A Ch'an̈ Carta D'a Eb' Hebreo 2:17 - Chuj San Sebastian Bible

¹⁷ Yuj cha, yowlal caw lajn x'aj 'icha an̈ 'anman̈n̈ec tic, sec tztac' yo'ch sc'ojl 'ayn̈ec, tojl tzyutj ya'n 'och qui ti 'a Dios. 'Ix ya'n cham sb'a xajmb'alil, yic tzyi'n 'el qui mulec.

Chuj San Mateo Bible

¹⁷ Yuj chi', yovalil lajan ix aj qued'oc a on̈ yuc'tac on̈ tic, yic vach' tz'oc' sc'ool d'ayon̈, yic pax sc'anab'ajej yopisio d'a Sat Sacerdoteal d'a yichan̈ Dios, yic a' stupanel co mul.

A Ch'an̈ Carta D'a Eb' Hebreo 2:17 ပူးပေါင်းရင်းမြစ်များ

2 Cr 29:24

Ax eb' ya'mal 'och sti eb' 'anma 'a Dios, smil cham e no', 'ix secn q'ue eb' schic'l no xajmb'al to tz'a smasnil 'a yib'n̈ yet'l xajmb'al, sec tz'ajx lajwc smul smasnil eb' israel, yujto 'ixta 'ix yutj win rey yalni.

Is 11:5

A tas tojol yet' tas yel, a chi 'oj niwtjoc yalx 'a spatic, 'icha to spichl 'oj 'ajch jun tzo'n̈ cha.

Ez 45:15

Ax pax 'a e no calnelu, a 'a cha'chb' ciente e no', ata tzeyij can 'el junjnoc no caw b'aq'uech, e no caw yax 'aj tzwa 'a sat lum lum yic chon̈b' Israel. Atn jun stzol-l tic tas tz'aj yijx 'el ofrenda 'a tas tzc'uxxi, no xajmb'al tz'a'i, no yic junc'ojlal yet' no tz'ajx stojloc mul.

Ez 45:17

Ax win yajl cha, a win tz'och 'ajcuentail ya'n tz'a no xajmb'al tz'a'i, 'ixm harina, yal uva tz'ajx ofrendail 'a yic tzpac' 'uj, 'a yic sc'ul 'iljelal, 'a yic tzjaw junjn q'uin̈ 'a chon̈b' Israel. A pax win 'oj 'a'nc no xajmb'al yic stojl mul, yet' yofrendail 'ixm trigo, no xajmb'al tz'a'i, yet' no xajmb'al yic junc'ojlal, sec tz'ajx niwnc'ojlal smul eb' israel cha.

Ez 45:20

An̈jtona', 'ixta pax tz'aj sacb'tzax watut 'a yic uque yoch jun 'uj cha, yuj eb' 'anma man̈ sc'anc sc'ojl tz'och smul, eb' matz yil yoch smul.

Dn 9:24

'Oj 'ec' 70 seman 'a yib'n eb' et israelal, yet' 'a yib'n̈ jun a chon̈b' to yicn̈ej Dios yaji, masnto 'oj lajwc 'ec' tenmtaquil yet' maysch'olnilal, ax yajx lajwc smasnil mul. Atta 'oj jawc jun tojl b'eyb'al 'a jun 'ejmn̈ej. A yic cha, 'oj 'el'choc tas 'ilb'il yuj eb' schecb' Dios 'a waychil, yet' tas alb'il can yuj eb'. 'Ixta to b'i'an, ax yajx 'och yopiso jun sic'b'il 'el yuj Dios.

Lv 14:18

Ax jacx aceite tzcant 'a yol sc'ab' winac, tzwach' sucj can q'ue 'a sjolm jun 'anma cha, sec 'ixta tz'aj yajx can lajwc smul 'a wojltac.

Lv 16:16

'Ixta wal 'oj yutc Aarón sacb'tzan jun cuarto wicn̈ej yaj in ch'ocoj, yuj smul mto yuj stenmtacl eb' eyit israelal. An̈jtona', 'ixta pax 'oj yutc sacb'tzan jun Mantiado 'aj tzin chaj in b'a eyet'oc, yujto 'ayc' eyet' 'a scal e maysch'olnilal.

Lv 6:30

Palta a junc no xajmb'al tz'ijx cot schic'l 'a yojl Mantiado 'a jun lugar to wicn̈ej yaji, yuj ya'n lajwc mul, a no cha, matz tac' schix no', yowlal tz'ajx tz'a no smasnil.

