A Ch'an̈ Carta D'a Eb' Hebreo 8:13 - Chuj San Sebastian Bible

¹³ Yic yaln Dios yuj jun yac' trato tic, sch'oxo, to 'ichm xo jun sb'ab'l trato. Q'uinloc 'ay junc tas tz'ichmax ticnec, tzlajw yopiso. Toto 'ixta', jab'xoj ax swach' satli.

Chuj San Mateo Bible

¹³ Ayic ix yalancot Dios yuj jun schab'il trato tic, ix sch'oxo' to ec'nacxob'at jun b'ab'el trato. Q'uinaloc ay junoc tas ec'nacxob'at ticnaic, ¿tom ayto yopisio? Tato man̈xa yopisio, syalelc'ochi to van sateli.

A Ch'an̈ Carta D'a Eb' Hebreo 8:13 ပူးပေါင်းရင်းမြစ်များ

Is 51:6

Q'uen̈ec q'ueln 'a satcha'an̈, tzex 'emx q'ueln 'a sat lum tic: A satcha'an̈, 'oj sat 'ejm 'icha tzyac' te tab'. Ax lum lum tic, 'oj 'ichmaxc lum 'icha tzyac' junc pichul. 'Ichan̈ej tz'aj scham no 'us, 'ixta 'oj 'aj scham eb' 'anma cajn 'a sat lu'um. Palta ax colnb'il tzwac'a, 'ayc'n̈ej 'a jun 'ejmn̈ej, a 'in tojlal may slajub'.

Mt 24:35

'Oj lajwc 'ec' satcha'an̈ yet' yolyib'n̈q'uinl tic, ax in paxti', may b'a'n̈ 'oj lajwc 'eq'ui.

Lc 22:20

Xlajw swa eb', 'ixta xyutj pax jun vaso. 'Ix yaln 'ixtc 'a eb': —A tas 'ay 'a yol jun vaso tic, sch'oxnb'il jun yac' trato Dios. Yuj in chiq'uil, 'oj 'el'choc, yujto 'oj 'elcn eyu'uj.

1 Co 13:8

A jun chamc'ojlal tic, may b'a'n̈ 'oj lajwoc. 'Ay jun tiempoal 'oj jawoc, man̈x yowlalc 'ay mach tz'ajx yopiso yuj Dios yaln 'el spaxti'. A 'a jun tiempoal cha, man̈x yowlalc 'ay mach tzpaxtin 'a jun tzo'n̈ chucchc ti'al. An̈jtona', man̈x 'a yopiso qui jelnalec ta'.

2 Co 3:6

A 'a'jnac copiso ya'malc servil on̈, tzcaln 'el yab'xil jun yac' trato on̈. A jun strato tic, man̈ yujoc qui yiclni junc tas tz'ib'b'il cani, tz'el'chi. Palta yujn̈ej Yespíritu tz'el'chi. A jun ley tz'ib'b'il cani, yopiso ya'n 'och chaml 'a quib'n̈ec. Palta ax Yespíritu Dios, yopiso ya'n qui q'uinlec 'a jun 'ejmn̈ej.

2 Co 5:17

A mach junxn̈ej tz'aj yet' Cristo, caw tzjelmj snab'en, 'icha to tzcaw 'a'tb'i. A jun tzo'n̈ yichm b'eyb'al, tzlajw can 'eq'ui. C'uxn tzlaj wach' b'ocn smasnil.

A Ch'an̈ Carta D'a Eb' Hebreo 1:11

Smasnil jun tzo'n̈ a b'ojnac tic, 'oj lajwc 'eq'ui, palta ach xo, 'aych 'ec'n̈ej 'a smasnil tiempo. Smasnil jun tzo'n̈ tic, 'oj 'ichmaxc eb' 'icha pichul.

A Ch'an̈ Carta D'a Eb' Hebreo 12:24

Ata 'ayc' pax Jesús, atn tz'a'n 'el'choc jun yac' trato Dios. Ax schiq'uil, a tz'i'n 'el qui mul 'ayn̈ec, 'icha to tzicx cot 'a quib'an̈. A schic'l cha, 'icha to a tzc'ann niwnc'ojlal 'a quib'n̈ec. Man̈ 'ichaoc schic'l win Abel, to tzc'an spac yuj schamlil.

A Ch'an̈ Carta D'a Eb' Hebreo 7:22

A junx strato xyac'a, 'ec'b'al swach'l 'a yib'n̈ jun ya'jnac 'a b'ab'el. Ax Jesús, a tz'a'n 'el'choc jun tic.

A Ch'an̈ Carta D'a Eb' Hebreo 8:6

Palta a jun tz'a'n 'och qui tic 'a Dios ticnec, yel xo wal 'ec'b'al swach'l yopiso 'a yib'n̈ yopiso eb' cha. Yujto a tz'a'n 'el'choc jun strato Dios ya'jnac 'ayn̈ec. A jun strato cha, yel xo wach' 'a yib'n̈ jun 'a b'ab'el, yujto a jun tzo'n̈ tas ya'jnac Dios sti yu'uj, yel xo caw wach'.

A Ch'an̈ Carta D'a Eb' Hebreo 8:8

Palta yiljnac Dios, chajtlto caw maysch'olnil yutjnac sb'a eb' 'anma cha. Yuj cha, tzyal 'ixtc 'a Ch'an̈ U'un̈: A Cajlil, tzyal 'ixtic: 'Oj jawc jun c'ual, 'oj in b'o junc xo in 'ac' trato yet' eb' yin̈tl Israel, yet' pax eb' yin̈tl Judá.

A Ch'an̈ Carta D'a Eb' Hebreo 9:15

Yuj cha, a Jesucristo tz'a'n 'el'choc jun 'ac' trato cha. A yic xchami, 'ix ya'n can lajwc smul eb' 'ayc' 'a yol sc'ab' jun b'ab'l trato. Yuj cha, an̈ec 'awtb'iln̈ec yuj Dios yico'oc, tztac' quica'an jun 'aj ya'jnac can sti', atn qui q'uinlec 'a jun 'ejmn̈ej.