Is 16:4 - Chuj San Sebastian Bible

⁴ Tzon̈ e chaj 'och 'a e cal, tzon̈ e c'ub'j 'el 'a eb' tzon̈ sayn 'ec' on̈. Matz on̈ e ch'ox 'a eb' on̈, 'oj schic eb' 'aj Moab cha. A yic 'oj lajwc 'ec' jun yailal cha, yet' 'a yic 'oj 'el jun tz'a'n lajwc 'el jun nacion̈ tic,

Chuj San Mateo Bible

⁴ Chaon̈ecc'och cajan d'a e cal, tzon̈ e c'ub'anel d'a eb' van on̈ sayaneq'ui, xchi eb' aj Moab chi'. Ayic ol satel jun mach tz'ixtan eb' anima chi' yed' satanpaxel juntzan̈ schon̈ab' eb',

Is 16:4 ပူးပေါင်းရင်းမြစ်များ

Is 14:4

a 'a jun tiempoal cha, ata 'oj eyalb'tan̈c jun poesía tic, yic tze b'uchn win sreyl Babilonia, 'oj eyal 'ixtic: 'Iltec wal tz'ajcn win tzon̈ 'ixtnec tic, 'iltec wal x'ajcn yuj sb'an̈quintaquil.

Is 15:6

'Oj tup chan̈ eb' a a 'a yol yic Nimrim, ax stacj chan̈ smasnil te c'ultac. Man̈x 'a xon junc te c'ultc yax xil 'oj canoc.

Is 25:10

A Jehová, a 'oj tan̈wnoc lum tzaln Sión, ya' sb'a ax chon̈b' Moab, wan ste'x can 'ejm 'icha tz'aj ste'x 'at te 'ac 'a scal stza no noc' 'a yol junc jul.

Is 33:1

'Oltacch wal ach satm 'el 'anma', a ticnec mant 'a mach tzach satn 'eli, ach macm sat 'anma', mant 'a mach tzmacn a sat 'a junc tas. At 'a yic 'oj 'och wan a satn 'el eb' 'anma', atta 'oj a satx 'eli, at 'a yic 'oj 'och wan a macn sat eb' 'anma', atta 'oj macxoc a sat.

Is 49:26

A eb' tzach 'ixtn cha, an 'oj wac' schilac sb'a eb', ax yu'lan eb' schiq'uil. 'Oj q'ue 'a sjolm eb' 'icha te 'an̈. 'Ixta to b'i'an, ax yojcan 'el smasnil 'anma', to an ton Jehová a colmal waji. An tzach wa'l 'a libre, sDiosal in Jacob, tztac' wuj smasnil, xchi Dios.

Is 51:13

An Jehová in, an jen̈jnac 'at satcha'an̈, in b'on pax lum lu'um. Ax ticnec, ¿tom xeyac' sat e c'ojl 'a mach b'ojnac ex? ¿Tom an̈ja e xiw yuj eb' 'anma tzex laj 'ixtn cha, eb' tznib'n tzex satn 'el yuj yowl sc'ojol? Palta a yowl sc'ojl eb' tzex 'ixtn cha, toxn man̈x 'a jac yel'chi.

Is 54:14

A tojlal, a chi 'oj yic' yip 'a scal eb', 'oj colchjoc can 'el eb' 'a yol sc'ab' eb' 'anma tz'ixtn eb', 'oj 'el jun xiwc'ojlal chi 'a scal eb', man̈x 'a tas 'oj xib'tnoc eb'.

Is 58:7

A eb' 'anma tzcham yuj wejel, 'a'c tas tzc'ux eb' eyet'oc, ax eb' may yatut, 'a'c sposada eb' 'a eyatut. Toto 'ay eb' meb'a man̈x 'a jac spichul, pichc eb' eyet'oc, man̈ eyactc eya'n sniwnal sc'ojl eb' eyit chon̈ab'.

Is 9:4

Yujto ach 'ix a satl jun chon̈b' 'ix 'i'n 'at eb' a chon̈b' tic 'a 'icha presoal, eb' x'a'n 'och yailal 'a eb' a chon̈ab'. Ach 'ix a satl eb' 'icha 'ajnc satl eb' 'aj Madián 'a yic pecti'.

