Is 24:20 - Chuj San Sebastian Bible

²⁰ 'Oj 'ec' ch'umch'noc lum 'icha junc 'u'm 'an̈. 'Oj 'ib'xoc lum 'icha junc pat tz'ib'x yuj 'ic'. Yujto a smul eb' 'anma', caw 'ec'b'al xo 'a yib'n̈ lu'um, yuj cha, 'oj telwc can 'ejmi, man̈x 'a b'a'n̈ 'oj q'uex wa'an.

Chuj San Mateo Bible

²⁰ Toxon̈ej ol ec' ch'umch'on luum icha junoc uc'um an̈, icha yec' xecxon junoc lechpat yuj ic'. Yujto a smul eb' anima, ix te alb'i d'a yib'an̈ luum. Yuj chi' ol telvoccan luum, man̈xa b'aq'uin̈ ol q'ue vaan luum.

Is 24:20 ပူးပေါင်းရင်းမြစ်များ

Gn 41:31

Caw niwquil jun wejl 'oj jawc 'a jun tiempoal cha, man̈x 'a 'aj 'oj checljoc jac tas ya'jnac sobra.

Job 12:25

Toxn̈ej tzmachlj eb' tz'ec' eb', 'icha to q'uic'q'uinl 'aj 'ay eb', toxn̈ej tztectn 'ec' eb' 'icha 'u'm 'an̈.

Salmos 107:27

'Ix 'ib'x eb' yuj xiwlal, toxn̈ej xch'umch'n 'ec' eb' 'icha 'u'm 'an̈, smasnil sjelnal snab'en eb', toc 'ayt jac yopiso.

Salmos 38:4

A in maysch'olnilal cha, a quiln q'ue 'a wib'an̈, 'icha wal junc niwquil 'ictz matz techj yal-l wu'uj.

Is 1:28

palta ax eb' tenmtac, eb' 'ajmul yet' eb' tzin 'actn cani, 'oj cham pax eb'.

Is 1:8

A chon̈b' Sión, 'ix can sch'ocj 'icha junc yune pat yic eb' tan̈m uva, mto 'icha jac yen̈l eb' tan̈m melón yic tzlajw smolb'tzax te', mto 'icha pax tzyac' junc chon̈b' oyn 'och eb' 'ajc'ojl 'a 'a, yic tzya'n lajwc 'el eb'.

Is 19:14

A Jehová, 'ix ya'ch somc'ojlal 'a scal eb' yajl cha, yet' tas tzlaj sb'o eb'. Lajn xoj tzyutj sb'a eb' 'icha eb' 'u'm 'an̈ tztelw 'a yib'n̈ xej.

Is 24:1

A Jehová a 'ix aln 'ixtic: 'Iltec, an 'oj in mes sat lum lum tic, caw 'oj cancn jitn lum wu'uj, ax in chuln b'e'n lu'um, 'oj sactzic can 'at eb' cajn 'a sat lum wu'uj.

Is 28:7

An̈jtona', 'ay jun tzo'n̈ xo eb' 'anma tztectn 'ec' yuj te 'an̈ cha, tzlaj sicb' 'el eb' yuj yowl te'; atn eb' ya'mal 'och sti eb' 'anma', yet' eb' tzyalch sb'a schecb'oc Dios. A yic 'u'm 'an̈ eb' cha, caw wal tzsomchj snab'en eb', yuj cha man̈xtzac tznachj 'el yuj eb' tas tzyal Dios, man̈ wach'c tzyutj eb' sb'on yaj eb' 'anma'.

Is 29:9

Ex 'aj Jerusalén, b'eyn̈ecn̈ej yet' e man̈ nab'enal, b'eyn̈ecn̈ej 'a 'icha to matz uj eyiln xon jab'oc. 'E'n̈ecn̈ej tectnoc 'icha junc 'u'm 'an̈, wach'xam man̈ ex 'u'moc 'an̈.

Is 38:12

Yujto a 'in q'uinal 'ijn 'ix sat 'ejm 'icha tz'aj sma'x 'ejm junc mantiado 'a yet'l yuj junc 'ilm calnelu, tzyi'n 'ati. 'Icha wal tz'aj slot'x 'elt junc nip 'a 'aj tzjalxi, 'ixta x'aj in q'uinl tic xwab'i, xin chi. Mamin, sc'ual yac'wlil wab'n syal o'oj.

