Is 14:24 - Chuj San Sebastian Bible

²⁴ A Jehová tztac' yuj smasnil, a 'ix aln pax 'ixtic: A smasnil tas tox xin na'a to 'oj in b'o', yowlal 'oj wac' 'el'choc.

Chuj San Mateo Bible

²⁴ A Jehová Yajal d'a Smasanil toxo ix yac' sti', ix yalan icha tic: Masanil tas ix in na in c'ulej, ol in c'ulejn̈ej.

Is 14:24 ပူးပေါင်းရင်းမြစ်များ

Gn 41:32

Cha'ejm yamn x'och a waych mamin rey, sec tznachj 'el o'oj, to a Dios nab'ilx xon jun tzo'n̈ chi yu'uj, yowlal 'oj 'el'choc muc'uc.

Job 23:13

Toto 'ay tas tznib'j Dios tzb'o'o, toc 'ay mach tztac' stenn 'och wa'an, tzb'on̈j 'icha tas tzna cha.

Salmos 110:4

A Jehová mun slocjnac sb'i yic yalni, yuj cha, may wal b'a'n̈ 'oj sjel snab'en, alb'il can yuj 'ixtic: Ach tic, tzach 'ochcn ya'malc 'och sti eb' 'anma 'ayn 'a smasnil tiempo, 'icha ya'jnac Melquisedec 'a pecti', xchi Dios 'a 'a, xchi.

Salmos 33:10

A tztenn juwc smasnil tas tzlaj cob' sna eb' 'anma sb'o', atn eb' man̈ schon̈b'oc.

Salmos 92:5

Caw niwn yel'ch jun tzo'n̈ a b'ob'en tic, man̈x 'a mach tz'e'ch snab'en 'icha jun tzo'n̈ a nab'en tic.

Ex 17:16

'Ix yaln pax Moisés chi 'ixtic: Yujto 'ix yij chan̈ Amalec sc'ab' yic xya'n owl yet' Jehová, yuj cha, a Jehová 'oj ya'n̈j owl yet' Amalec 'a smasnil tiempo, xchi Moisés.

Pr 19:21

Til wal tas tz'el snan 'anma', palta cojn tas tzchaj sc'ojl Jehová, a chi tzb'o'i.

Pr 21:30

Wach'xam 'ay mach jelan, 'ay snab'en, toxn̈ej niwn tas yojtac, palta matz tac' stenn 'och wan snib'b'en Jehová.

Is 10:5

'Ix yal Dios 'ixtic: A win sreyl Asiria, a win tzin c'anlb'ej yet' yowl in c'ojol, 'icha to in c'occh yaji, a tzwac' 'a'nc 'och eyailal.

Is 19:12

Ach faraón, ¿'ajtil 'ay eb' tz'a'n a nab'enoc cha, sec tzch'ox eb' 'ayach mto tzyal eb' ab'i', tas nab'ilx 'a yib'n̈ a chon̈b' Egipto yuj Jehová tztac' yuj smasnil?

Is 19:17

'Oj xiw chan̈ eb' 'aj Egipto chi yuj eb' 'aj Judá; cojn yic 'oj snanc cot eb' tas 'oj yutc Jehová sc'anlb'an eb' 'aj Judá yuj tas nab'il yuj cha, ax xiw chan̈ eb'.

Is 55:8

A Jehová a tzaln 'ayx 'ixtic: A tas nab'il wu'uj, man̈ lajnoc yet' tas tze na ax tic. A tas tzin b'o'o, man̈ lajnoc yet' tas tze b'o'o.

Is 55:9

A in nab'en cha yet' tas tzin b'o'o, yel xo wal 'ec'b'al a yib'n̈ eyico', lajn wal 'icha schan̈il yajb't satchan̈ 'a yib'n̈ eb' lum niwc witz.

Jeremías 23:20

Ma'oj 'och wan yowl in c'ojl cha, masnto 'oj 'el'choc 'icha tas tzin nib'ej. At 'a slajb' c'ual, atta 'oj nachjoc 'el jun tzo'n̈ tic eyu'uj.

Jeremías 29:11

Wojtac tas nab'il wuj 'a eyib'an̈. An Jehová in, an tzwala to a tas nab'il wuj cha, man̈ yujoc eyab'n syail, palta yuj e wach'loc, sec ax 'a slajub' ax wa'n tas 'aych yipc e c'ojol.

