A Ch'an̈ Carta D'a Eb' Hebreo 7:18 - Chuj San Sebastian Bible

¹⁸ Yuj cha, a jun ley 'a yic yalan̈, lajwnac yopiso, yujto may spoder, nab'an̈ej xoj 'ayq'ui.

Chuj San Mateo Bible

¹⁸ Yuj chi', a jun ley d'a yalan̈taxo, lajvinac yopisio, yujto malaj tz'ochi. Nab'an̈ej ayeq'ui.

A Ch'an̈ Carta D'a Eb' Hebreo 7:18 ပူးပေါင်းရင်းမြစ်များ

A Tas Sc'ulejnac Eb' Schecab' Jesús Hechos 13:39

A jun ley yic Moisés, caw matz tac' ya'n lajwc qui mulec. Palta tzann̈j mach tzya'ch sc'ojl 'a Jesucristo, c'uxn tz'ajx can lajwc smul eb' yu'uj.

Ro 3:31

Yel toni tzon̈ colchjec, yujn̈ej to tzca'c 'och 'a qui c'ojol. Palta ¿tom yuj chi tztac' calnec, to man̈x 'a yopiso ley yic Moisés? Ma'ay, caw matz tac' calnec 'ixta'. Ticni a jun ley cha, to tzqui wach' 'a'jec 'och yopiso.

Ro 8:3

Yuj qui tu nab'enalec tic, matz tac' qui yiclniec tas tzyal ley yic Moisés. Yuj cha, may yopiso jun ley chi on̈ scolnec. Palta ax Dios on̈ colnec. A 'a'jnac cot Yunnal, wul ya'nc 'och sb'a 'anma'il. Lajn sniwnal 'icha quic an̈ 'ajmul on̈c tic. A 'ix wul cham yuj qui mulec. A yic 'ix cham yet' sniwnal, 'ix ya'n ganar 'a yib'n̈ maysch'olnil, sec wach' man̈x 'a yaln maysch'olnil chi yic 'ayn̈ec.

Gl 3:15

Ex wu'tac, ex wanab', tzin nib'j tzwalb't 'ayx yuj jun qui b'eyb'al an̈ 'anman̈ tic. A yic tzqui b'on qui trato yet' junc 'anma', tz'ib'n cani, tzca'n can 'ejm qui c'ab'. Yuj cha, may junc mach tztac' sjuni, may pax mach tztac' ya'n 'och jac xo xicul.

Gl 3:17

Atn jun tic tzin nib'j tzwalb't 'ayex, to a Dios, ya'jnac strato yet' Abraham, sch'oxjnac to yowlal 'oj 'el'choc. Lajwnacx 430 ab'il ya'n can jun strato cha, yic yajx jun ley yic Moisés. Palta matz juw xon jun trato chi yuj jun ley cha. A jun tas alb'il can yuj Dios, yic ya'n sti', ma'ix 'ec' yuj jun ley cha.

Gl 3:21

Palta a ley yic Moisés, matz 'och 'ajc'ojlal 'a jun tzo'n̈ tas yaljnac can Dios, yic ya'n sti 'ayn̈ec. Q'uinloc 'ac'b'il junc ley 'aj tztac' qui chan qui q'uinlec 'a jun 'ejmn̈ej, toto 'ixta', tzyal am Dios to wach'n̈ec 'a sat, yujn̈ej tzqui yicljec jun ley cha.

Gl 4:21

'Ay ex, a jun ley yic Moisés tze nib'j tzex 'a'n mandar. Palta ¿tom matz e na coti, tas tzyal 'a jun ley cha?

Gl 4:9

Al ticnec eyojc xo Dios. Yel xo wach' tzcala, a Dios tox ex 'ojcan 'eli. Yuj cha, ¿tas yuj tzex meltzj pax 'a jun tzo'n̈ b'eyb'al caw may yel'chi? ¿Tas yuj tze nib'j tzeya'x servil jun tzo'n̈ cha?

1 Ti 4:8

Toto tzqui pacb'tzej qui niwnal sec 'ay quip, wach' toni. Palta a wal junx tic, yel xo wach', to tzca'ch qui nab'en 'a Dios. Toto 'ixta tzcutj qui b'a, 'oj qui cha swach'l 'a yolyib'n̈q'uinl tic, yet' pax 'a satcha'an̈.

A Ch'an̈ Carta D'a Eb' Hebreo 13:9

Man̈ e cha 'ijxoc 'at e b'a yuj jun tzo'n̈ tzann̈j chuc cuynb'ilal tzalxi. Caw wach' toto tz'ajx ste'nal qui nab'enec yuj swach'c'ojlal Dios tzyac' 'ayn̈ec. Al jun tzo'n̈ comn checnb'il tzyal yuj tas tzqui c'uxu, matz tac' tzte'nb'i qui nab'enec yu'uj. Yujto a jun tzo'n̈ checnb'il cha, may jac yopiso sb'on snab'en eb' tzb'eylb'ani.

A Ch'an̈ Carta D'a Eb' Hebreo 7:19

May junc tas xb'o 'el'ch yuj jun ley cha. Palta 'ay junx yel xo caw wach', 'ix 'ochx can sjeloc, atn jun 'aych yipc qui c'ojlec. Yuj wal jun cha, tztac' qui nitznec 'och qui b'a 'a stz'ey Dios.