A Ch'an̈ Carta D'a Eb' Hebreo 9:10 - Chuj San Sebastian Bible

¹⁰ Yujto a jun tzo'n̈ checnb'il cha, ton̈j tzyal yuj tas tzc'ux eb', yet' tas tzyu'j eb'. Tzyaln paxi, chajtl tz'aj sb'icx 'el jun tzo'n̈ tas. A jun tzo'n̈ checnb'il cha, yicn̈ej sniwnal eb'. 'Ayn̈j yopiso jun tzo'n̈ checnb'il chi yuj eb', masnto xjelx yuj Dios.

Chuj San Mateo Bible

¹⁰ Yujto a juntzan̈ tas sc'ulej eb' chi', an̈ej yuj tas sva eb' yed' tas syuq'uej eb' syala'. Syalanpax yuj chajtil tz'aj sacb'ican juntzan̈ tastac yuuj. A juntzan̈ checjinac sc'ulej eb' chi', yicn̈ej snivanil eb' yaji. Ayn̈ej yopisio juntzan̈ chi' yuj eb', masanto a Dios ix q'uexani.

A Ch'an̈ Carta D'a Eb' Hebreo 9:10 ပူးပေါင်းရင်းမြစ်များ

Ex 29:4

Tzlajw cha, tze'n 'at Aarón yet' eb' yunnal 'a yol sti Mantiado 'a 'aj tzin chaj in b'a eyet'oc, tzaln 'a eb' to tz'achn can eb' ta'.

Ex 40:12

Tze'n 'at Aarón yet' eb' yunnal 'a yol sti Mantiado cha, tzaln 'a eb', to tz'achn can eb' ta'.

Ez 4:14

'Ix waln 'ixtc 'a 'a: Mamin Jehová, caw wal may 'aj tzin yam junc tas man̈ wach'c 'a yic 'unnal, may 'aj tzin chi no noc' mun tzchami, mto no noc' tzcham yuj yit noc'al, may xon 'aj tzin chi no chib'j man̈ wach'oc, xin chi 'a 'a.

Lv 13:58

A pax jun tzo'n̈ tas 'aj tzsat jun tzo'n̈ c'uxmtac cha, yowlal tzb'icx 'el pax jun 'ejm xo, sec tzb'ox can 'el junc yamc'ab' mto junc pichl cha, xchi Dios 'a Moisés yet' 'a Aarón.

Lv 16:24

Tz'achn 'a jun lugar sic'b'il 'eli, tzlajw cha, tzya'n pax 'och spichl tzc'an xon 'a yopiso. Tzlajw cha, tzya'n tz'a no xajmb'al to mun yico', yet' pax no yic eb' chon̈b' cha, sec 'ixta tz'aj yajx lajwc smul yet' pax yic eb' chon̈b' chi smasnil.

Lv 16:4

Yowlal tz'achn can b'ab'el, 'ixta to b'i'an, tzya'n 'och spichul: atn sjucn pichul, scutin wex, sjal-l snan̈al yet' pax sc'oxl sjolom. A jun tzo'n̈ pichl cha, linon̈ej smasnil, ya'ilb'il yaj sb'o'i.

Lv 22:6

Toto man̈ wach'c yaji, matz tac' sc'uxn tas to wic yaji, masnto yic tzq'uic'b' 'ejmi, tz'achn can paxi.

Mr 7:4

Ax yic tzlaj paxt eb' 'a plas, matz laj wa eb', masnto tzmixn̈j eb' 'icha tzyal jun sb'eyb'al eb' cha. Til to wal jun tzo'n̈ xo tas tzlaj sb'eylb'oc eb', 'icha tzb'icl eb' svaso, xalu, yet' jun tzo'n̈ q'uen yamc'ab' yic wa'el, tzju'n pax eb' swaynub'.

Gl 4:9

Al ticnec eyojc xo Dios. Yel xo wach' tzcala, a Dios tox ex 'ojcan 'eli. Yuj cha, ¿tas yuj tzex meltzj pax 'a jun tzo'n̈ b'eyb'al caw may yel'chi? ¿Tas yuj tze nib'j tzeya'x servil jun tzo'n̈ cha?

Ef 1:10

A yic 'oj c'och stiempoal, 'oj 'el'choc jun snib'jnac cha. Yujto ata 'oj swach' 'a'c 'och smasnil mach yet' smasnil tas 'a yol sc'ab' Cristo. Wach'xam jun tzo'n̈ 'ay 'a satcha'an̈, yet' pax jun tzo'n̈ 'ay 'a yolyib'n̈q'uinl tic, junxn̈ej 'oj yutc ya'n 'och smasnil 'a yol sc'ab' cha.

