A Ch'an̈ Carta D'a Eb' Hebreo 7:19 - Chuj San Sebastian Bible

¹⁹ May junc tas xb'o 'el'ch yuj jun ley cha. Palta 'ay junx yel xo caw wach', 'ix 'ochx can sjeloc, atn jun 'aych yipc qui c'ojlec. Yuj wal jun cha, tztac' qui nitznec 'och qui b'a 'a stz'ey Dios.

Chuj San Mateo Bible

¹⁹ Malaj junoc mach b'onac spensar yuj jun ley chi'. Palta ay junxo ec'al svach'il ochnac sq'uexuloc. Aton jun chi' ayoch yipoc co c'ool. Yujn̈ej jun chi' syal co nitzanoch co b'a d'a stz'ey Dios.

A Ch'an̈ Carta D'a Eb' Hebreo 7:19 ပူးပေါင်းရင်းမြစ်များ

Salmos 73:28

Palta an xo tic ach in Diosal, tzin nitz 'ochch in b'a 'a a tz'ey, yujto a jun chi yel xo wach' 'ayin. Mamin Jehová 'aychn̈ej 'och yipc in c'ojol, 'oj wal-l yab'xil smasnil tas wach' a b'ojnac.

Lm 3:57

A 'a yic ach wawtn 'a jun c'u cha, ach jaw 'a in tz'ey, 'ix aln 'ayn 'ixtic: Man̈ ach xiwoc, xa chi.

Jn 1:17

A Moisés ya'jnac can sley Dios 'ayn̈ec. Palta a Jesucristo tzch'oxn swach'c'ojlal Dios 'ayn̈ec. Tzya'n pax jun cuynb'il caw yel.

Jn 14:6

—A jun b'e tzwal tic, an ton tic. Cojn in tztac' ex wi'n 'at 'a 'aj 'ay qui Mam Dios. An tic yel in, 'aj q'uinl in.

A Tas Sc'ulejnac Eb' Schecab' Jesús Hechos 13:39

A jun ley yic Moisés, caw matz tac' ya'n lajwc qui mulec. Palta tzann̈j mach tzya'ch sc'ojl 'a Jesucristo, c'uxn tz'ajx can lajwc smul eb' yu'uj.

Ro 5:2

Yuj Cristo, 'ay calnec quic qui chan swach'c'ojlal Dios, yujto tzca'c 'och qui c'ojl 'a 'a. Yuj cha, til wal swach'c'ojlal tzch'ox 'ayn̈ec ticnec. Caw tzon̈ tzaljec, yujto tzca'c 'och yipc qui c'ojol, to 'oj tza'wnoc qui wach'lec 'icha swach'l Dios.

Ro 7:7

Palta ¿tas tze na'a? A ley yic Moisés, ¿tom maysch'olnil tze na'a? Caw ma'ay. Yujn̈ej jun ley cha, tznachj 'el cujec to maysch'olnil tas tzqui b'o'ec. Q'uinloc 'ay junc tas tzin nib'j 'och ticnec. Wojtac, to maysch'olnil wan in b'oni, yujto tzyal jun ley chi 'ixtic: Man̈ a nib'c 'och junc tas, xchi. Q'uinloc may tas tzyala, to 'ixta', man̈ wojcoc, toto maysch'olnil tas wan in nani.

Ro 8:3

Yuj qui tu nab'enalec tic, matz tac' qui yiclniec tas tzyal ley yic Moisés. Yuj cha, may yopiso jun ley chi on̈ scolnec. Palta ax Dios on̈ colnec. A 'a'jnac cot Yunnal, wul ya'nc 'och sb'a 'anma'il. Lajn sniwnal 'icha quic an̈ 'ajmul on̈c tic. A 'ix wul cham yuj qui mulec. A yic 'ix cham yet' sniwnal, 'ix ya'n ganar 'a yib'n̈ maysch'olnil, sec wach' man̈x 'a yaln maysch'olnil chi yic 'ayn̈ec.