Lv 8:15

Smiln cham Moisés no', 'ix yi'n 'at jab' schic'l no yet' yune sc'ab', sb'on̈n 'och 'a sch'ac jun yet'l xajmb'al 'aych 'a schicn schan̈il, sec wach' chab'il yuj Dios. Ax jantc to chic' xcani, 'ix seccn 'ejm 'a yich yet'l xajmb'al cha. 'Ixta x'ajcn jun chi yochcn yico'oc Dios, sec wach' tz'ajx can lajwc mul.

Nm 15:25

Tzlajw cha, ax win ya'mal 'och e ti 'ayin, a win tzb'on 'och no xajmb'al chi 'a wojltac 'a 'icha sleyal, sec tz'ajx lajwc e mul. 'Oj wac' niwnc'ojlal 'a eyib'an̈, yujto man̈ sc'anc e c'ojol. Yowlal tzeyac' eyofrenda cha, yet' xajmb'al tz'a'n lajwc e mul.

Ro 15:17

Yujto 'ayx 'och in c'ojl a Cristo Jesús, yuj cha, tztac' walni, chajtlto caw 'ay yel'ch jun munljel tic tzin b'o 'a Dios.

Ro 5:10

A 'a yic yalan̈, wach'xam 'ajc'ojl cajc 'och 'a Dios, palta junc'ojlal xoj on̈ 'ajc yet'oc, yujto xcham Yunnal qui jeloc. Al ticnec, junc'ojlal xoj cajc yet'oc. Yuj cha, to caw yel 'oj qui colchjec yuj Yunnal cha, yujto pitznn̈ej.

Ef 2:16

Yujto a yic xcham Cristo 'a spenc te culus, 'ix ya'n lajwc jun owl 'a qui calec. Yuj cha, junxn̈ej cajc qui masnil ticnec. An̈jtona', yujto xchami, yuj cha, junc'ojlal xoj cajc yet' Dios ticnec.

A Scarta San Pablo D'a Eb' Aj Colosas 1:21

Ax xo, caw 'ajc'ojl eyajch 'a Dios 'a yic yalan̈. Caw tu eyutjnac e nab'en 'a sat, yujto maysch'olnil e b'eyb'al ta'. Palta ax ticnec, junc'ojlal xoj eyaj yet'oc,

A Ch'an̈ Carta D'a Eb' Hebreo 10:21

An̈ yunnaln̈ec xo Dios, 'ay jun tz'a'n 'och qui tic 'a 'a.

A Ch'an̈ Carta D'a Eb' Hebreo 2:11

An̈ec on̈ 'ochc yico'oc Dios, junn̈j qui Mamc yet' jun on̈ 'i'nec 'och yico'oc. Yuj cha, a Yunnal Dios tic, matz q'uixw on̈ yalnec yu'tacoc, mto yanb'oc.

A Ch'an̈ Carta D'a Eb' Hebreo 2:14

A eb' tz'och yunnalc Dios yet'oc, chamlb'a yaj sniwnal eb'. Yuj cha, ax Jesús, yowlal 'ix 'och pax sniwnal chamlb'ail, 'icha sniwnal eb' cha. Yuj cha, a yic xchami, 'ix ya'n lajwc yopiso jun win 'aych syajlilc chamel, atn win diablo.

A Ch'an̈ Carta D'a Eb' Hebreo 2:16

Wal yel, man̈ yujoc scoln eb' ángel swulq'ui, palta cujec an̈ yin̈tl on̈ Abraham tic.

A Ch'an̈ Carta D'a Eb' Hebreo 3:1

Ex wu'tac, ex wanab', yic ex xo Dios wet'oc, yujto a 'awtjnacn̈ec 'och yico'oc. Yuj cha, caw tze wach' 'a'j 'och e nab'en 'a Cristo Jesús, yujto schecb' Dios yaj 'ayn̈ec. An̈j tz'a'n 'och qui ti 'a jun 'aj tzcalc qui b'a.

A Ch'an̈ Carta D'a Eb' Hebreo 3:2

A Jesús, caw yiclum xyutj sb'a 'a jun 'a'jnac yopiso. 'Icha Moisés, yiclum yutjnac sb'a 'a scal smasnil eb' yunnal Dios yet'oc.

A Ch'an̈ Carta D'a Eb' Hebreo 3:5

A Moisés cha, yiclum yutjnac sb'a ya'w servil 'a scal smasnil eb' yunnal Dios yet'oc, yujto ya'mal servil Dios yaji. 'Aycto, ya'n testigoal sb'a yuj jun tzo'n̈ tas tot yaljnac Dios.

A Ch'an̈ Carta D'a Eb' Hebreo 4:14

'Ay wal jun tz'a'n 'och qui tic 'a Dios, caw niwn yel'chi, atn Jesús Yunnal. A c'ochnc 'a satcha'an̈, 'a caw stz'ey Dios. Yuj cha, yowlal caw te'n tzcutjec ca'n 'och qui c'ojl 'a 'a, yujto a 'a tzcalc qui b'a.