Jeremías 44:26

Palta 'ab'c wal e masnil ex 'aj Judá, ex cajn ex 'ec' 'a Egipto tic tas tzyal Jehová 'ayex, yujto tzyal 'ixtic: An wal tzwa'cn in ti', to man̈x 'a junc eb' 'aj Judá tic 'oj in b'inan 'a Egipto tic yic tzya'n sti 'a junc tas.

Jeremías 49:20

'Ab'c wal tas tox xin na 'an Jehová in tic 'a yib'n̈ chon̈b' Edom, a wal tas xin na 'a yib'n̈ eb' cajn 'a Temán, to 'oj 'ijxoc 'at yunnal eb', ax slan̈chj 'ejm yatut eb' 'a yib'an̈.

Jeremías 50:45

'Ab'c wal tas tox 'ix in nalb'ej an Jehová in tic 'a yib'n̈ chon̈b' Babilonia, atn schon̈b' eb' caldeo. 'Oj 'ijxoc 'at yunnal eb', ax slan̈chj 'ejm yatut eb' 'a yib'an̈.

Lm 3:37

Toc 'ay mach tz'el'ch junc tas tzna'a, toto man̈oc Jehová tzalni.

Ez 12:25

A tas 'oj wal an Jehová in tic, 'oj 'el'choc muc'uc. Ax xo caw wal pitx tic, 'oj eyil wal jun tzo'n̈ tzwal tic, yowlal 'oj 'el'choc tas tzwala, xchi Dios 'ayin.

Ez 39:4

'Oj lajwc cha, ax ach wa'n 'a yol sc'ab' chaml yet' eb' a soldado yet' pax smasnil eb' yic jun tzo'n̈ xo nacion̈ ajun et'oc. 'Oj a chamcn yet' eb' 'a lum jolmctac witz cha, ax no 'usej yet' smasnil e no calte'al noc' 'oj a chin yet' eb'.

Am 3:6

Toto tz'utz'x q'uen trompeta 'a scal chon̈ab', caw tzxiw chan̈ smasnil 'anma'. Toto 'ay tas 'ay smay tz'ec' 'a scal chon̈ab', tzyal 'el'chi, a Jehová tz'a'n b'o 'ixta'.

Am 8:7

Yuj cha, xya'n Jehová sti', atn jun mach yijnac chan̈ Jacob, xyaln 'ixtic: May b'a'n̈ 'oj sat in c'ojl 'a smul eb' cha.

Mt 11:25

Ax 'a jun tiempoal cha, 'ix leslwi Jesús 'ix yaln 'ixtic: —Mamin, Yajl ach 'a satcha'an̈ yet' 'a yolyib'n̈q'uinl tic. Tzwal wach' paxti 'ayach, yujto xa c'ub'j 'el jun tzo'n̈ tic 'a eb' jelan, eb' caw 'ay snab'en 'a sat eb' yit 'anma'il, ax 'a eb' 'icha 'unin, a eb' xac' 'ojcanc 'eli.

A Tas Sc'ulejnac Eb' Schecab' Jesús Hechos 4:28

C'uxn 'ix sb'o eb' jantcn̈ej tas alb'il can oj pecti'. Yujto 'elnc xon 'a a c'ojol, to 'ixta tzb'o eb'.

Ef 1:9

'Ay wal jun tas snajnac can Dios, to tzb'o 'a yolyib'n̈q'uinl tic 'icha tznib'ej. May xon mach 'ojtnac jun tic 'a pecti'. Palta ticnec, a tz'a'n cojcoquec 'el tas tznib'j tzb'o cha.

A Ch'an̈ Carta D'a Eb' Hebreo 4:3

Palta an̈ec xo tic, 'oj cochc 'iljoc yu'uj, yujto tzca'c 'och qui c'ojl 'a 'a. Yaljnac Dios 'ixtc yuj eb' qui mam quichmec cha: Yuj cha, 'a scal yowl in c'ojol, wa'n can in ti', chajtlto may b'a'n̈ 'oj 'och eb' 'iljoc wu'uj, xchi Dios 'a Ch'an̈ U'un̈. A Dios, 'ochnc wan smunlji, yictax sb'o yolyib'n̈q'uinl tic.

Josué 11:20

A Jehová x'a'n pitb'oc 'el snab'en eb' 'ajc'ojl cha, sec tzte'wtzej sb'a eb' ya'n owl yet' eb' israel, yic tzsatl eb' smasnil yuj eb' israel cha. May junc eb' 'aj x'o'ch sc'ojl eb', 'icha wal yaj yaln can Jehová 'a Moisés.