc tas tzyala, tz'el'chn̈ej yu'uj. May 'aj tz'ec' tas tzyala.

Ef 1:11

Yictax pecti', sic'b'iln̈ec xon 'el yuj Dios, yic 'oj qui chac quic 'oj yac' 'ayn̈ junjn on̈, yujto junxn̈ej cajc yet' Cristo. 'Oj 'el'choc jun tic 'icha tznib'j Dios, yujto a tzb'on smasnil tas 'icha tznib'ej.

Apoc 15:3

'Ix sb'itnan eb' sb'it Moisés, atn jun schecb' Dios. 'Ix sb'itnan pax eb' sb'it jun tzcuch Calnelu. Xchi jun b'it chi 'ixtic: Mamin, ach qui Diosal, smasnil tas tztac' o'oj. Caw niwn yel'ch jantcn̈ej tas xa b'o'o, xcaw sat qui c'ojl quiln on̈. Caw yel, tojln̈ej a b'eyb'al, sReyl ach junjn nacion̈.

Apoc 19:11

Ax xwilni, jacn satcha'an̈. Ata 'ayc' jun chej caw sac. Ax jun 'ay q'ue 'a yib'an̈, Yiclum sb'i, Yel pax sb'i. Yujto caw tojl tzyutj sb'eyc'ojlwi, xya'n pax owal.

Apoc 7:12

Xyaln eb' 'ixtic: B'o cab' 'ixta'. Alx cab' wach' paxti 'a Dios 'a smasnil tiempo. Alx cab'i', chajtlto caw niwn swach'il, yet' sjelnal. Alx cab' yuj diosal 'a 'a. Caw niwn yel'chi, niwn spoder, niwn pax yip. B'o cab' 'ixta', xchi eb'.