A Ch'an̈ Carta D'a Eb' Hebreo 8:9 - Chuj San Sebastian Bible

⁹ A wal jun in trato cha, caw man̈ lajnoc 'icha jun in b'ojnac yet' eb' smam yichm eb', yic wi'n 'elt eb' 'a Egipto. 'Icha to in quetz sc'ab' eb', yic wi'n 'elt eb'. Palta a eb' cha, ma'ix syiclj eb' jun in trato cha, yuj cha, wactn can eb' sch'ocoj.

Chuj San Mateo Bible

⁹ A jun trato chi', man̈ lajanoc ol aj yed' jun in trato in b'onac yed' eb' smam yicham eb', ayic vic'annac elta eb' d'a yol yic Egipto. Yujto ayic vic'annac elta eb' chi', ichato ochnac in quetz quetz d'a sc'ab' eb'. Palta man̈ sc'anab'ajejnacoclaj in trato chi' eb', yuj chi' vactejnaccan eb' sch'ocoj.

A Ch'an̈ Carta D'a Eb' Hebreo 8:9 ပူးပေါင်းရင်းမြစ်များ

Gn 19:16

A Lot tz'inni s'ati, ax chawn̈ ángel chi 'ix quetzn 'el eb', yujto tz'o'ch sc'ojl Jehová 'a eb'. Xyi'n 'at pax eb' 'ix yistzil Lot cha, yet' eb' yisl cha. 'Ixta 'ix 'aj yel eb' 'a yol chon̈b' cha.

Job 8:20

A Dios matz patquilj can 'el junc mach tojl snab'en, matz colwj pax 'a mach to tu tas tz'el sb'oni.

Salmos 105:43

'Ixtn tic 'ix yutj Dios yi'n 'elt eb' schon̈b' sic'b'il 'el yu'uj, 'a scal 'aw yet' 'a scal stzaljc'ojlal eb' x'elta.

Salmos 77:20

'Ix ej b'ey eb' a chon̈b' 'icha tzyac' no calnelu tz'ijx b'eyoc. A Moisés yet' Aarón a eb' xa c'anlb'ej.

Salmos 78:57

Lajn wal xyutj sb'a eb' 'icha eb' smam yichm eb'. 'Ix yij 'el sb'a eb' 'a stz'ey Dios, man̈x yiclumoc xyutj sb'a eb' 'a 'a. Man̈x wach'c xyutj sb'a eb', lajn xoj eb' 'icha junc jul-lab' to coxo.

Ex 32:8

Yajn̈j wal cha, 'ix yi'n 'el sb'a eb' 'a tas xwala, sb'on eb' jun yechl quelm wacax; xlaj cob' ya'nc 'ejm sb'a eb', xya'n eb' xajmb'al 'a jun yechl cha, xyaln eb' 'ixtic: Ex q'uit israelal, atn wal qui diosalec tic on̈ 'i'nec 'elt 'a Egipto, xchi cob' eb', xchi Dios 'a Moisés cha.

Ex 34:10

'Ix yaln Jehová 'ixtc 'a Moisés: Chaj ab' tas 'oj wala'. A ticnec tzin b'ocn jun in trato tic et' 'a sat smasnil eb' et chon̈b' tic. 'Oj in b'o jun tzo'n̈ tas satjub'tac yilxi, jun tzo'n̈ to mant 'a 'aj tzb'o 'a junc nacion̈ 'a sat lum lum tic. Ax smasnil eb' 'anma ajun et' tic, 'oj yil eb' smasnil tas 'oj in b'o', caw wal satjub'tac yilx tas 'oj in b'o 'a e cal.

Cantares 8:5

¿Mach jun 'ix chi tzcot 'a lum cusltac lum cha, pacn q'ue 'a squelb' jun chamc'ojlb'il yuj cha? xchi eb'. A 'a yich jun te snun mansan, ata xin pitzl a wayan̈, ata yab'jnac a nun syail yic alji.

Is 40:11

'Oj jawc 'icha junc 'ilm calnelu to xajn scalnelu yu'uj, tzme'n b'eyc'oc no cotc calnelu chi 'a sn̈i sc'ojol, ax no nun calnelu tot 'aljnac yune', caw tztan̈wx no yu'uj. 'Ixta yaj Jehová quet'ec.

Is 41:13

Yujto an tic, an ton Jehová e Diosal in, an ex in quetzb'eyoc', 'ix waln 'ayx 'ixtic: Man̈ex xiwoc, an 'oj ex in colo', xin chi, xchi Dios.

Is 51:18

A 'a scal smasnil eyunnal, may wal junc eb' ex jucb'tzani, a 'a scal smasnil eb' 'unn xe q'uib'tzej, may xon junc eb' ex quetzni.

Is 63:9

Locn xyab' syal yet' eb', caw a xcoln 'el eb'. Yuj schamc'ojlal yet' swach'l snab'en, yuj cha, scoln 'el eb', 'ix squetzn chan̈ eb'. Niwn tiempo 'ix 'ijx b'ey eb' yu'uj.

