A Ch'an̈ Carta D'a Eb' Hebreo 5:13 - Chuj San Sebastian Bible

¹³ A jun tzo'n̈ cuynb'il cha, 'icha lech, 'ixtan̈ej. Yuj cha, a eb' an̈ja tznib'j 'ab'noc jun tzo'n̈ cha, an̈ja lajn eb' 'icha junc tz'ulc 'unin. Ax jun tzo'n̈ cuynb'il tzalni, tas tzcutj qui tojlb'tzanec qui b'eyb'al, an̈ja mantzac nachj 'el yuj eb'.

Chuj San Mateo Bible

¹³ A juntzan̈ c'ayb'ub'al chi', icha lech, ichn̈ej ta'. Yuj chi' a eb' sgana yab'an juntzan̈ chi', an̈eja' lajan eb' icha junoc nene' unin. An̈eja' maxto nachajel yuj eb' tas scutej co tojolb'itan co b'eyb'al.

A Ch'an̈ Carta D'a Eb' Hebreo 5:13 ပူးပေါင်းရင်းမြစ်များ

Salmos 119:123

Caw tzjuw yol in sat in tan̈wni wila', b'a'n̈ tzin a col-li, ¿b'a'n̈ wal tzin a col-l 'icha yaln a paxti'?

Is 28:9

Tzyaln eb' wuj 'ixtic: ¿Mach laj tznib'j jun winc tic scuyu'? ¿Am eb' 'unn tzat 'el 'a yim?

Mt 11:25

Ax 'a jun tiempoal cha, 'ix leslwi Jesús 'ix yaln 'ixtic: —Mamin, Yajl ach 'a satcha'an̈ yet' 'a yolyib'n̈q'uinl tic. Tzwal wach' paxti 'ayach, yujto xa c'ub'j 'el jun tzo'n̈ tic 'a eb' jelan, eb' caw 'ay snab'en 'a sat eb' yit 'anma'il, ax 'a eb' 'icha 'unin, a eb' xac' 'ojcanc 'eli.

Mr 10:15

Wal yel tzwal 'ayex, a eb' matz chan Dios Syajlilc 'icha tzchaj junc 'unin, ma'oj 'och eb' 'a yol sc'ab', xchi Jesús 'a eb'.

Ro 2:20

Tze na'a, to tztac' e cuyn eb' may tas yojtac. Ax eb' mantzac nachj 'el yu'uj, tztac' eya'n nachjc 'el yuj eb' e nani. Yuj ley yic Moisés, caw tznachj 'el jun tzo'n̈ cuynb'il eyu'uj. Eyojc xo 'aj 'ay yel.

1 Co 13:11

Q'uinloc an tic ticnec, a yic 'unn in to, paxtinnacnn̈ej 'icha spaxtin eb' 'unin. In najnac jun tzo'n̈ tas 'icha tzna eb' 'unin, yujto lajn in nab'en yet' eb'. Ax ticnec, 'ichm in winc xo. Yuj cha, wactjnac can jun in b'eyb'al yic 'unnal cha. 'Icha in 'a 'unnal cha, 'ixta on̈ec qui masnil ticnec.

1 Co 14:20

Ex wu'tac, ex wanab', man̈ 'icha'oc eb' 'unin, man̈ 'ichcta tzeyutj e b'a e nan jun tzo'n̈ tic. Ax e b'eyb'al, comnoc 'icha eb' cotc 'unin, may 'aj tzb'o eb' maysch'olnil, 'ichcta tzeyutj e b'a. Ax e nab'en, caw te'n tzeyutej, yujto man̈ ex 'unnoc.

1 Co 3:1

Ex wu'tac, ex wanab', yic wec' 'a e cal, ma'ix stac' waln 'ayx 'icha tzwutj waln 'a eb' yiclum 'a Yespíritu Dios. Yujto mun a e nab'en tzex 'a'n mandar, 'unn ext 'a sat Cristo.

2 Co 3:9

A jun ley cha, wach'xam tzya'ch chaml 'a yib'n̈ eb' 'anma', niwn yel'chi yic sjawi. Ocxom wal jun 'ab'x tzalni, to wach'n̈ec 'a sat Dios.

Ef 4:14

Yujto tznib'ej, man̈xtoc lajn on̈ 'icha eb' 'unn c'un somchj snab'en. A ticnec, 'ay eb' lajn 'icha junc barco ton̈j tz'eytz'n 'ec' yuj 'ic', yujto ton̈j tzsomchj snab'en eb' yuj jun tzo'n̈ chuc cuynb'ilal tzalx 'a eb'. Ton̈j tz'ixtx paxti eb' yuj jun tzo'n̈ eb' jeln ya'n 'es. A eb' cha, tznib'j eb' tzon̈ yij 'at 'a junc comn b'eyb'al.

2 Ti 3:16

A Dios x'a'n tz'ib'xoc jantcn̈ej Ch'an̈ Un̈ 'aj 'aycn spaxti'. 'Ay yopiso ch'an̈ on̈ scuyni. 'Ay yopiso on̈ stenn 'och wa'an. A ch'an̈ tz'a'n b'o qui nab'en. Tzon̈ scuyn paxi, tas tzcutj qui tojlb'tzan qui b'eyb'al.

A Sb'ab'el Carta San Pedro 2:2

'Icha junc tz'ulc 'unn tznib'j yim, 'ixta cab' e nib'n jun cuynb'il yic Dios, atn jun may jac spaltail, sec 'oj 'och ste'nal e nab'en yu'uj, ax e wach' colchji.

2 Jn 1:11

Toto tze c'an swach'c'ojlal 'a yib'n̈ eb', caw locn ex yet' eb' 'a jun smaysch'olnilal cha.