A Ch'an̈ Carta D'a Eb' Hebreo 9:28 - Chuj San Sebastian Bible

²⁸ An̈jtona Cristo, jun 'ejm wal milxnac xajmb'alil, sec wach' caw niwn on̈ec tz'el qui mul yu'uj. A yic 'oj jawc 'a scha'ejmal, man̈x yujoc yi'n 'el qui mulec ax sjawi. Palta yuj on̈ scoln an̈ec wan qui tan̈wni sjapxi.

Chuj San Mateo Bible

²⁸ An̈ejtona' Cristo, juneln̈ej ix milji silab'il, yuj chi' tzijtum on̈ ix ic'jiel co mul yuuj. Ayic ol jax d'a schaelal, man̈xo yujoc yic'anel co mul ol jaxoc, palta ol ja yac' co colnab'il a on̈ van co tan̈van sjax tic.

A Ch'an̈ Carta D'a Eb' Hebreo 9:28 ပူးပေါင်းရင်းမြစ်များ

Is 25:9

A 'a yic jun c'ul cha, 'oj calc 'ixtic: Atn wal Jehová qui Diosalec tic, a ca'jnaquec 'och yipc qui c'ojol, yuj cha, on̈ scolnec. Ca'c wal tzaljoc qui c'ojol, yujto a 'on̈ colnec, 'oj qui chioc.

Lv 10:17

¿Tas yuj ma'ix e chi no xajmb'al 'a yamq'uil Mantiado? A jun xajmb'al cha, yicn̈ej Jehová yaji. Yuj cha, xya'n no 'ayex, yujto a yic tze chin no', tze cuchn can smul eb' chon̈ab', sec 'ixta wal tzyutj Jehová ya'n lajwc can smul eb' cha.

Zacarías 14:5

Ax xo tic, 'oj e 'at 'eloc. 'Oj eyel 'a jun pan̈n 'ay 'a snan̈l chab' lum tzaln cha, yujto a jun pan̈n cha, 'oj c'och to 'a Azal. Caw 'oj e 'at 'elc 'icha 'ajnc s'at 'elc eb' e mam eyicham yic yec' jun quixcab' 'a pecti', yic 'aych win Uzías reyl 'a Judá. 'Ixta to b'i'an, ax sjaw Jehová qui Diosalec yet' smasnil eb' yico'.

Nm 18:1

'Ix yaln Jehová 'a Aarón 'ixtic: Ach tic yet' eb' onnal, yet' pax smasnil eb' yin̈tl Leví, eb' 'aj locn ach 'a en̈til, toto 'ay mach tz'och smul 'a in cajnub', yuj jun mul cha, 'oj jawc yailal 'a eb'n̈ yet' eb' onnal, yujto tz'och e mul 'a eyopiso, to ya'mal 'och sti eb' 'anma eyaji.

Nm 18:23

Yuj cha, cojn eb' levita 'ay yaln yic 'a in munljel tzb'o 'a yojol. Toto 'oj 'och spaltail eb' 'a in munljel, mun 'oj jawc yailal 'a yib'n̈ eb'. A jun tic ley tz'ajcn 'a smasnil tiempo 'a eb' levita, yujto may yaln eb' yic 'a slum eb' yit israelal.

Mt 20:28

'Ixta pax in an 'Ochnc in 'Anmal tic, man̈ yujoc wajx servil in jawi, palta yuj wa'w servil. In jaw wul wac' milxoc cham in b'a, sec wach' til wal mach 'oj colchjoc wu'uj, xchi 'a eb'.

Mt 25:31

An 'Ochnc in 'Anmal tic, 'oj in jaw yet' eb' wángel smasnil, caw niwn in poder, ax wem wocn 'a in despacho. Atta 'oj checljoc 'eli, to caw niwn wel'chi.

Mt 26:28

Yujto a jun tic in chiq'uil. Yuj in chic'l tic, 'oj 'el'choc jun strato Dios tzat yac' 'ayex. 'Oj 'elcn in chic'l tic, sec wach' til wal mach 'oj 'ajxoc can lajwc smul yu'uj.

