Is 14:20 - Chuj San Sebastian Bible

²⁰ Ma'oj a mucx 'icha eb' rey mucb'il 'a yol lu'um, yujto 'ix extj 'el eb' a chon̈ab', til wal eb' et chon̈b' xa mila. Yuj cha, man̈x 'a b'a'n̈ 'oj b'inaxc yin̈tl win tu cha.

Chuj San Mateo Bible

²⁰ Man̈ ol mucjoc a nivanil icha ajnac juntzan̈xo eb' rey, yujto ix ixtejb'at a nación, yujto ix a milcham eb' anima d'a yol a nación chi'. Man̈xa b'aq'uin̈ ol b'inaj in̈tilal a ach chuc ach tic.

Is 14:20 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 9:35

Palta ax yic x'at eb' 'at smucu', ax xyiln eb', cojxn̈ej sb'acl sjolom, yet' yoc yet' sc'ab' 'ayq'ui.

Job 18:16

Lajn 'oj 'aj 'icha junc te te tacn̈ xo sch'an̈lyib', tacn̈ xo pax sc'ab'.

Job 18:17

Ax sat 'ejm yalx snanb'il cot 'a sat lum tic, man̈x b'a'n̈ 'oj b'inaxc sb'i.

Job 18:19

Man̈x 'a yin̈tl 'oj can 'a scal eb' yit chon̈ab', man̈x 'a junc yin̈tl chi 'oj can sjelc 'a yatut cha.

Salmos 109:13

Sat cab' 'el yin̈tl 'a jun 'ejmn̈ej, man̈x 'a cab' b'a'n̈ tzalb'tan̈x sb'i.

Salmos 21:10

'Oj a satcn 'el yunnal eb' 'a sat lum lum tic, ax a satn can pax 'el yin̈tl eb' 'a scal eb' 'anma'.

Salmos 37:28

A Jehová tzchamc'ojlej tas tojol, may 'aj tzyactj can eb' to yicn̈ej yaji, molb'iln̈ej eb' yu'uj. Ax pax eb' maysch'olnil, 'oj satxoc 'el eb' yu'uj, man̈x 'a yin̈tl eb' 'oj canoc.

Ec 6:3

Wach'xam 'ay junc winc 'ay junc ciente yunnal, caw niwn pax yab'lil tzyil 'a yolyib'n̈q'uinl tic, palta toto matz yac' pax tzaljoc sc'ojl yet' tas wach', toxn to man̈ wach'c 'oj 'aj smucxi. A tzin na an tic, yel xo wach' yic junc 'e'lti 'unn 'a yib'n̈ jun winc cha.

Is 1:4

Ex wit chon̈ab', caw wal 'ajmul ex, an̈j maysch'olnil tze b'o 'icha ya'jnac eb' qui mam quichmec, an̈j tu tze b'o'o. Xeyi'n 'el e b'a 'a stz'ey Jehová, xeyactn can qui Diosal To Cojxni.

Is 31:2

A Dios caw jeln paxi, tztac' ya'n cot yailal 'a eyib'n̈ yuj tas maysch'olnil tze b'o'o. Matz 'ec' tas tzyalcn 'el 'a eyib'an̈, yet' 'a eb' cob' tzcolwj eyet'oc.

Is 9:17

Yujn̈ej wal jun tzo'n̈ cha, man̈x 'oj 'o'ch sc'ojl Jehová 'a eb' quelmtac winac, 'a eb' meb'a 'unn chamnc smam yet' 'a eb' 'ix 'ix chamnc yichmil. Yujto a eb' 'anma tic, jun 'eln̈ej maysch'olnil eb', tu eb' smasnil, cojn tu paxti'al tzyal eb'. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.