A Ch'an̈ Carta D'a Eb' Hebreo 13:4 - Chuj San Sebastian Bible

⁴ A yic tzqui'nec qui b'a yet' quistl junjn on̈ec, 'ay cab' yel'ch jun 'ijb'al chi 'a qui satec. Yowlal cojn 'a quistl junjn on̈, cojn ta tzca'c 'och qui nab'en. Yujto a Dios 'oj b'eyc'ojlanc eb' tzb'on 'ajmulal. Wach'xam eb' 'ayx yitb'eyum, wach'xam eb' manto, 'oj 'ajxcn̈ej 'och 'a yib'n̈ eb'.

Chuj San Mateo Bible

⁴ Ayic squic'lan co b'a yed' quetb'eyum, ayocab' yelc'och jun ic'lajb'ail chi' d'ayon̈. Yovalil an̈ej d'a quetb'eyum junjun on̈ scac'och co pensar. Yujto a Dios ol ch'olb'itan eb' tz'em d'a ajmulal, ol ac'jocb'at d'a yib'an̈ eb'.

A Ch'an̈ Carta D'a Eb' Hebreo 13:4 ပူးပေါင်းရင်းမြစ်များ

Gn 2:21

Xlajw cha, xya'n cot Jehová Dios jun niwquil wayn̈ 'a yib'n̈ winac yic chamnc win swayi. 'Ix yi'n 'elt Dios jun sb'acl scostl winac, xlajw cha, 'ix smacn can pax 'aj xyij 'elt cha.

Gn 2:24

Yuj cha, a eb' winac, yowlal tzyactj can eb' smam snun, sec junxn̈ej tz'ajcn eb' yet' yistzil, 'icha wal to junxn̈ej niwnal tz'ajcn eb' schawn̈il.

A Ch'an̈ Schab'il Libro Yic Yab'ixal Eb' Rey 22:14

Xlajw cha, 'ix 'at Hilcías chi yet' eb' tic, atn Ahicam, Acbor, Safán, yet' Asaías yic tz'at sc'umnoc eb' 'ix schecb' Dios, atn 'ix Huldá yistzil Salum, win yunnal Ticva, yixchicn Harhas. A Salum cha, a scuenta smoln pichl 'a yatut Jehová. Ax 'ix Hulda cha, ata cajn 'ix 'a jun macn xo q'ue'ch chon̈b' tot b'onc 'a Jerusalén cha. A yic 'ix paxtin eb' 'a 'ix,

Job 31:12

Toto 'ixta', jaw cab' in yailal chi 'icha junc niwquil c'ac' tzsatn 'el smasnil tas, 'ixta cab' tzyutj satn 'el smasnil tas 'ay 'ayin.

Is 8:3

Xlajw cha, in way yet' 'ix wistzil atn 'ix yalmal 'el spaxti Dios, scuchn can chan̈ 'ix yune'. Ax yic x'alj jun 'unn cha, 'ix yaln Jehová 'ixtc 'ayin: A win 'unn tic, Maher-salal-hasbaz tzac' sb'ioc.

Lv 15:18

Toto 'ay junc winac, 'ay tas tzb'o yet' junc 'ix 'ix, yowlal tz'achn eb' schawn̈il, palta mant wach'c eb' masnto yic tzq'uic'b' 'ejmi.

Lv 18:20

May cab' mach tzb'on 'ajmulal yet' yistzil junc xo yit wincal, sec wach' matz 'och smul yuj jun cha.

Malaquías 3:5

An Jehová tztac' wuj smasnil, an tzwal 'ixtic: 'Oj in jaw 'a e cal wul ex in b'eyc'ojloc. An wal 'oj wac' testigoal in b'a yuj jun tzo'n̈ eb' tic: atn eb' 'ajchum, eb' tzb'on 'ajmulal, eb' tz'a'n 'es, eb' man̈ tz'acnoc tzyutj stojn smajan, eb' tz'ixtn eb' 'ix chamnc yichmil yet' eb' meb'a 'unn chamnc smam, eb' matz b'onyaj eb' chuc chon̈b'al, yet' pax smasnil eb' may jac wel'ch 'a sat.