Jn 14:3

'Oj lajwc in b'on can eyet'l chi ta', ax in japx jun 'ejm xo. Ax wul ex wi'nc wet'oc, sec wach' a 'aj 'ayn 'ec' cha, ata 'oj eyaj wet'oc.

A Tas Sc'ulejnac Eb' Schecab' Jesús Hechos 1:11

'Ix yaln eb' 'a eb' 'ixtic: —Ex winc 'aj Galilea, ¿tas yuj an̈ja q'ueln ex q'ue 'a satcha'an̈? A Jesús tic, 'ix 'ijx 'el 'a e cal, 'ix pax 'a satcha'an̈. 'Icha xeyil s'at tic, 'ixta 'oj jawc paxi, xchi eb' 'a eb'.

Ro 3:25

A Cristo 'ajxnac 'och xajmb'al-l yuj Dios. 'Elnc schiq'uil, yic tzyi'n 'el qui mulec, yujto tzca'c 'och qui c'ojl 'a 'a. 'Ixta yutjnac Dios sch'oxni, to caw tojl yutjnac sb'a pecti', yic ya'n niwnc'ojlal 'a eb' laj 'ochnc smul 'a 'a.

Ro 5:15

Palta a jun smul win Adán cha, caw man̈ lajnoc 'icha qui colnb'il tzyac' Dios. Yuj smul jun winc cha, c'uxn x'ajx can 'och chaml 'a yib'n̈ eb' 'anma'. Palta ax jun colnb'il tzyac' Dios 'a nab'an̈ej, yel xo niwn yel'chi, yujto yujn̈ej jun mach, til wal on̈ec tzlaj qui cha swach'c'ojlal Dios, atn yuj Jesucristo.

Ro 6:10

Yujto a yic schami, man̈x 'a yel'ch jac maysch'olnil 'a sat 'a jun 'ejmn̈ej. Ax ticnec, pitzn 'a jun 'ejmn̈ej, yic tzya'n servil Dios.

Ro 8:23

Man̈ cojnoc jun tzo'n̈ chi wan yab'n syail. An̈jtona', 'ixta tzon̈ 'ajc jun xo. 'Ayx 'och Yespíritu Dios 'ayn̈ec, sec chequel, to 'ayt tas 'oj yac' Dios 'ayn̈ec. Wach'xam 'ixta', palta wan cab'nec syal ticnec. Wan qui tan̈wniec b'a'n̈ 'oj qui wach' 'ochc yunnalc Dios. Ata 'oj wach' colchjoc 'el qui niwnalec tic.

Ro 8:3

Yuj qui tu nab'enalec tic, matz tac' qui yiclniec tas tzyal ley yic Moisés. Yuj cha, may yopiso jun ley chi on̈ scolnec. Palta ax Dios on̈ colnec. A 'a'jnac cot Yunnal, wul ya'nc 'och sb'a 'anma'il. Lajn sniwnal 'icha quic an̈ 'ajmul on̈c tic. A 'ix wul cham yuj qui mulec. A yic 'ix cham yet' sniwnal, 'ix ya'n ganar 'a yib'n̈ maysch'olnil, sec wach' man̈x 'a yaln maysch'olnil chi yic 'ayn̈ec.

1 Co 1:7

A ticnec, wan e tan̈wni jun c'u yic 'oj jawc pax Cajlil Jesucristo. Ax Dios, tz'acn tzyac' smasnil yic 'ayex.

1 Co 15:54

Yel ton jun, a qui niwnalec tic, 'oj juwoc, yujto yic chaml yaji. Palta 'ay junx niwnal 'oj 'ajxoc 'ayn̈ec, man̈x b'a'n̈ 'oj juwoc, may b'a'n̈ 'oj chamoc. Atta 'oj 'el'choc jun tas tz'ib'b'il can 'a Ch'an̈ U'un̈, 'a 'aj tzyal 'ixtic: A chamel, 'oj can 'a yalan̈, yujto 'oj 'ajxc ganar.

