A Ch'an̈ Carta D'a Eb' Hebreo 6:6 - Chuj San Sebastian Bible

⁶ Yuj cha, toto tzquijec 'el qui nab'en 'a Cristo, ¿tast wal 'oj cutquec qui meltzj pax jun 'ejm xo, yic tzqui nan qui b'a? Yujto a yic tzqui'nec 'el qui nab'en 'a 'a, tzyal 'el'chi, caw an̈ wan ca'nec 'och Yunnal Dios 'a spenc culs jun 'ejm xo. Wan ca'nec sq'uixwloc 'a sat eb' 'anma'.

Chuj San Mateo Bible

⁶ Yuj chi', tato ay mach syiq'uel sb'a d'a Cristo, maxtzac yal smeltzaj junelxo yic sna sb'a. Yujto ayic smeltzaj d'a spatic, syalelc'ochi to a val lac'an van yac'anoch Yuninal Dios d'a spenec te' culus junelxo. Van yac'an q'uixvelal sb'a d'a yichan̈ eb' anima.

A Ch'an̈ Carta D'a Eb' Hebreo 6:6 ပူးပေါင်းရင်းမြစ်များ

Salmos 51:10

Ach in Diosal, a wal junc nab'en caw wach' a tzac' 'ayin. Tza'n 'a'tb'oc wespíritu sec yiclum in 'ayach.

Is 1:28

palta ax eb' tenmtac, eb' 'ajmul yet' eb' tzin 'actn cani, 'oj cham pax eb'.

Mt 19:26

Yuj cha, 'ix 'och q'ueln Jesús 'a eb', 'ix yaln 'ixtic: —A jun tic may junc 'anma tztac' yu'uj. Palta cojn Dios tztac' yu'uj, yujto tzta'n̈j yuj smasnil, xchi 'a eb'.

Lc 11:48

Yuj cha, a yic tze b'on jun tzo'n̈ cha, tze ch'oxni 'eli to wach' yutjnac sb'a eb' e mam eyichm chi e yalni. Yujto atn eb' miljnac cham eb' schecb' Dios cha, ax xo tzat cob' e b'o yet'l eb' chi 'a yib'an̈.

2 Ti 2:25

An̈jtona', 'emmquil tzyutj eb' yaln 'a eb' tzchichn 'och 'a 'a. Toq'ue 'oj yac' Dios sna sb'a eb', ax yojcan 'el eb' jun cuynb'il caw yel.

A Ch'an̈ Carta D'a Eb' Hebreo 10:26

A ticnec cojquec xo jun cuynb'il caw yel, palta toto munxoj wal 'a yol quico' tzon̈ meltzjec pax 'a qui patic, toto 'ixta', man̈x 'a junc xo xajmb'al tztac' ya'n lajwc qui mulec.

A Ch'an̈ Carta D'a Eb' Hebreo 10:29

Ax ticnec, toto tzqui patquilj can 'el Yunnal Dios, toto man̈x 'a yel'ch schic'l 'a qui satec, toto tzca'c sq'uixwloc Yespíritu Dios, atn jun 'ay schamc'ojlal 'ayn̈ec, toto 'ixta', ¿jantc tom wal niwn yailal 'oj qui cha 'a yib'n̈ eb' ma'ix yiclni ley yic Moisés? Yujto a schic'l Yunnal Dios cha, a 'a'jnac 'el'choc strato Dios 'ayn̈ec. Yu'uj, c'uxn x'el qui mul 'ayn̈ec.

A Ch'an̈ Carta D'a Eb' Hebreo 12:2

Ca'c 'at qui nab'en 'a Jesús, yujto a tz'a'n ca'c 'och qui c'ojl 'a 'a. Yu'uj, caw tz'acn tzcutjec ca'n 'och 'a qui c'ojol. 'Ix yab' syal 'a te culus. Ma'ix sna jab'oc toto q'uixweltac x'aj schami, yujto yojtac, a yic tzlajw yab'n syal cha, caw tzaljc'ojlal yico'. Ax ticnec, wocn 'ejm 'a sdespacho Dios 'a swach' c'ab'.

A Ch'an̈ Carta D'a Eb' Hebreo 4:14

'Ay wal jun tz'a'n 'och qui tic 'a Dios, caw niwn yel'chi, atn Jesús Yunnal. A c'ochnc 'a satcha'an̈, 'a caw stz'ey Dios. Yuj cha, yowlal caw te'n tzcutjec ca'n 'och qui c'ojl 'a 'a, yujto a 'a tzcalc qui b'a.

A Ch'an̈ Carta D'a Eb' Hebreo 6:4

An̈ec tic, 'ac'b'ilx sacq'uinl 'a qui pixnec. Tox 'ix qui chajec jun siylab' caw wach' 'a Dios, yujto cajn 'och Yespíritu 'ayn̈ junjn on̈ec.

A Schab'il Carta San Pedro 2:21

A eb' 'ixta tzyutj sb'a cha, octom wal ma'ix ya'ch xon eb' snab'en 'a jun wach' b'eyb'al tic. Toto 'ixta', wach' to wal yic eb'. Ocxo jun, xya'ch eb' snab'en 'a 'a. Ax ticnec, xyactj can pax eb' jun checnb'il yic Dios 'ac'b'il 'a eb'. Yuj cha, yel xo wal caw maysch'olnil yic eb' ticnec.

1 Jn 5:16

Q'uinloc tzeyil junc quit creyenteal to wan sb'on maysch'olnil. Toto a jun tzb'o cha, matz 'ijx 'at yuj 'a chamel, tzex leslwi yu'uj, ax Dios 'oj 'a'nc sq'uinal. Palta 'ay jun tzo'n̈ maysch'olnil tzon̈ 'i'nec 'at 'a chamel. May tas tzwal 'ayex, to tzex leslwi yuj eb' tzb'on jun tzo'n̈ cha.