Gl 2:16

Palta cojquec, may junc mach tz'och wach'l 'a sat Dios, yujn̈ej syiclni ley yic Moisés cha. Cojxn eb' tzya'ch sc'ojl 'a Jesucristo, an̈j eb' wach' 'a sat Dios. An̈jtona an̈ tic on̈, tzca'ch pax qui c'ojl 'a Jesucristo eyet' on̈, sec wach'n̈ pax 'a sat Dios on̈. Yujn̈ej ca'n 'och qui c'ojl 'a Cristo on̈, wach'n̈ 'a sat Dios on̈. Man̈ yujoc qui yiclni ley yic Moisés, wach'n̈ on̈. Yujto may junc mach wach' 'a sat Dios, yujn̈ej to tzyiclj tas tzyal jun ley cha.

Gl 3:21

Palta a ley yic Moisés, matz 'och 'ajc'ojlal 'a jun tzo'n̈ tas yaljnac can Dios, yic ya'n sti 'ayn̈ec. Q'uinloc 'ac'b'il junc ley 'aj tztac' qui chan qui q'uinlec 'a jun 'ejmn̈ej, toto 'ixta', tzyal am Dios to wach'n̈ec 'a sat, yujn̈ej tzqui yicljec jun ley cha.

Gl 3:24

Yujto a jun ley cha, yopiso on̈ ya'nec cuenta, masnto xjaw Cristo. A ticnec, wach'n̈ec 'a sat Dios, yujto ata tzca'c 'och qui c'ojol.

Ef 3:12

Yuj Cristo, 'ayx calnec quic caln qui b'a 'a Dios, matz on̈ xiwec, yujto 'aych qui c'ojlec 'a Cristo.

A Scarta San Pablo D'a Eb' Aj Colosas 1:27

'Elnc 'a sc'ojol, to tzyac' cojcoquec 'eli. A jun tic, yel xo wal niwn yel'ch 'ayx ax man̈ ex israeloc. Atn jun tic x'ajx cojcoquec 'eli, to a Cristo cajn 'och 'a e pixn junjn ex quet' on̈. Yuj Cristo, tzca'nec 'och 'a qui c'ojol, to 'oj tz'acwc qui wach'l 'icha swach'l Dios.

1 Ti 1:1

An Pablo in tic, schecb' in Jesucristo, yujto 'ixta yaj yaln can Dios qui Colmal, yet' Cajlil Jesucristo, atn tzca'c 'och yipc qui c'ojol.

A Ch'an̈ Carta D'a Eb' Hebreo 10:1

A ley yic Moisés, 'icha to yen̈ln̈ej jun tzo'n̈ tas wach' tza'nto xjawi. Man̈toc caw yel a jun tzo'n̈ cha. Yujto a ley cha, matz tac' a tz'a'n b'o snab'en eb' tznib'j tzc'och 'a Dios yuj jun tzo'n̈ xajmb'al chi tz'ajx 'a junjn ab'il.

A Ch'an̈ Carta D'a Eb' Hebreo 11:40

Yujto nab'iln̈ec cot yu'uj, yuj cha, 'ay junx tas tznib'j Dios sb'o', yel xo wal wach'. Atn jun tic tznib'ej, to yowlal locnon̈c yet' eb' yic 'oj 'el'choc tas nab'il yuj cha.

A Ch'an̈ Carta D'a Eb' Hebreo 11:6

Toto matz ca'c 'och Dios 'a qui c'ojol, toxn matz tac' stzalj quet'ec. Yujto a eb' tzjaw 'a Dios, yowlal tzya'ch eb' 'a sc'ojol, to 'ay Dios cha. Tzya'n pax 'och eb' 'a sc'ojol, chajtlto a tz'a'n spac 'a eb' tznib'j c'och sb'a 'a 'a.

