Is 14:13 - Chuj San Sebastian Bible

¹³ 'Ix aln 'ixtc yet' a nab'en: 'Oj in q'ue'ch 'a satcha'an̈; ax in b'on chan̈ in despacho 'a yib'n̈ q'ue jun tzo'n̈ c'anal yic Dios, ax wem wocn 'a lum jolm tzaln 'ay 'a stojlal norte 'a 'aj tz'och yamnil.

Chuj San Mateo Bible

¹³ Ix a na' icha tic: Ol in q'uec'och d'a satchaan̈. Ata' ol in b'oem in trono d'a yib'an̈tac q'uen sc'anal Dios. Ata' ol vac' yajalil, ol in em c'ojan d'a jun tzalan b'aj syac' molchajel d'a stojolal norte.

Is 14:13 ပူးပေါင်းရင်းမြစ်များ

Job 20:6

Wach'xam caw chan̈ 'aj 'ay eb' 'icha schan̈il yajb't satcha'an̈, mto tzq'ue'ch sjolm eb' 'a 'aj 'ay 'asun,

Salmos 48:2

Caw wal wach' yilx lum tzaln Sión, yujto caw chan̈ yaj chan̈ lu'um. A 'a stojlal norte, ata 'ay lum schon̈b' jun Rey caw wal niwn yel'chi.

Is 2:2

A 'a jun slajb' c'ul cha, a lum switzl Sión 'aj 'ay yatut Jehová, 'oj q'ue wan lum 'a cha'an̈, 'oj 'ec' stel lum 'a jun tzo'n̈ lum niwc witz 'a stz'ey cha. Ax smasnil eb' 'anma 'a junjn nacion̈, 'oj c'och b'uln eb' 'a 'a.

Jeremías 49:16

Mun ax tzeyixtj 'el e b'a yuj e b'an̈quintaquil, toc 'ay mach tzxiw 'ayx 'icha cob' yaj e nani. A 'a yoltc sjatlil q'uen niwn tenm 'ay 'a jolmctac witz, ata tzex can cajan. An Jehová in, an tzwala, wach'xam ata tzex 'aj cajn 'a 'aj yel xo caw cha'an̈, 'icha 'aj tzb'o no salt'iw so', palta yowlal 'oj ex wic' 'emt ta'.

Ez 27:3

A jun chon̈b' cha, atn jun 'ay 'a sti a mar, jun 'aj wach' sjaw chon̈ yic jun tzo'n̈ xo nacion̈ 'ay 'a sti a mar cha. Al 'a 'a, to an Jehová in, an tzwal 'a 'ixtic: Ach Tiro, caw wal tzcob' a b'a'n̈ a b'a, yujto caw cob' wach' elxi.

Ez 28:2

Ach 'anma', al jun tzo'n̈ tic yab' win sreyl Tiro: To an Jehová Yajl in, an tzwal 'ixtic: Caw wal tzcob' a b'an̈ a b'a yet' a nab'en, tzaln 'ixtic: An tic dios in, 'ay wopiso 'a yib'n̈ a mar tic, an tzwac' yajlil 'a eb' chon̈b' tic 'icha junc dios, xcob' a chioc. Palta 'anma achn̈ej, man̈ ach diosoc, wach'xam tzcob' a na'a to jeln ach 'a yib'n̈ junc dios, palta may tas tztac' o'oj.

Ez 28:9

¿Tom 'oj stac' aln to 'a sat eb' tzach miln cha, to dios ach? Ach tic man̈ ach diosoc, 'anma achn̈ej, toc 'ayt el'ch 'a sat eb' tzach miln cha.

Ez 29:3

Al 'ixtc 'a 'a: To an Jehová in, an tzwal 'ixtic: Ach rey, an tzin 'och 'ajc'ojlal 'ayach, yujto 'ix cob' ala to ach b'ojnac a niwn a Nilo, xcob' a macn 'ec' a eco'oc yuj a wach'loc, palta lajn 'ach 'icha junc no niwquil noc' b'aln 'ec' 'a yojl 'a niwc a'.

Ez 31:10

Yuj cha, a Jehová Cajlil a tzaln 'ixtic: Caw cob' niwquil x'aj sq'uib' stel jun te cha, 'ix 'ec' stel 'a jun tzo'n̈ xo yit te'al. Yujto niwquil x'aj ste'il, yuj cha, caw b'an̈quintac xyutj sb'a.

Dn 11:36

A jun rey 'ay 'a norte cha, 'oj sb'o 'icha wal tas tznib'j sc'ojol. Caw 'oj sb'an̈ sb'a, ax yalni chajtlto caw niwn yel'ch 'a yib'n̈ jun tzo'n̈ tzalx 'och diosal. 'Intax 'oj b'uchwjoc 'a jun Dios to caw yel. 'Oj sb'o smasnil tas tznib'j sc'ojol, masnto 'oj ya' cot Dios yowl sc'ojl 'a yib'an̈, yujto a smasnil tas nab'il yuj Dios, yowlal 'oj 'el'choc.

Dn 5:20

Palta caw spitj sb'a yet' sb'an̈quinal, yuj cha, x'ijx 'ec' yopiso 'a sreyal, yet' sb'inab'ilal.

Abdías 1:3

A e b'an̈quintaquil a tzex 'ixtni, yujto axn̈ej 'a yoltc sjatlil eb' q'uen niwc tenam, ata 'ay eyet'ul, yet' pax 'a eb' lum jolmctac witz, yuj cha, xe nani to may junc mach tztac' ex ya'n lajwoc.

Sofonías 2:15

'Ixta wal 'oj 'aj jun chon̈b' may tas tzna cha, mun cob' tzyipc'ojlej sb'a sch'ocoj, tzyaln cob' eb' cajn 'a 'a, to may junc xo chon̈b' lajn yet'oc. Palta cusltac xoj 'oj 'ajcni, axn̈ej no calte'al noc' 'oj 'ec' 'a 'a. A eb' 'oj 'ec' 'a stz'ey, caw 'oj b'uchwjoc eb' 'a 'a.

Mt 11:23

An̈jtona', 'ixta 'ex 'aj Capernaum. Tzcob' e na', to smoj 'oj e c'och 'a satcha'an̈. Palta ton̈j 'oj eyemcn 'a scal eb' chamnac. Octom a 'a Sodoma b'ob'il jun tzo'n̈ milagro 'icha xb'o 'a e cal. To 'ixta', snajnac sb'a eb', ax jun schon̈b' eb' cha, an̈ja 'ayc' ticnec.

Lc 10:15

An̈jtona', 'ixta 'ex 'aj Capernaum, tzcob' e na', to smoj 'oj e q'ue'ch 'a satcha'an̈, palta ton̈j 'oj eyemcn 'a scal eb' chamnac, xchi Jesús.

2 Ts 2:4

A jun cha, 'oj yac' owl yet' Dios. 'Oj chichnoc pax 'och 'a jantcn̈ej tas tzalx 'och diosal, yet' 'a jantcn̈ej tas 'aj tzyal sb'a eb' 'anma'. 'Oj 'em wocn 'a yol yatut Dios, ax yaln 'och sb'a Diosal.