Is 22:13 - Chuj San Sebastian Bible

¹³ A eyico', cojn tzaljc'ojlal tze b'o 'a e q'uin̈, tze miln cham no wacax yet' no calnelu. Tze chi wal chib'ej, tzeyu'n pax 'an̈. Tzeyaln 'ixtic: Wa coyec, cu'c 'an̈, toq'ue ax q'uic'an tzon̈ chamec, xe chi.

Chuj San Mateo Bible

¹³ A tas tze c'ulej to tzeyac' q'uin̈ d'a tzalajc'olal, tze milancham noc' vacax yed' noc' calnel. Tzex va val, tzeyuc'an an̈. Tzeyalan icha tic: Con̈ vaec, cuq'uec an̈, caq'uec co gana, talaj chamnac on̈xo q'uic'an, xe chi.

Is 22:13 ပူးပေါင်းရင်းမြစ်များ

Is 26:10

Wach'xam tz'o'ch a c'ojl 'a eb' maysch'olnil sb'eyb'al, palta matz yiclj eb' sb'on tojlal. Wach'xam a 'a scal eb' wach' snab'en cajn 'ec' eb', palta an̈ja sb'on eb' maysch'olnil cha. Toc 'ay el'ch yet' opiso chi 'a sat eb'.

Is 29:1

'Oltac wal chon̈b' Jerusalén, tzcuch Yet'l Xajmb'al Yic Dios, 'aj 'e'nc cajn David. 'A junjn ab'il tznan jun tzo'n̈ q'uin̈ tz'eq'ui.

Is 47:8

'Ab' tas 'oj wala', cojn wal tas caw wach' yilx tza nib'j 'ochi. Man̈ jantcoc sja'l aj 'elt wocn 'a a despacho, yuj cha, tzcob' a nanc 'ixtic: Cojn in toni, may junc xo mach lajn wet'oc, ma'oj in can 'a to man̈x 'a wichmil, ma'oj in can pax 'a to man̈x 'a wune', xa chi.

Is 5:11

'Oltac wal eb' 'anma tzseb' q'ue wan 'a sq'uin̈b'ial yic tz'atx can eb' 'u'l 'an̈, ax tz'aji, tzq'uex can te 'a sjolm eb', ata tz'e'x 'ac'wl yuj eb'.

Is 5:12

A 'aj tz'och niwc wa'el, ata 'aych son yet' arpa, salterio, tinab' yet' 'amay. Til wal 'an̈ 'ayc' yuj eb' chi ta', palta a tas wan snan Jehová 'a yib'n̈ eb', caw may jac yel'ch 'a eb'.

Is 5:22

'Oltac wal eb' cob' jeln yu'n 'an̈, to caw 'ay snab'en eb' yalni. Yuj cha, tzlaj cob' ya'nc eb' scalc sb'a te 'an̈ cha.

Is 56:12

Tzlaj yaln eb' 'ixtic: Coyc qui say jac can̈, a cab' te caw ow tzqui sayc 'eq'ui, sec tzq'ue te 'a qui jolmec. Tzcu'nec pax te 'an̈ chi q'uic'an, yab'n 'icha hora tic. 'Oj cu'c 'icha tzcutjec cu'n ticnec, mto yel xo wal 'oj 'ec' 'a yib'n̈ cu'nec ta', xchi eb', xchi Dios.

Is 58:3

Yuj cha, xyaln eb' 'ixtic: Nab'an̈ej tzon̈ cob' 'och 'a c'ajb'c'ojlal 'aych on̈, toc tzela. Nab'an̈ej tzon̈ cob' 'och 'emmquilal 'aych on̈, toc tzach 'och 'il cuj on̈, xchi eb'. Yuj cha tzwaln 'ixtc 'a eb': Yel toni, a yic tzex 'och 'a c'ajb'c'ojlal cha, cojn tas tze nib'j e b'o', a chi tze b'o'o, tzlaj eyixtn eb' eyit 'anmal tzmunlj 'ayex.

Ez 16:49

Yaj jun tzo'n̈ smul chon̈b' Sodoma yet' yaldeail. Caw wal sb'an̈ sb'a yet' tas 'ay 'a 'a. Til wal tas tzc'uxu, caw wach' yaji, palta ma'ix colwj jac 'a eb' meb'a', yet' 'a eb' 'anma may tas tzc'uxu.

Os 9:1

Ex wit israelal, man̈ ex tzaljoc, man̈ ex q'ue b'atnjoc e tzalj 'icha tzyac' eb' chuc chon̈ab', yujto xeyactjcan qui Diosal, 'icha tzyutj eb' 'ix 'ajmul 'ix yactn can yichmil. Caw wal tzex tzalj e ch'oxn e chamc'ojlal 'a Baal, yu'uj wach' tz'aj sat smasnil tas 'awb'il eyuj eyalni.

1 Co 15:32

A 'a Efeso tic, 'ay jun tzo'n̈ eb' 'a'jnac 'och jun tas 'a wib'an̈. Caw ow eb' 'icha junc noc' caw 'ay smay. Toto may in q'uinl 'a jun 'ejmn̈ej, ¿tas yuj tzwixtj in b'a tzyal cha? Toto ma'oj pitzwc pax eb' chamnac, to 'ixta', caw am wach' ton̈j tzca'c qui gana jac ticnec. Wa coyec, tzcu'nec tas tzcuq'uej, toq'ue chamnc on̈c xo q'uic'an.

Santiago 5:5

Caw wach' tzex 'ec' 'a yolyib'n̈q'uinl tic, caw b'ut'nn̈ej yol eyatut yet' jantcn̈ej tas. Toxn̈ej tz'ixtx eyu'uj. 'Icha junc wacx tz'ajx servil caw b'aq'uech, ax smilxi, 'ixta 'ex. Ton̈j tzeyac' e gana jab'oc.