Jeremías 40:11

An̈jtona 'ay pax eb' israel xcancn to 'a chon̈b' Moab, 'a Amón, 'a Edom, yet' 'a jun tzo'n̈ xo nacion̈. 'Ix yab' eb' to 'ayt eb' israel xcancn 'a chon̈b' Judá chi yuj win sreyl Babilonia. 'Ix yab'n pax eb' to a Gedalías yunnal Ahicam yixchicn Safán, a 'ix 'ajx can 'och gobernadoral 'a yib'n̈ eb' yuj winac.

Jeremías 48:18

'Actjec can e b'inab'ilal ex 'aj Dibón, 'emmquilal tzeyutj e b'a, yujto a jun mach wan satn 'el Moab, wan sc'och 'ayex, wan xo sma'n lan̈chjoc smuroal e chon̈ab'.

Jeremías 48:8

An Jehová in, an tzwala: A jun owl cha, 'oj c'och 'a smasnil chon̈b' Moab, may junc 'oj 'elcni. Smasnil tas 'ay 'a lum ch'olctac' yet' 'a lum pan̈ctac, 'oj satxoc 'el smasnil.

Abdías 1:14

Comnoc ma'ix e mac sb'e eb' xlaj 'at 'eloc, oc xo jun ex laj c'och 'a 'aj schaj sb'a b'e, xlaj e miln cham eb' xlaj 'at 'elc cha. Xeya'n pax 'och eb' 'a yol sc'ab' eb' 'ajc'ojol, yic 'aych yailal 'a yib'n̈ eb' 'a jun tiempoal cha.

Zacarías 10:5

'Oj ste'cn 'ejm eb' smasnil eb' 'ajc'ojl yajch 'a 'a, 'icha tzyutj eb' soldado ste'n chan̈ b'i'ch 'a yol caye. 'Oj yac' ganar eb' owal, yujto 'ayn 'och yet' eb'. A eb' soldado 'ay q'ue 'a yib'n̈ chej, 'oj can eb' 'a yaln̈ yuj eb'.

Zacarías 9:8

An xo tic, 'oj in coln̈j eb' in chon̈b' cha, ax in tan̈wni eb' 'a eb' soldado tz'ec' 'a tic. A eb' 'ixtm 'anma', man̈x 'oj 'ixtxoc in chon̈b' yuj eb'. An wal caw 'oj in tan̈wc in chon̈b' cha, xchi Dios.

Malaquías 4:3

A 'a yic jun c'ul cha, 'oj e te'cn 'ejm eb' tzb'on maysch'olnil, 'icha wal tz'aj ste'x q'uen stan̈il c'ac', 'ixta 'oj eyutc eb'.

Lc 21:24

Nan̈l eb' 'oj milxc cham yuj owl cha. Nan̈l xo eb' 'oj 'atcn 'a 'icha presoal, ax spojx can 'ec' eb' 'a junjn chon̈ab'. A eb' man̈ israeloc cha, caw 'oj 'ixtxoc can 'el Jerusalén tic yuj eb'. 'Ixta 'oj 'ajoc, masnto 'oj lajwc jun tiempoal 'aj tzyac' eb' yajlil 'icha yaj snan Dios.

Ro 16:20

A Dios 'a'm junc'ojlal, a 'oj 'a'nc e tec' 'ejm win Satanás muc'uc, caw 'oj can win 'a yaln̈ eyu'uj. Tzin nib'j tzyac' Cajlil Jesucristo swach'c'ojlal 'ayx ta'.

Dt 24:14

Man̈ eyixtc junc meb'a 'anma tzmunlj 'ayex, toxn̈ej eb' eyit chon̈ab', mto eb' chuc chon̈b'al 'ayc' 'a e cal, man̈ e macch wan stojl eb'.

Apoc 11:2

Ax yamq'uil sti', man̈ echtoc. Yujto a jun cha, 'ac'b'ilx 'a eb' man̈ israeloc. A eb' cha, 42 'ujl 'oj stec' 'ejm eb' jun chon̈b' yic Dios cha.