Is 14:31 - Chuj San Sebastian Bible

³¹ C'uyyoc cab' yel eyaw ex filisteo, 'el cab' eyaw yuj yailal yet' xiwlal. Yujto a 'a stojlal norte, ata wan scot nan̈l eb' soldado, 'icha to junn̈j 'anmal eb' tzquila, lajn wal sb'ey eb' 'icha 'asun.

Chuj San Mateo Bible

³¹ Elocab' veq'uec'oc eyav e masanil ex filisteo, tzex ib'xiq'ue yuj xivelal. Yujto a d'a norte scot jun n̈ilan̈ eb' soldado icha junoc nivan topan te' tab'. Malaj junoc tz'elcan d'a scal eb'.

Is 14:31 ပူးပေါင်းရင်းမြစ်များ

Is 13:6

C'uyyoc cab' yel eyaw, yujto jab'xoj wal sc'och sc'ul sjaw yowl sc'ojl Jehová 'a eyib'an̈, atn jun tztac' yuj smasnil, a tz'a'n cot jun yailal cha.

Is 14:29

Man̈ ex comn tzaljoc mu'c ex filisteo, yujto 'ix wecchj te sjixc'ab'te jun mach 'ix 'a'n 'och eyailal. A junc cha lajn 'icha junc no comn chan. Ax 'a yin̈til ata 'oj pitzwoc 'el junc mach 'icha junc no q'uex. Ax 'a 'a, ata 'oj pitzwc junc mach 'icha junc no chan caw jeln sb'eyi, 'icha xo to tzjen̈wi.

Is 16:7

Yuj wal cha, smasnil eb' 'aj Moab 'oj 'oc' eb' yuj snacion̈ cha, ax scus eb' smasnil yuj te tacn̈ sat uva tzcot 'a Kir-hareset 'a pecti'.

Is 20:1

A 'a jun 'el, a win Sargón sreyl Asiria, 'ix checb't jun scapitan̈ yet' eb' soldado 'at yac' owl 'a chon̈b' Asdod, 'ix 'em jun chon̈b' chi yuj eb'.

Is 24:12

A jun chon̈b' 'ix 'ixtx 'el cha, tox xlaj poj spuertail.

Is 26:1

A 'a yic jun c'ul cha, 'oj b'itnaxc jun b'it tic 'a yol smacb'en Judá 'ixtic: 'Ay wal jun qui chon̈b'ec caw 'ay yip 'aj caw wach' qui colnec qui b'a, caw a Jehová tzon̈ colni, yujto a 'icha muro yaji.

Is 3:26

Ax smasnil eb' 'aj Jerusalén, 'oj 'oc' eb' yuj scusc'ojlal, yujto sch'ocxoj eb' 'oj canoc.

Is 34:16

Sayc eyil 'a ch'an̈ libro yic Jehová, 'awtjec ch'an̈ 'aj tzyal 'ixtic: A smasnil no noc' tzb'inax tic, may junc no man̈ 'ayc 'ec' ta', may junc no to may no snun 'ayc' yet'oc, yujto a Jehová 'ix nani, to 'ixta 'oj 'aj smolb'tzan sb'a e no yuj Yespíritu Dios.

Is 45:2

An 'oj in b'ab'lj 'a ojltac, smasnil lum lum chan̈ yaj cha'an̈, 'oj wa' pan̈nb'oc lu'um. 'Oj in mac' poj jun tzo'n̈ puerta to nab'a bronce, choc' 'oj wutc in b'ijchtan jun tzo'n̈ q'uen hierro 'aych yipnub'oc.

Jeremías 1:14

Yuj cha, xyaln Jehová 'ixtc 'ayin: A 'a stojlal norte cha, ata 'oj cot yailal 'oj jawc 'a yib'n̈ smasnil eb' 'anma cajn 'a tic.

Jeremías 47:2

A Jehová tzaln 'ixtic: A 'a stojlal norte, ata 'oj cot jun b'uln̈ eb' soldado, 'icha wal junc niwquil 'elmal a tzpultz'j 'el 'a sb'e scoti. C'uxn 'oj yac' lajwc 'el eb' jun nacion̈ tic, yet' smasnil tas 'ay 'a 'a, yet' smasnil jun tzo'n̈ xo chon̈ab'. A smasnil eb' 'anma cajn 'a schon̈b' eb' filisteo tic, caw 'oj 'el yaw eb', ax yoc' eb' yab'n syail.

Jeremías 47:4

Yujto xc'och sc'ul slajw 'el eb' filisteo, atn eb' tzcolwj to 'a chon̈b' Tiro yet' 'a Sidón, xchi Dios. A Jehová 'oj satnc 'el eb' filisteo, atn smasnil eb' cotnc 'a chon̈b' Creta 'a snan̈l a mar.