Jeremías 31:32

An Jehová in, an tzwala to a wal jun in trato 'oj wac' yet' eb' cha, caw man̈ lajnoc 'icha jun in b'ojnac yet' eb' smam yichm eb', yic wi'n 'elt eb' 'a lum Egipto. A yic cha, 'icha to 'ochnc in quetzn 'a sc'ab' eb' yic wi'n 'elt eb'. Wach'xam lajn in 'icha junc winc yet' yistzil, 'ixta waj 'a eb', palta ma'ix syiclj eb' jun in trato cha.

Lm 4:16

Yet' wal yowl sc'ojl Jehová, spechn can 'at eb', man̈x 'ic tan̈wx eb' yu'uj. Man̈x 'a yel'ch eb' ya'mal 'och sti eb' 'anma 'a 'a, man̈x 'ic 'o'ch sc'ojl 'a eb' 'ichmtac winac.

Ez 16:59

An Jehová in, an tzwal 'ixtic: 'Oj wac' spac tas 'ix sb'o'o, yujto ma'ix syiclj tas tzyal in trato.

Ez 16:8

In 'ec' pax 'a stz'ey jun 'ejm xo, xwilni to stiempoal xo yoch 'a nupnel. Yuj cha, ax in potil, a xin potb't 'a yib'an̈, 'ixta x'aj yoch spichul, 'ix macchj 'el sq'uixwelal. 'Ix wa'n in trato yet'oc to tzwique'ej an Jehová in.

Am 5:22

Matz in nib'j jun tzo'n̈ e xajmb'al tzeyac' 'ayin, yic cob' tzin eyi'n chan̈ eyalni. Matz in nib'j pax 'ixm trigo tzeyac' eyofrendaoc. Matz in chaj pax no quelmtac wacx caw b'a'ch tzeyac' xajmb'al-l 'ayn yic junc'ojlal.

Malaquías 2:13

Ax tic, 'ay wal junx tas tze b'o'o: Caw wal tzlojx 'el yet'l xajmb'al yuj yal e sat eyoq'ui, tzex 'oc' wal si'mb'il yujto man̈xtzac schaj Jehová eyofrenda 'a tzaljc'ojlal.

Mr 8:23

Ax Jesús cha, 'ix 'och yamn 'a sc'ab' winac, 'ix squetzn 'at win 'a sti 'el chon̈ab', 'ix sucn 'och jab' stzub' 'a yol sat winac, 'ix stzayn 'och sc'ab' 'a 'a, xlajw cha, 'ix sc'anb'ni, toto tzax yil win jab'oc.

A Tas Sc'ulejnac Eb' Schecab' Jesús Hechos 13:11

A ticnec, 'oj ya'ch Cajlil a yailal. 'Oj yac' juwc yol a sat junc tiempoal. Wach'xam 'ay yoc c'u, palta man̈x 'oj stac' eln jab'oc, xchi Pablo chi 'a winac. Yajn̈j wal cha, xjuw yol sat winac. Man̈xtzac stac' yiln win jab'oc, yuj cha, x'at saync 'ec' win junc mach tzquetzn b'eyc'oc.

A Tas Sc'ulejnac Eb' Schecab' Jesús Hechos 7:36

Atn Moisés chi x'i'n 'elt eb' quit chon̈b' 'a Egipto. Chawinc ab'il 'ix sch'ox jun tzo'n̈ milagro 'a Egipto cha, yet' 'a a Chac Mar sb'i, yet' pax 'a lum cusltac lu'um.

A Tas Sc'ulejnac Eb' Schecab' Jesús Hechos 9:8

Xlajw cha, 'ix q'ue wan Saulo 'a sat lu'um. Ax yic 'ix sjacn win yol sat, caw man̈xtzac stac' yilni. Ax ewin yitb'eym cha, 'ix 'och yamn ewin 'a sc'ab', squetzn 'at ewin 'a chon̈b' Damasco.

Gl 4:24

A jun yab'xil eb' tic, ch'oxnb'il yaji. A chawn̈ 'ix tic, tzyal 'el'chi, atn chab' strato Dios. A 'ix Agar, tzyal 'el'chi, atn jun trato chab'il 'a lum witz Sinaí. A eb' yic xo jun trato cha, 'icha to yune 'ix Agar eb', yujto 'aych eb' ya'malc servil 'icha 'e'nc 'ix.

Dt 29:1

Atn jun tzo'n̈ paxti tic xyac' Jehová yal Moisés 'a eb' yit chon̈ab', yic 'ayc' eb' 'a yol smacb'en lum Moab; atn strato Dios chi sb'ojnac yet' eb' israel yic 'ayc' eb' 'a yich witz Sinaí.

Dt 29:12

Ya' sb'a yamn cajec, wach' tzeya'cn e ti eyiclni strato Jehová Dios tzb'ocn quet' ticnec.

Dt 29:25

Ax spacx 'a eb' 'ixtic: Yujto xyactj can eb' strato Jehová, atn sDiosal smam yichm eb', jun sb'ojnac strato yet' eb' yic yi'n 'elt eb' 'a Egipto.