1 Ts 1:10

An̈jtona', tzyaln pax eb', chajtlto wan e tan̈wni yemx wul Yunnal Dios 'a satcha'an̈, atn Jesús. A Dios, 'a'jnac pitzwc pax 'a scal eb' chamnac. Atn tzon̈ colnec can 'el 'a yol sc'ab' jun niwn yailal 'oj jawc yuj yowl sc'ojl Dios.

2 Ts 2:1

A ticnec ex wu'tac, ex wanab', 'oj calb't eyab' on̈, chajtl 'oj 'aj sjaw Cajlil Jesucristo, ax on̈ smolb'tzanc yet'oc. Tzon̈ tew 'at 'ayx on̈,

2 Ti 4:8

Al ticnec, 'ay jun spac wic molb'il xo, yujto tojl tzwutj in b'eyb'al. A Cajlil, caw tojl snab'en, a 'oj b'eyc'ojlanc smasnil 'anma'. A 'a yic jun c'u cha, 'oj in cha spac wic 'a 'a. Man̈ cojnoc in 'oj in cha spac wico'. Jantcn̈ej eb' caw tznib'j jawc Cajlil 'a scha'ejmal, 'oj scha eb' yic jun xo.

Tito 2:13

Qui tan̈wc sjaw jun c'u yic tzaljc'ojlal, yic 'oj jawc qui Diosal caw niwn yel'chi, atn qui Colmal Jesucristo.

A Ch'an̈ Carta D'a Eb' Hebreo 1:14

Palta ax eb' ángel chi smasnil, espíritun̈ej eb', ya'mal servil Dios yaj eb'. Checb'il cot eb', yic tzwul colwjc eb' 'ayn̈ an̈ 'oj qui chac qui colnb'il 'a jun 'ejmn̈ej.

A Ch'an̈ Carta D'a Eb' Hebreo 10:10

Yujto a Jesucristo, caw a sniwnal ya'jnac xajmb'al-l 'a jun 'ejmn̈ej, 'icha 'elnc 'a sc'ojl Dios. Yuj cha, yuj wal jun xajmb'al cha, tz'ijx 'el qui mul 'ayn̈ec.

A Ch'an̈ Carta D'a Eb' Hebreo 12:14

Caw tzeyac' 'ip sec toq'ue junc'ojlal 'oj e can yet' smasnil 'anma'. Caw tze wach' 'a'j 'och e nab'en 'a Cajlilec, yujto a eb' matz ya'ch snab'en 'a 'a, toxn ma'oj yil eb'.

A Ch'an̈ Carta D'a Eb' Hebreo 2:3

Toto 'ixta x'aj eb' cha, ¿tast wal 'oj cutquec qui coln qui b'a an̈ec tic, toto tzquijec 'el qui nab'en 'a jun qui colnb'il caw niwn yel'ch tic? Caw a Cajlilec, a b'ab'l aljnac yab'xil qui colnb'ilec tic. Ax eb' 'ab'jnac, sch'oxjnac 'el eb' chajtlto caw niwn yel'ch jun 'ab'x tic, xyaln pax eb' 'ayn̈ec.

A Ch'an̈ Carta D'a Eb' Hebreo 4:15

A jun tz'a'n 'och qui ti 'a Dios, tztac' tz'o'ch sc'ojl 'ayn̈ec yuj may qui te'nalec, yujto caw lajn x'aj yajx prowal 'icha 'on̈c tic, palta may jun 'ejmoc 'ochnc smul.

A Ch'an̈ Carta D'a Eb' Hebreo 5:9

Ax yic 'ix tz'acw 'el'chi, 'ix 'ajx yopiso ya'n colnb'il 'a jun 'ejmn̈ej, 'a smasnil 'anma tzchan 'ab'noc tas tzyala.