Ef 2:15

A yic xcham yet' sniwnal, 'ix yi'n can 'el yopiso jun ley, atn jun tzo'n̈ checnb'il tz'ib'b'il cani. An̈jtona', junxn̈ej on̈ yutjec cani. Yuj cha, junxn̈ej chon̈b'al cajc 'a sat ticnec, yujto junn̈j cajc yet'oc. 'Ixta xyutj ya'n junc'ojlal 'ayn̈ec.

Dt 21:6

Ax eb' yichmtac wincal jun chon̈b' cha, tzb'iccn 'el eb' sc'ab' 'a yib'n̈ no cob's wacx chamnc xo cha,

Dt 23:11

A 'a yic wan yem c'u, wach' cab' tzyutj sb'icn 'el sb'a, ax 'a yic tox x'em c'u cha, tztac' yochx 'a yol camplamento.

A Scarta San Pablo D'a Eb' Aj Colosas 2:16

Yuj cha, toto 'ay mach tzex b'eyc'ojlan yuj tas tze c'uxu, mto tzeyuq'uej, man̈ e cha yal eb' 'ayex. Toto tznib'j eb' yal 'ayx yuj jun tzo'n̈ sq'uin̈, mto 'a yic tzpac' 'uj, yet' sc'ul 'iljelal, man̈ e cha yal eb' 'ayex.

A Ch'an̈ Carta D'a Eb' Hebreo 10:22

Yuj cha, 'a smasnil qui c'ojol, tzqui nitznec 'och qui b'a 'a stz'ey Dios. Caw ca'c 'och wal qui c'ojl 'a si'mb'il. Yujto sacb'tzab'ilx qui pixnec yu'uj, sec man̈x 'a maysch'olnil 'aych 'a qui nab'enec. Ax qui niwnalec, b'icb'ilx yuj jun a a caw ya'ax.

A Ch'an̈ Carta D'a Eb' Hebreo 13:9

Man̈ e cha 'ijxoc 'at e b'a yuj jun tzo'n̈ tzann̈j chuc cuynb'ilal tzalxi. Caw wach' toto tz'ajx ste'nal qui nab'enec yuj swach'c'ojlal Dios tzyac' 'ayn̈ec. Al jun tzo'n̈ comn checnb'il tzyal yuj tas tzqui c'uxu, matz tac' tzte'nb'i qui nab'enec yu'uj. Yujto a jun tzo'n̈ checnb'il cha, may jac yopiso sb'on snab'en eb' tzb'eylb'ani.

A Ch'an̈ Carta D'a Eb' Hebreo 2:5

Wan waln yuj junx yolyib'n̈q'uinl tot 'oj jawoc. A jun cha, man̈oc 'a yol sc'ab' eb' ángel 'oj yac' Dios.

A Ch'an̈ Carta D'a Eb' Hebreo 6:2

Tzyaln yuj bautismo. Tzyaln yuj eb' tzya't sc'ab' 'a qui jolmec, yic tz'och copisoec. Tzyalni, to 'oj qui pitzwec pax 'a scal eb' chamnac. Tzyaln paxi, to 'oj 'ajxc syailal eb' 'anma 'a jun 'ejmn̈ej. A jun tzo'n̈ cuynb'il tic 'och cab' wan qui cuynec.

A Ch'an̈ Carta D'a Eb' Hebreo 6:5

Cojquec xo jun wach' 'ab'x yic Dios. Cojquec xo pax spoder Dios 'oj sch'ox 'a jun tiempoal tot 'oj jawoc.

A Ch'an̈ Carta D'a Eb' Hebreo 7:12

A yic x'och sjel eb' ya'mal 'och qui tic 'a Dios, yowlal xjelmj pax ley yic Moisés.

A Ch'an̈ Carta D'a Eb' Hebreo 7:16

Man̈ yujoc ley yic Moisés, x'ajx yopiso ya'n 'och qui tic 'a Dios. Palta x'och yopiso, yujto may b'a'n̈ 'oj lajwc 'ec' sq'uinal.

A Ch'an̈ Carta D'a Eb' Hebreo 9:1

A 'a jun b'ab'l trato, 'ay jun tzo'n̈ checnb'il tzyala, tas tzyutj eb' ya'w servil 'a jun scajnub' Dios 'ay 'a sat lum tic.