Is 14:19 - Chuj San Sebastian Bible

¹⁹ Ach xo tic, najt ach julx can 'el 'icha c'alem 'ayx sjab', xjulx can 'ejm a niwnal 'a scal eb' xi'lb'a, eb' 'icha to tec'b'il can 'ejm sniwnal 'a scal q'uen 'a yol xab' olan.

Chuj San Mateo Bible

¹⁹ A achxo tic, najat ix ach yumjicanel icha c'alem yajb'entacxo. A a nivanil, ix yumjicanb'at d'a scal snivanil eb' vin̈ soldado tecb'ilchamoc, aton d'a yol jun xab' yolanil q'uen q'ueen.

Is 14:19 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 21:19

'At al 'a win 'ixtic: 'Ixtc wal xyutj Jehová yaln 'ayach: Yujto 'ix a mil win Nabot, 'ix a to'n 'ec' slum winac, yuj cha, a wal 'aj 'ix le'x schic'l win Nabot yuj e no tz'i', a pax ta 'oj slec' e no ec jun xo, xchi Dios, xchi Elías cha.

A Ch'an̈ B'ab'el Libro Yic Yab'ixal Eb' Rey 21:24

A eb' en̈tl 'oj cham 'a yol chon̈ab', a no tz'i 'oj chinc eb'. Ax eb' en̈tl 'oj cham 'a scalte', a e no 'usj 'oj chinc eb', xchi Dios, xchi Elías 'a win Acab.

A Ch'an̈ Schab'il Libro Yic Yab'ixal Eb' Rey 9:25

Xlajw cha, 'ix yaln Jehú 'ixtc 'a jun scapitan̈ Bidcar sb'i: —¡'Ij 'elta! Tzlajw cha, tz'at 'a julnc can 'el 'a sti 'el slum can Nabot win 'aj Jezreel cha. Yujto tzat in na coti to ach tic ajun ach wet'oc, yic tza'n on̈ 'a spatquil scaruaje Acab, atn smam jun winc tic, yic yaln can Jehová 'a yib'n̈ 'ixtic:

Is 13:15

Tzann̈j eb' 'oj yac' yamchjoc sb'a, 'oj milxoc cham yet' espada.

Is 14:18

Ax smasnil eb' sreyl junjn nacion̈ to wan laj yilji, oyn 'och sricoal eb' 'a stz'ey, mun 'ayc' junjn eb' 'a sjul-l 'aj mucan.

Is 34:3

'Oj 'actxoc can b'uln eb' chamnc cha, til wal stul 'oj 'ec' sjab' jun tzo'n̈ niwnal cha, 'icha wal sb'ey eb' a a', 'ixta 'oj b'ey chic' 'a eb' lum jolmctac witz.

Is 5:25

Yuj wal jun tzo'n̈ mul cha, ax ya'n cot Jehová yowl sc'ojl 'a yib'n̈ schon̈ab', ax ya'n 'och syailal eb' 'anma cha. A eb' lum niwc witz, c'uxn 'oj 'ib'xoc eb' lum 'a yet'ul, ax eb' 'anma cha, t'octac 'oj 'ajcn eb' scham 'a yol caye. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.

Jeremías 16:6

'Oj cham eb' 'ichmtac 'anma', yet' eb' cotc 'unn 'a jun nacion̈ tic. May mach 'oj mucn eb', may mach 'oj 'oc' yuj eb'. May mach 'oj 'a'nc lajwc sniwnal, mto sjoxn 'el xil sjolm yuj sch'oxn scusc'ojlal yuj eb'.

Jeremías 22:19

'Icha tz'aj junc no chamnc b'uru, 'ixta 'oj 'ajoc, ton̈j 'oj jucxoc 'el 'a sti 'el chon̈b' Jerusalén, xchi Dios.

Jeremías 41:7

Palta cojn wal x'och jun tzo'n̈ eb' winc chi 'a spacl snan̈l chon̈ab', 'ix smiln cham Ismael eb' yet' eb' ajun yet'oc. 'Ix sjuln can 'at sniwnal eb' chi 'a yojl jun niwquil xab'.

Jeremías 41:9

A jun xab' 'aj xyac' 'ejm Ismael sniwnal eb' 'anma smil cham cha, atn jun 'aj tzyam sb'a a a 'ix yac' win rey Asa joyxoc, yic scoln sb'a 'a win Baasa sreyl Israel. A jun xab' cha, caw wal niwquil, palta 'ix b'ut'j yuj sniwnal eb' 'anma smil cham Ismael.

Jeremías 51:4

'Oj can t'ocn eb' 'aj Babilonia 'aj 'oj lajwc eb', 'oj cham eb' 'a yoltc scayeal schon̈ab'.

Ez 32:23

Mucb'il can 'ejm eb' 'a xab'l yich sjul-l eb' chamnac, oyn can 'och eb' soldado 'a stz'ey win sreyl Asiria cha. Atn eb' 'a'jnac 'ejm xiwc'ojlal 'a scal eb' 'anma 'a yolyib'n̈q'uinl tic, palta chamnc eb' yuj owl cha.

Ez 32:27

A eb' cha, junn̈j yajcn eb' yet' eb' caw jeln chamnc yuj owl 'a pecti', eb' mucb'il yet' syamc'ab' yic owl cha. A 'a yaln̈ sjolm eb' ata cann̈c can yespada eb', scancn smul eb' chi 'a yib'an̈, yujto caw xib'txnac eb' 'anma 'a yolyib'n̈q'uinl tic yuj eb'.