A Ch'an̈ Carta D'a Eb' Hebreo 8:6 - Chuj San Sebastian Bible

⁶ Palta a jun tz'a'n 'och qui tic 'a Dios ticnec, yel xo wal 'ec'b'al swach'l yopiso 'a yib'n̈ yopiso eb' cha. Yujto a tz'a'n 'el'choc jun strato Dios ya'jnac 'ayn̈ec. A jun strato cha, yel xo wach' 'a yib'n̈ jun 'a b'ab'el, yujto a jun tzo'n̈ tas ya'jnac Dios sti yu'uj, yel xo caw wach'.

Chuj San Mateo Bible

⁶ Palta a jun co sat sacerdote ticnaic, ec'al svach'il yopisio d'a yichan̈ yopisio eb' chi'. Yujto a tz'ac'anelc'och jun strato Dios yac'nac d'ayon̈. A jun strato chi', más vach' d'a yichan̈ jun b'ab'el, yujto a juntzan̈ tas b'aj yac'nac sti' Dios, ec'al te vach'.

A Ch'an̈ Carta D'a Eb' Hebreo 8:6 ပူးပေါင်းရင်းမြစ်များ

Jeremías 50:5

'Oj sc'anb'c 'ec' eb' jun b'e tzc'och 'a Sión, axta 'oj 'at eb', ax yaln eb' 'ixtic: Meltzjcoyc 'a Jehová. Junxn̈ej tzon̈ 'ajc yet'oc, qui b'oc junc qui trato yet' 'a jun 'ejmn̈ej, man̈x 'a b'a'n̈ tz'at satc'ojlal cujec, 'oj schic eb'.

Lc 22:20

Xlajw swa eb', 'ixta xyutj pax jun vaso. 'Ix yaln 'ixtc 'a eb': —A tas 'ay 'a yol jun vaso tic, sch'oxnb'il jun yac' trato Dios. Yuj in chiq'uil, 'oj 'el'choc, yujto 'oj 'elcn eyu'uj.

Ro 9:4

A eb' cha, yin̈tl Israel eb' wet'oc. A Dios si'jnac 'och eb' yunnaloc. Caw sch'oxjnac stzictznil 'a eb', yic yec' yet' eb'. A 'a'jnac can jun tzo'n̈ strato 'a eb'. Ya'jnac can pax sley 'a eb'. Yaljnac can 'a eb', tas tzyutj eb' yaln sb'a 'a 'a. 'Ay pax jun tzo'n̈ tas 'aj ya'jnac can sti 'a eb'.

Ef 2:12

A 'a yic yalan̈, mant 'ayc 'och Cristo eyet'oc. May eyaln eyic yet' eb' wit israelal. May pax eyaln eyic 'a jun tzo'n̈ strato Dios 'ix yac' 'a eb', yic ya'n sti 'a eb'. 'Ayx 'ec' ton 'a yolyib'n̈q'uinl tic, palta may junc tas wach' eya'jnac 'och yipc e c'ojol, yujto mant 'ayc 'och Dios eyet'oc.

1 Ti 2:5

Cojn jun Dios 'ay. An̈jtona', cojn jun mach tztac' ya'n 'och qui ti 'a 'a, atn Jesucristo, yujto a 'ochnc 'anma'il.

Tito 1:2

'Ixta tzwutj in b'a, sec tzya'ch eb' 'anma yipc sc'ojol, to 'oj qui cha qui q'uinl 'a jun 'ejmn̈ej. A Dios, may 'aj tzyac' 'es jun 'ejmoc. A yic mantzac sb'o yolyib'n̈q'uinl tic, ya'jnac can sti', to 'oj yac' qui q'uinal.

A Ch'an̈ Carta D'a Eb' Hebreo 12:24

Ata 'ayc' pax Jesús, atn tz'a'n 'el'choc jun yac' trato Dios. Ax schiq'uil, a tz'i'n 'el qui mul 'ayn̈ec, 'icha to tzicx cot 'a quib'an̈. A schic'l cha, 'icha to a tzc'ann niwnc'ojlal 'a quib'n̈ec. Man̈ 'ichaoc schic'l win Abel, to tzc'an spac yuj schamlil.

A Ch'an̈ Carta D'a Eb' Hebreo 7:22

A junx strato xyac'a, 'ec'b'al swach'l 'a yib'n̈ jun ya'jnac 'a b'ab'el. Ax Jesús, a tz'a'n 'el'choc jun tic.

A Schab'il Carta San Pedro 1:4

Yuj spoder cha, ya'jnac can sti 'ayn̈ec. A jun tzo'n̈ tas yaljnac can cha, caw niwn yel'chi, til wal swach'il. Yuj jun tzo'n̈ cha, tztac' tzon̈ colchjec 'el 'a yol sc'ab' jun tzo'n̈ maysch'olnil tznib'j 'och eb' 'anma 'a yolyib'n̈q'uinl tic. Toto 'ixta tzon̈ 'ajec, caw lajnn̈ej tz'aj qui nab'enec yet' Dios, yuj jun tzo'n̈ tas yaljnac can cha.