Is 23:3 - Chuj San Sebastian Bible

³ Tzc'och eb' e manwjum chi 'a Sihor, tzmann eb' 'ixm trigo ta', atn 'ixm tz'el 'a sti a Nilo, tzlajw cha, tzchon̈n 'at eb' 'a jun tzo'n̈ xo nacion̈, atn ta tzeyij tas tzeyac' ganar.

Chuj San Mateo Bible

³ Sc'och eb' e manvajum chi' d'a Egipto, smanan ixim trigo eb' tz'el d'a stitac a' Nilo. Slajvi chi' schon̈anxi ixim eb' d'a juntzan̈xo chon̈ab'. Aton d'a spatic chi' tzeyic' e ganar.

Is 23:3 ပူးပေါင်းရင်းမြစ်များ

1 Cr 13:5

Xlajw cha, 'ix ya'n David syam sb'a smasnil eb' yit israelal 'a smasnil yol smacb'en. Tzchaj cot 'a Sihor 'a smon̈jonal yic Egipto, masnto 'a 'aj tzon̈ 'och 'a Hamat, yic tz'at 'ijxc cot te scaxail strato Dios chi 'a Quiriat-jearim, tzcuch pax Baala, ata 'ay 'a yol yic Judá.

Is 19:7

A smasnil te b'alal yet' te 'awb'ente 'ay 'a sti a', 'oj tacjoc 'el eb' te', ax sat 'ejm te 'a yet'l cha.

Is 23:8

¿Mach xnan chan̈ jun tic 'a yib'n̈ Tiro? A jun chon̈b' tic yicn̈ej eb' rey yaji, a eb' chon̈wjum caw niwc wincn̈ej eb', caw b'inab'il eb' 'a smasnil yolyib'n̈q'uinal.

Is 32:20

Caw wal wach' eyico', yujto 'ay eb' a a wach' yoch yalilc eyawb'en, coln pax 'aj 'oj laj wa e wacax yet' e b'uru.

Jeremías 2:18

Ax ticnec, ¿tas 'oj eyac' ganar, yuj cha, tzex 'at 'a Egipto yic tz'at eyu'nc a Nilo? ¿Tas 'oj eyac' pax ganar, yuj cha, tzex 'at 'a Asiria yic tz'at eyu'nc a Éufrates?

Ez 27:33

A yic mantzac lajw 'el Tiro, xlaj yi'nc 'at te barco smasnil chon̈ 'ay 'a 'a, caw wal stzalj jun tzo'n̈ xo chon̈b' smanni. Ax eb' rey 'a jun tzo'n̈ xo nacion̈, caw 'ix 'och eb' ricoal yuj tas 'ay 'a jun chon̈b' cha.

Ez 28:4

A yuj cob' a jelnal cha, yet' yuj a nab'en, xa molb'tzan smasnil a ricoal, til wal q'uen oro yet' q'uen plata xa mol 'a yol a caxa.

Jl 3:5

Ax tic, xeyel'j q'uen plata yet' q'uen oro 'ayin, xeyi'n 'at in ricoal 'a yet'l e diosal.

Dt 11:10

A lum lum 'oj 'ajxoc 'ayx cha, man̈ lajnoc lum yet' lum Egipto 'aj cotnc on̈ec. Ata', tzeyawj tas tzeyawej, palta tzeya'ch yalil 'icha junc hortaliza.

Josué 13:3

tz'atn̈j lum 'a a a tzcuch Sihor 'ay 'a stojlal 'aj tzq'uel c'u 'a Egipto, masnto 'a smon̈jonal Ecrón, 'a stojlal norte, atn lum yic eb' cananeo. A 'a jun lum cha, ata 'ay own̈ eb' syajlil eb' filisteo, atn eb' yajl yaj 'a Gaza, 'a Asdod, 'a Ascalón, 'a Gat yet' 'a Ecrón. 'Ayt can pax lum yic eb' heveo 'a stojlal sur,