A Ch'an̈ Carta D'a Eb' Hebreo 4:15

A jun tz'a'n 'och qui ti 'a Dios, tztac' tz'o'ch sc'ojl 'ayn̈ec yuj may qui te'nalec, yujto caw lajn x'aj yajx prowal 'icha 'on̈c tic, palta may jun 'ejmoc 'ochnc smul.

A Ch'an̈ Carta D'a Eb' Hebreo 5:1

Junjn eb' sat ya'mal 'och sti eb' israel 'a Dios, sic'b'il 'el eb' 'a scal eb' yit 'anma'il. Tz'ajx yopiso eb' ya'n 'och sti eb' 'anma 'a Dios. Tzya'n pax eb' jun tzo'n̈ ofrenda yet' jun tzo'n̈ xajmb'al yuj smul eb' 'anma cha.

A Ch'an̈ Carta D'a Eb' Hebreo 5:10

Yujto a Dios 'a'jnac yopiso ya'n 'och qui tic 'a 'a, 'icha ya'jnac win Melquisedec 'a pecti cha.

A Ch'an̈ Carta D'a Eb' Hebreo 5:2

A eb' cha, lajn eb' 'icha eb' yit 'anma'il, yujto may pax ste'nal eb' yet' eb'. Yuj cha, tztac' niwn tzyutj eb' sc'ojl 'a eb' mantzac nachj 'el yu'uj, yet' eb' tz'em 'a spaltail.

A Ch'an̈ Carta D'a Eb' Hebreo 5:5

An̈jtona', 'ixta pax Cristo. Ma'ix scomn 'a'j 'och sb'a sat ya'malc 'och qui tic 'a Dios. Yujto a Dios 'a'jnac yopiso, 'icha yaj yaln 'ixtc 'a 'a: A 'a jun c'u tic, 'ix wac' checljoc 'eli to Wunnal ach, xchi.

A Ch'an̈ Carta D'a Eb' Hebreo 6:20

Ata b'ab'l 'ochnc Jesús, yic sjacn 'ayn̈ec. Yujto 'ac'b'il yopiso ya'n 'och qui tic 'a Dios 'a smasnil tiempo, 'icha win Melquisedec pecti'.

A Ch'an̈ Carta D'a Eb' Hebreo 7:26

Yuj cha, atn jun sat ya'mal 'och qui tic 'a Dios, caw 'ay yopiso 'ayn̈ec. Caw wach'n̈ej. May jac maysch'olnilal 'aych 'a 'a. May pax jac smul. Caw man̈ lajnoc sb'eyb'al 'icha eb' 'ajmul. Yel xo niwn yel'ch 'a yib'n̈ jantcn̈ej tas 'ay 'a satcha'an̈.

A Ch'an̈ Carta D'a Eb' Hebreo 7:28

Yuj ley yic Moisés, a eb' 'ochnc sat ya'malc 'och sti eb' quit chon̈b'ec 'a Dios, 'anman̈ej eb'. Palta a yic slajw yopiso jun ley cha, mun slocjnac Dios sb'i, yic ya'n yopiso junx sat ya'mal 'och qui ti 'a 'a, atn Yunnal. Yaljnac Dios yu'uj, chajtlto tz'acn 'a smasnil.

A Ch'an̈ Carta D'a Eb' Hebreo 8:1

Atn jun tic tzin nib'j tznachj 'el eyu'uj, chajtlto 'ixta yaj jun sat ya'mal 'och qui tic 'a Dios. A ticnec, wocn 'ejm 'a swach' c'ab' Dios 'a sdespacho 'a satcha'an̈.

A Ch'an̈ Carta D'a Eb' Hebreo 8:3

Junjn eb' sat ya'mal 'och sti eb' quit chon̈b' 'a Dios, 'ay yopiso eb' ya'n jun tzo'n̈ ofrenda 'a 'a, yet' jun tzo'n̈ xajmb'al. Yuj cha, yowlal 'ay pax tas tzyac' Jesucristo 'a Dios.

A Ch'an̈ Carta D'a Eb' Hebreo 9:11

Palta wulnc xo 'ec' Cristo ticnec. Yuj cha, atn sat ya'mal 'och qui tic 'a Dios ticnec. Caw wach' jun tzo'n̈ tas 'ac'b'il yuj 'ayn̈ec. Yujto a junx yet'l Dios 'aj tzyac' servil, caw yel xo wach', may jac spaltail. A jun cha, man̈ 'anmac b'ojnac, yujto man̈oc 'a sat lum tic 'ayq'ui.