A Ch'an̈ Carta D'a Eb' Hebreo 7:27

Man̈ lajnoc 'icha eb' sat ya'mal 'och sti eb' quit chon̈b'ec 'a Dios. Yujto a eb' cha, yowlal tzyac' eb' jun tzo'n̈ xajmb'al 'a junjn c'u. Tzb'ab'l 'a'j eb' yuj smul, tzya'n pax eb' yuj smul eb' yit 'anma'il. Ax Jesús, jun 'ejmn̈ej ya'jnac xajmb'al-l sb'a yuj qui mulec, yic ya'n cham sb'a.

A Ch'an̈ Carta D'a Eb' Hebreo 9:25

A win sat ya'mal 'och sti eb' quit chon̈b'ec 'a Dios, junjn ab'il, tz'och 'a yojl jun Lugar to cojn Dios 'ay yico', yic tzya'n jun tzo'n̈ chic' xajmb'alil. Palta man̈oc schic'l tzyac'a. Ax Cristo, may jay 'ejmoc tzyac' sb'a xajmb'alil.

A Sb'ab'el Carta San Pedro 2:24

A Cristo 'ix cuchn can qui mulc yet' sniwnal, yic x'och 'a spenc te culus, sec wach' man̈x 'a yaln maysch'olnil yic 'ayn̈ec, 'icha to chamnc on̈c 'a 'a. 'Ixta on̈ yutjec, sec caw wach'n̈j tzcutjec qui b'eyb'al. Caw xyab' syal cujec, sec tzon̈ colchjec can 'el yu'uj.

A Sb'ab'el Carta San Pedro 3:18

Yujto a Cristo x'ab'n syail. Cojn jun 'ejm xcham yuj qui mulec. A Cristo caw tojl snab'en. An̈ec xo tic, caw man̈ tojloc qui nab'enec, palta a xyab' syal cujec, yic tzon̈ yi'nec 'at 'a Dios. A yet' sniwnal xchami, palta ax yic 'ix pitzw paxi, pitznn̈ej yespíritu yet'oc.

A Schab'il Carta San Pedro 3:12

Qui tan̈wquec sjaw jun c'u yic Dios. Ca'c wal 'ip qui munlj 'a 'a, sec toq'ue 'oj jawc muc'uc. A 'a jun c'u cha, 'oj lajwc satchan̈ yuj c'ac'. Ax jantcn̈ej tas 'ay 'a sat lum tic, c'uxn 'oj 'ulb'xoc yuj c'ac' cha.

1 Jn 3:2

Ex wu'tac, ex wanb' chamc'ojlb'il wu'uj, yunnaln̈ec xo Dios ticnec. Mant cojcoquec, chajtl yilx 'oj cajec. Palta cojquec to a yic 'oj jawc Jesucristo, lajn 'oj cajc yet'oc, yujto 'oj quilc wal chajtl yilxi.

1 Jn 3:5

Cojquec xo, yuj yi'n 'el Jesucristo qui mulec, swulc' 'a yolyib'n̈q'uinl tic. A Jesucristo cha, caw may jac smul.

San Judas 1:21

Caw tzeyil wal e b'a, sec ma'oj eyel 'a schamc'ojlal Dios. Qui tan̈wquec sjaw jun c'u, yic 'oj wach' 'o'ch sc'ojl Cajlil Jesucristo 'ayn̈ec, ax ya'n qui q'uinlec 'a jun 'ejmn̈ej.

Apoc 1:7

'Iltec, jab'xoj 'oj jawc Cristo 'a scal 'asun. Smasnil 'anma', 'oj yil eb' sjawi, an̈jtona eb' tecjnac chamoc, 'oj yil pax eb' sjawi. Ax eb' 'anma 'a junjn chon̈b' 'a yolyib'n̈q'uinl tic, a yic 'oj yilnc eb', caw 'oj 'oc' eb'. Wal yel, 'ixta wal 'oj 'ajoc.