Is 14:17 - Chuj San Sebastian Bible

¹⁷ Sictac x'ajcn yolyib'n̈q'uinl yu'uj, cusltac xoj x'ajcn smasnil chon̈ab', may junc eb' 'aych 'a preso 'ix schaj 'elta, 'oj schic eb'.

Chuj San Mateo Bible

¹⁷ Ix can tz'inan yolyib'an̈q'uinal yuj vin̈, cuseltac ix ajcan junjun chon̈ab' yuj vin̈, man̈xa junoc eb' ayoch preso ix yaq'uel vin̈ d'a libre, xchi eb' chamnac chi'.

Is 14:17 ပူးပေါင်းရင်းမြစ်များ

Is 14:16

Ax eb' tzach 'iln 'ochi, caw tzsat sc'ojl eb' ach yilni, ax yaln eb' oj 'ixtic: Coyn wal to a jun winc tic tzlaj 'a'n 'ib'xoc lum lum tic, tzlaj ya'n lajwc 'el smasnil nacion̈.

Is 14:18

Ax smasnil eb' sreyl junjn nacion̈ to wan laj yilji, oyn 'och sricoal eb' 'a stz'ey, mun 'ayc' junjn eb' 'a sjul-l 'aj mucan.

Is 45:13

An Jehová in tztac' wuj smasnil, 'oj in b'o snab'en win Ciro sec 'oj sb'o tojlal. An 'oj wac' nachjoc 'el yu'uj sec a wach'l 'oj sb'o'. A 'oj b'onc pax in chon̈b' Jerusalén jun 'ejm xo. Ax eb' in chon̈b' to 'ijxnac 'at 'icha presoal, 'oj 'ajxoc 'el eb' 'a libre yuj 'a nab'an̈ej. May tas 'oj stoj eb', may pax spac 'oj yac' eb' 'a 'a, xchi Dios.

Is 58:6

Palta an tzwal 'ixtc 'ayex: A jun e c'ajb'c'ojlal cha, man̈ 'ichcta stzolil. A jun caw yel to c'ajb'c'ojlal, yaj stzol-l tic: Colc 'elt eb' 'anma 'a yol sc'ab' eb' tu snab'en, man̈x eyixtc eb' 'anma tzmunlj 'ayex; 'a'c 'el eb' tz'ixtx chi 'a libre, man̈x eyixtc eb'.

Is 64:10

A jun tzo'n̈ chon̈b' to ec yaj tic, 'ix can eb' 'a sictaquil. A chon̈b' Jerusalén, 'ix lajw 'ejmi, man̈x 'a mach cajn 'a 'a.

Jeremías 50:33

A Jehová tztac' yuj smasnil, a tzaln 'ixtic: A eb' 'aj chon̈b' Israel, yet' eb' 'aj Judá, wan yab'n eb' syal yuj tas tz'aj yixtx ticnec. 'Aych eb' 'a preso yuj eb' 'ajc'ojl yajch 'a 'a, matz 'actx 'el eb' yuj eb'.

Ez 32:23

Mucb'il can 'ejm eb' 'a xab'l yich sjul-l eb' chamnac, oyn can 'och eb' soldado 'a stz'ey win sreyl Asiria cha. Atn eb' 'a'jnac 'ejm xiwc'ojlal 'a scal eb' 'anma 'a yolyib'n̈q'uinl tic, palta chamnc eb' yuj owl cha.

Ez 6:14

'Oj wi' chan̈ in c'ab', ax wa'n 'och syailal eb' 'aj cajn cha. Tzann̈j 'aj cajn eb' 'anma cha, 'oj can yet'l eb' chi 'a cusltaquil, 'oj 'el yich 'a lum cusltac lum 'a stojlal sur, masnto 'oj c'och 'a lum Ribla 'ay 'a stojlal norte. 'Ixta to b'i'an, ax yojcan 'el eb' to an Jehová in tic, to cojn in ton Dios in, xchi Dios.

Jl 2:3

Lajn wal no 'icha te c'ac', c'uxn tzsatl smasnil yu'uj. A wal yic mantzac jaw e no', man̈x jantcoc swach'l yilx lum lu'um, 'icha wal yilx lum Edén. Ax yic 'oj lajwc ye'cn no', lajn 'oj 'ajcn lum 'icha lum cusltac lu'um. Man̈x 'a jac 'oj colchjoc cani.

Habacuc 1:7

A jun tzo'n̈ 'anma cha, caw 'ay smay eb', tzxiw eb' 'anma yuj eb'. Caw tzyij chan̈ sb'a eb'. Mun a sley eb' 'a yol yico', a tzyac' eb' c'anlb'axoc.