Is 24:21 - Chuj San Sebastian Bible

²¹ A 'a yic jun c'ul cha, a Jehová a 'oj 'a'nc 'och yailal 'a yib'n̈ eb' demonio tz'ec' 'a scal 'ic', yet' 'a yib'n̈ eb' rey 'a sat lum lum tic.

Chuj San Mateo Bible

²¹ A d'a jun tiempoal chi', a Jehová ol ac'anoch syaelal eb' yajal tz'ec' d'a cal ic' d'a chaan̈ yed' eb' yajal d'a sat luum tic, ol ac'jococh syaelal eb' d'a tic.

Is 24:21 ပူးပေါင်းရင်းမြစ်များ

Salmos 76:12

Yujto a tz'i'n 'ec' sq'uinl eb' yajal, caw tzxiw eb' rey yic yolyib'n̈q'uinl tic 'a 'a.

Is 10:12

A yic tox xlajw 'el'ch 'icha tas nab'il yuj Dios 'a yib'n̈ tzaln Sión yet' Jerusalén, 'ixta to b'i'an, ax ya'n 'och syailal win sreyl Asiria cha. Yujto cob' xyij chan̈ sb'a, sb'an̈n sb'a yuj tas xlaj sb'o cha.

Is 13:11

Yuj cha, ax yaln Jehová 'ixtic: A ticnec, 'oj wa'ch yailal 'a yib'n̈ eb' 'anma 'a yolyib'n̈q'uinl tic yuj maysch'olnil tzlaj sb'o. 'Oj wac' sat 'ejm sb'an̈quinal eb' tzlaj yi' chan̈ sb'a, yet' eb' may yel'ch yit 'anmal 'a sat.

Is 2:12

A Jehová tztac' yuj smasnil, 'oj jawc jun c'u to nab'il xo yu'uj, yic tzya'n cot yowl sc'ojl 'a yib'n̈ eb' b'an̈quintac, eb' tenmtac, eb' cob' tzyij chan̈ sb'a;

Is 24:4

A lum lum tic, caw 'oj tacjoc lu'um, man̈x wach'c yilx 'oj 'ajoc, smasnil yolyib'n̈q'uinl tic 'oj tacjoc 'eli, smasnil eb' niwc winac, caw 'oj cus chan̈ eb'.

Is 60:11

A spuertail e chon̈ab', jacnn̈ej ax yec' c'u, ax yec' 'ac'wal. Ma'oj macchjoc sec wach' yijx cot eb' sreyl jun tzo'n̈ nacion̈ chi 'ayx yet' sricoal.

Ez 39:1

Ach 'anma', al 'a win Gog to an Jehová in, an tzwal 'ixtic: Ach Gog, yajl cob' aj 'a Mesec yet' 'a Tubal, tzwal ab'i', to 'ajc'ojl xo wajch 'ayach.

Ez 39:5

Sactzicnac 'oj 'ajcn e niwnal 'a eb' lum 'a'lic cha. An Jehová in, an tzwal jun tic to 'ixta 'oj eyaji.

Jl 3:19

A chon̈b' Egipto, 'oj lan̈chjoc can 'ejmi, ax Edom, caw cusltac lum 'oj 'ajcni, yujto ya'jnac eb' owl yet' eb' cajn 'a Judá, ata 'elnc schic'l eb' 'anma may smul yuj eb'.

Sofonías 1:8

A 'a yic jun c'u yic b'eyc'ojlal cha, 'oj wa'ch yailal 'a yib'n̈ eb' yajal, 'a yib'n̈ yunnal eb' rey, yet' 'a yib'n̈ smasnil eb' tzb'eylb'an sb'eyb'al eb' chuc chon̈b'al.

Apoc 17:14

Caw 'oj yac' eb' owl yet' jun tzcuch Calnelu, palta a 'oj 'a'nc ganar 'a yib'n̈ eb'. Yujto a jun tzcuch Calnelu cha, Yajl yaj 'a eb' yajal, sReyl pax eb' rey. Ax eb' 'ayc' yet'oc, 'awtb'il chan̈ eb' yuj Dios, sic'b'il 'el eb' yu'uj, atn eb' yiclum 'a 'a, xchi jun ángel chi 'ayin.

Apoc 18:9

Ax eb' niwc yajl 'a yolyib'n̈q'uinal, eb' xb'on 'ajmulal yet' jun tzalx 'ixl tic. Caw locn eb' yet' 'a sricoal. Palta ax yic 'oj yilnc eb' sq'ue stab'l stz'a'i, caw 'oj 'oc' eb'. 'Oj cul-loc eb' yoc' yu'uj.