Is 23:15 - Chuj San Sebastian Bible

¹⁵ A 'a yic jun tiempoal cha, a chon̈b' Tiro 'oj 'atcn 'a satc'ojlal 'a 70 ab'il, 'icha sq'uinl junc rey. At yic 'oj lajwc 70 ab'il cha, atta 'oj jawc 'a yib'n̈ Tiro 'icha tzyal jun b'it tzb'itnax 'a jun 'ix 'ajmul 'ix, 'a 'aj tzyal 'ixtic:

Chuj San Mateo Bible

¹⁵ A d'a jun tiempoal chi', a Tiro 70 ab'il ol b'atcan satc'olal icha sq'uinal junoc vin̈ rey. Ato yic ol lajvoc 70 ab'il chi', ichato chi' ol javoc d'a yib'an̈ icha syal jun b'it sb'itaj d'a jun ix ajmul ix, syalan icha tic:

Is 23:15 ပူးပေါင်းရင်းမြစ်များ

Is 23:16

Ach 'ajmul 'ix, man̈x 'a mach tzach nan coti, 'ij 'at a arpa, 'ixc b'eyc'oc 'a yoltc chon̈ab', caw wach' tzotj a'n 'och a son, niwn b'it tza b'itnej, toq'ue 'ayt mach tzach nan coti, xchi jun b'it cha.

Is 23:17

A yic 'oj lajwc 70 ab'il cha, ax ya'n pax Jehová chon̈wjoc eb' 'aj Tiro jun 'ejm xo, ax syamn pax 'och eb' sb'on maysch'olnilal yet' eb' rey 'a sat smasnil lum lum tic.

Jeremías 25:22

smasnil eb' rey 'a Tiro, 'a Sidón, yet' smasnil eb' rey 'ay 'a jun tzo'n̈ nacion̈ 'ay 'a sti 'a mar Mediterráneo.

Jeremías 29:10

Tzwaln pax junx tic: A yic 'oj tz'acwc 70 ab'il e c'och 'a Babilonia cha, ax in colwj pax eyet'oc, 'oj wac' 'el'choc in ti wa'jnac cani, chajtlto 'oj ex wi'x meltzjoc 'a tic jun 'ejm xo.

Ez 16:35

Yuj cha, an Jehová Yajl in, an tzwal 'ixtc yuj 'ix 'ajmul 'ix cha:

Ez 27:25

A eb' te niwc barco yic Tarsis, a eb' te tz'i'n cot chon̈, tzyi'n pax 'at eb' te'. Ach chon̈b' Tiro, lajn ach wal 'icha junc te barco caw 'al yaj yet' yicatz, 'ayc' 'a snan̈l a mar.

Ez 29:11

Chawinc ab'il 'oj can a chon̈b' 'a sictaquil, man̈x 'a 'anma', yet' no noc' 'oj 'ec' 'a jun tiempoal chi ta'.

Dn 7:14

'Ix 'ajx yopiso yet' sb'inab'ilal yic tzya'n reyal. Smasnil 'anma 'a junjn nacion̈ yet' 'a junjn ti'al, c'uxn tz'a'w servil eb' 'a 'a. A yip 'ayc' 'a jun 'ejmn̈ej, ax yopiso cha, caw may xon b'a'n̈ 'oj lajwc 'ejmi.

Dn 8:21

Ax pax no chiwo xel cha, atn sreyl chon̈b' Grecia tzch'oxo. A jun sch'ac caw niwquil 'ay 'elt 'a snan̈l yol sat schab'il, atn jun b'ab'l rey tzch'oxo.

Os 2:15

'Oj wa'x can slum 'aj 'awb'il yuva, atn lum span̈nil yic b'ilc'ojlal, palta 'oj 'ochx can pan̈n yic yipc'ojlal. 'Ixta 'oj wutc cani, 'icha ya'jnac 'a b'ab'el yic yelt 'a Egipto. Ata 'oj ta'wc 'ayin 'icha junc 'ix cob's 'ix.

Apoc 17:10

An̈jtona a uque sjolm cha, tzyal 'el'ch paxi, 'ay ucwn̈ niwc yajal. A eb' yajl chi yucwn̈il, own̈ eb' tox x'eq'ui. 'Ay jun 'ayt 'och yajlil ticnec. 'Ayt pax junx tot 'oj 'ochoc. A yic 'oj 'och junx cha, man̈x najtloc tiempo 'oj yac' yajlil.