A Ch'an̈ Carta D'a Eb' Hebreo 3:6

Palta ax Cristo, yiclum yutjnac sb'a, yujto Yunnal Dios. A 'aych Yajlil 'a yib'n̈ eb' yunnal xo Dios yet'oc. Toto te'n tzcutjec qui b'a ca'n 'och qui c'ojl 'a 'a, toto tzon̈ tzalji, tzca'nec 'och yipc qui c'ojol, [masnto 'a slajb' qui q'uinal,] to 'ixta', yunnaln̈ec xo Dios tzyal cha.

A Ch'an̈ Carta D'a Eb' Hebreo 4:16

Yuj cha, caw man̈ on̈ xiwc qui c'ochc 'a sdespacho Dios, 'a 'aj tzcheclj 'el swach'c'ojlal. Ata tz'o'ch sc'ojl 'ayn̈ec, tzch'oxn swach'c'ojlal, 'a yic 'ay tas 'ay tz'och cujec.

A Ch'an̈ Carta D'a Eb' Hebreo 6:18

Caw ya'jnac Dios sti', slocjnac sb'i, yuj cha, a tas yaljnac, may b'a'n̈ 'oj jelxoc, yujto a Dios, matz tac' ya'n 'es. A tas yaljnac cha, caw tzyac' sniwnal qui c'ojlec, yujto ca'jnaquec qui b'a 'a 'a, tzon̈ scolni. Wan qui tan̈wniec tas 'oj yac' 'ayn̈ec, yujto a tzca'c 'och yipc qui c'ojol.

A Ch'an̈ Carta D'a Eb' Hebreo 7:11

A eb' ya'mal 'och sti eb' quit israelal 'a Dios, yin̈tl can Leví eb', yin̈tl pax Aarón eb'. Yuj eb', 'ac'b'il can ley yic Moisés 'a eb' yit israelal. Tzcob' ya'lc eb' sb'on snab'en eb' yit chon̈b' cha, palta matz tac' yuj eb'. Yuj cha, yowlal xjaw junx tz'a'n 'och qui tic 'a Dios. A jun cha, 'ix schaj yopiso 'icha schaj win Melquisedec yico', man̈ 'ichaoc schaj eb' yin̈tl Aarón.

A Ch'an̈ Carta D'a Eb' Hebreo 7:20

A yic sb'on can Dios jun tzo'n̈ tic, slocn can sb'i.

A Ch'an̈ Carta D'a Eb' Hebreo 7:25

Yuj cha, a mach tz'ijx 'och yico'oc Dios yu'uj, a tztac' ya'n scolnb'il eb' 'a jun 'ejmn̈ej. Yujto pitzn 'a jun 'ejmn̈ej, yic tzc'ann niwnc'ojlal 'a Dios cujec.

A Ch'an̈ Carta D'a Eb' Hebreo 8:6

Palta a jun tz'a'n 'och qui tic 'a Dios ticnec, yel xo wal 'ec'b'al swach'l yopiso 'a yib'n̈ yopiso eb' cha. Yujto a tz'a'n 'el'choc jun strato Dios ya'jnac 'ayn̈ec. A jun strato cha, yel xo wach' 'a yib'n̈ jun 'a b'ab'el, yujto a jun tzo'n̈ tas ya'jnac Dios sti yu'uj, yel xo caw wach'.

A Ch'an̈ Carta D'a Eb' Hebreo 9:9

A jun tzo'n̈ cha, ch'oxnb'il yaj 'ayn̈ec 'a jun tiempoal tic. A eb' 'anma 'ixta tzyutj yaln sb'a 'a Dios, matz tac' sb'o snab'en eb' yuj jun tzo'n̈ ofrenda, yet' jun tzo'n̈ xajmb'al cha.

Santiago 4:8

Qui nitzc 'och qui b'a 'a stz'ey Dios. To 'ixta', 'oj snitzch sb'a 'a qui tz'eyc jun xo. Palta ax xo maysch'olnil e nab'en, b'oc e b'eyb'al. Ax chab'c'ojlal eyaji, tojlb'tzejc e nab'en.