Is 24:8 - Chuj San Sebastian Bible

⁸ Man̈x 'a q'uin̈ 'a 'aj tzlaj c'an̈ tinab', yet' arpa, caw man̈x 'a stzaljc'ojlal eb' tzsonn yet' jun tzo'n̈ yamc'ab' cha.

Chuj San Mateo Bible

⁸ Man̈xalaj q'uin̈ b'aj ol c'an̈ tan̈b'il yed' te' arpa. Man̈xalaj anima ol b'oan q'uin̈ chi'.

Is 24:8 ပူးပေါင်းရင်းမြစ်များ

Job 3:7

Comnoc may tas 'ix uj 'a jun 'ac'wl cha, sec may jun tzo'n̈ 'aw yic tzaljc'ojlal xlaj 'ochi.

Job 30:31

A 'a yic yaln̈taxi, tzlaj in yuc in arpa, tzwutz'n pax in 'amay, ax ticnec, cojxn 'oc'l tzin c'an in b'o yuj yailal.

Salmos 137:2

A 'a sc'ab' eb' te sauce, ata xlaj qui locq'ue qui arpa.

Is 16:10

A tzaljc'ojlal yet' 'el-l 'aw 'oj sat 'ejmi. Man̈x 'a mach 'oj 'el yaw mto 'oj b'itnoc 'a scal te 'awb'en uva cha, man̈x 'a pax mach 'oj ste'l yal uva 'a ste'lab'. Smasnil 'aw cha, 'oj sat 'ejmi.

Is 5:12

A 'aj tz'och niwc wa'el, ata 'aych son yet' arpa, salterio, tinab' yet' 'amay. Til wal 'an̈ 'ayc' yuj eb' chi ta', palta a tas wan snan Jehová 'a yib'n̈ eb', caw may jac yel'ch 'a eb'.

Is 5:14

Ax yet'l chamel, 'oj sjac wal sti 'a eb' 'anma', yet' 'a eb' yajl yaj 'a scal eb' 'aj Jerusalén cha; ax sb'u'n 'ejm eb' smasnil, atn eb' 'anma tzcomn 'el yaw.

Jeremías 16:9

Yujto an Jehová in, tztac' wuj smasnil, e Diosal in, an tzwala: An 'oj wac' lajwc jun tzo'n̈ b'it yic tzaljc'ojlal tz'och 'a yic q'uin̈al, yet' jun tzo'n̈ b'it yic nupnel. A jun tic, 'oj ujc 'a yol e tiempoal tic, caw ax 'oj eyila'.

Jeremías 25:10

A wal 'oj wutoc, man̈x 'a 'aj 'oj 'ab'xoc yoch b'it yic q'uin̈ yuj tzaljc'ojlal, yet' b'it yic nupnel. Man̈x 'a 'aj 'oj 'ab'xoc sc'an̈ q'uen cha', man̈x 'a 'aj pax 'oj 'ilxoc yoc cantil.

Jeremías 7:34

'Oj wac' sat chan̈ eb' 'anma 'a yoltc chon̈b' Judá. Ax 'a yoltc scayeal Jerusalén, man̈x 'a b'it yic q'uin̈ 'oj 'ochoc, man̈x 'a tzaljc'ojlal. Man̈x 'a pax b'it yic nupnel 'oj 'ochoc, 'icha wal lum cusltac lu'um, 'ixta 'oj 'ajcn jun chon̈b' tic, xchi Dios.

Lm 5:14

Man̈x 'a eb' 'ichmtac winc tz'em wocn 'a sti spuertail chon̈ab' yic tzb'eyc'ojlwi, man̈x 'a pax eb' quelm 'unn tz'ab'x sb'itni.

Ez 26:13

'Ixta 'oj wutc in satn 'el jun tzo'n̈ sb'it eb' 'anma', man̈x 'a 'aj 'oj 'ab'xoc yoch b'it yet' arpa.

Ez 28:13

A 'a scal te 'awb'ente 'a Edén, ata 'e'nc ach cajan, ax jun tzo'n̈ q'uen wach' yilxi, a eb' 'aych yelwnub'loc a pichul, atn eb' q'uen tic: Q'uen rubí, q'uen crisólito, q'uen jade, q'uen topacio, q'uen cornalina, q'uen jaspe, q'uen zafiro, q'uen granate yet' q'uen esmeralda. Ax tas yamjnac jun tzo'n̈ q'uen cha, nab'a oro. A jun tzo'n̈ tic lista xon yaj eb' yictax ach in b'on cani.

Os 2:11

'Oj wac' lajwc stzaljc'ojlal, ax wa'n lajwc sq'uin̈ tzna 'a yic tzpac' 'uj, yet' sq'uin̈ yic sc'ul 'iljelal, yet' smasnil jun tzo'n̈ xo q'uin̈ tzna'a.

Am 6:7

Ax tic, 'oj e b'ab'l 'ijx 'at 'icha presoal 'a jun tzo'n̈ chuc chon̈b'al. 'Oj sat 'ejm jun tzo'n̈ e q'uin̈ 'aj tzlaj ex b'uylji cha.

Apoc 18:22

Man̈x 'a b'a'n̈ 'oj 'ab'xoc sjaj arpa, flauta, mto trompeta. Man̈x 'a junc mach 'oj munljoc 'a yopiso. Man̈x 'a b'a'n̈ 'oj 'ab'xc sc'an̈ junc samq'uen mulino.