Is 43:27

A eb' e mam eyicham, a eb' b'ab'l 'ochnc smul, ax eb' scuymal eb', 'ix meltzj 'och eb' 'ajc'ojlal 'ayin.

Is 66:24

Ax yic 'oj meltzjoc eb' 'anma cha, 'oj yil eb' sniwnal eb' chamnac, atn eb' meltzjnac 'och 'ajc'ojlal 'ayin. Ax no a'ay, a no tzchin 'ejm sniwnal eb' chamnc cha, may xon tz'aj no ay chi schami; 'ixta pax jun c'ac' tzn̈usntz'a eb' cha, may xon tz'aj stupi. Caw wal yajb'entac yilx eb' 'a sat smasnil 'anma', xchi Jehová Dios.

Jeremías 25:27

Xlajw cha, 'ix yaln Jehová 'ayn 'ixtic: Ala, chajtlto an Jehová in, tztac' wuj smasnil, e Diosal in ax israel ex tic, an 'ix wala to yowlal tzyu'j eb', masnto tzq'ue 'a sjolm eb', tzxej eb' yu'uj, telw cab' eb' 'a sat lu'um, man̈x cab' q'ue wan eb'. 'Ixta wal 'oj 'aj eb' yuj jun owl 'oj wa't 'a scal.

Jeremías 4:24

'Ix laj wilnc 'at eb' lum witz, caw wal tz'ib'x eb' lu'um, 'ixta pax eb' lum tzalan, caw wal tzicb'tan̈x eb' lu'um.

Jeremías 51:29

A lum lum tic, caw 'oj 'ib'xoc lu'um, 'oj tzicb'tan̈xoc, yujto 'oj 'el'choc tas nab'il yuj Jehová. A yic 'oj 'ochcn Babilonia tic 'a cusltac lumal, man̈x 'a mach 'oj cajnoc.

Jeremías 8:4

Ach Jeremías, al jun tzo'n̈ in paxti tic 'a eb' et chon̈b' tic, an Jehová in, an tzwal 'ixtic: Q'uinloc 'ay junc mach tztelwi, tzq'uexwan jun 'ejm xo. Q'uinloc 'ay junc mach tzsat 'a junc b'e, tzmeltzj pax 'a spatc jun 'ejm xo.

Lm 1:14

'Ix yil Dios to caw x'och qui mul on̈, yuj cha, mun a qui mul chi on̈ jaln 'ejm on̈. A jun cha, caw wal 'al yaj q'ue quiln 'a quib'n̈ 'icha junc 'icatz, caw wal tz'el quip yuj on̈. Tox on̈ ya'ch Cajlil 'a yol sc'ab' eb' 'ajc'ojl yajch 'ayn̈ on̈. Caw wal man̈x 'ic stac' qui coln qui b'a 'a eb' on̈.

Dn 11:19

'Oj lajwc cha, ax smeltzj 'a slu'um, 'a 'aj 'aycn jun tzo'n̈ schon̈b' caw wal 'ay yip, palta man̈x 'oj stac' yu'uj, ax satcn 'eli.

Am 8:14

'Ixta wal 'oj 'aj eb' tz'a'n sti 'a jun tzo'n̈ yechl q'uixweltac yilx 'ay 'a Samaria, atn eb' tzaln 'ixtic: Tzwac' in ti 'a sb'i sdiosal eb' 'aj Dan, mto 'a sb'i sdiosal eb' 'aj Beerseba, xchi eb'. Yuj wal jun cha, man̈x 'a b'a'n̈ 'oj q'uex wan eb', xchi Dios.

Nahúm 1:5

Caw tz'ib'x eb' lum witz 'a yojltac Dios, caw tz'ulb'x pax 'ejm eb' lum tzaln yu'uj. Smasnil lum lum tic yet' smasnil eb' 'anma cajn ta', caw tz'ib'x eb' yuj xiwlal 'a yic tzch'oxn sb'a Dios.

Apoc 18:21

Xlajw cha, 'ay jun ángel caw niwn spoder. 'Ix yi'n chan̈ jun niwquil q'ue'en, 'icha junc sam q'uen yic mulino. 'Ix sjuln 'ejm 'a yojl a mar, 'ix yaln 'ixtic: 'Ixc wal 'oj 'aj sjulx pax 'ejm jun niwquil chon̈b' Babilonia. Man̈x 'a b'a'n̈ 'oj 'ilxc jun 'ejm xo.