1 Co 6:18

Yuj cha, caw tzeyij 'el e b'a 'a 'ajmulal. Yujto tzann̈j jun tzo'n̈ xo maysch'olnil tzb'o eb' 'anma', man̈oc sniwnal eb' tzmulni. Palta a mach tzb'on 'ajmulal cha, caw a 'a sniwnal chi tz'och smul.

1 Co 6:9

¿Tom mant eyojcoc, to a eb' man̈ tojloc tzyutj sb'a, may yaln eb' yic sc'och 'a yol sc'ab' Dios? Caw man̈ e cha 'ixtxoc paxti e b'a. Yujto a eb' 'oj wal tic, may xon jac yaln eb' yic sc'och 'a yol sc'ab' Dios. A eb' mant 'a yistzil tzcomn b'on 'ajmulal, yet' eb' tzyal sb'a 'a jun tzo'n̈ tzalx 'och diosal, eb' 'ayx yistzil tzb'on 'ajmulal, eb' tzyixtj sb'a yet' eb' yit wincal.

1 Co 7:38

Yuj cha, a eb' tzya'ch yichmil yisil, wach' chi tzb'o eb'. Ax eb' matz ya'ch yichmil yisil, yel xo wach' pax yic eb'.

1 Co 9:5

Q'uinloc 'ay junc canb'ec tz'och wistloc, 'ay waln wic wi'n 'at 'a 'aj tzin 'eq'ui. Yujto 'ixta tzyutj sb'a jun tzo'n̈ xo eb' schecb' Cajlilec, yet' eb' yu'tac Cajlilec cha, yet' pax Pedro.

2 Co 5:10

Yujto yowlal 'oj qui c'ochc 'a yojltac sdespacho Cristo, sec junjn on̈ec, 'oj qui chac spac tastc tzqui b'o'o, yic 'ayn̈ect 'ec' 'a jun qui niwnalec tic. A tzyala, toto wach' tzqui b'o'o, mto maysch'olnil.

Gl 5:19

A eb' tzb'eylb'an stu nab'enal, caw checl yaj tas tzb'o eb'. Tzb'o eb' 'ajmulal, tzb'on eb' jun tzo'n̈ maysch'olnil yet' sniwnal. An̈j wal jun tzo'n̈ tas caw q'uixweltac tzlaj sb'o eb'.

Gl 5:21

Tznib'n 'och eb' tastc 'ay 'a junc xo mach. 'U'm 'an̈ eb'. Toxn̈ej tzlaj b'uylji eb'. Tzb'on pax eb' jun tzo'n̈ xo lajn yet' jun tzo'n̈ tic. Tzwalb't 'ayx ticnec, 'icha wutjnac waln 'ayx 'a jun 'el, a eb' tzb'on jun tzo'n̈ tzwal tic, toxn may xon yaln eb' yic sc'och 'a yol sc'ab' Dios.

Ef 5:5

Cojquec xo, to a eb' tzb'on 'ajmulal, yet' eb' tzb'on tzann̈j junc maysch'olnil yet' sniwnal, yet' eb' tznib'n 'och ricoal, may xon yaln eb' yic yoch 'a yol sc'ab' Cristo, yet' 'a yol sc'ab' Dios. Toto tzqui nib'jec 'och ricoal, a 'a sat Dios, wan ca'nec 'och jun chi qui diosaloc.

Dt 22:22

Toto 'ay junc winc tz'ilchj eyu'uj, to wan smuln yet' junc 'ix 'ix 'ay yichmil, tojln̈ej scham eb' schawn̈il. 'Ixta wal 'oj 'aj satl jun maysch'olnil chi 'a e cal.

1 Ts 4:6

Caw man̈ quixtquec junc eb' quit creyenteal yet' jun tzo'n̈ tic. Xcham wal 'ec' calnc 'ayx on̈, toto 'ay eb' tzb'on jun tzo'n̈ maysch'olnil tic, caw 'oj yac' Dios syailal eb'.

1 Ti 3:12

A eb' diácono cha, yowlal junn̈j yistl junjn eb'. Caw wach' cab' tzyutj eb' ya'n cuenta sb'a 'a yol yatut.

1 Ti 3:2

'Oj wala', tas yowlal tzb'eylb'ej eb' tz'och yopiso cha. Yowlal wach' sb'eyb'al eb' sec matz tac' yajx queja eb'. Yowlal junn̈j yistl junjn eb'. Yowlal caw te'n tzyutj eb' snab'en, tzya'n cuenta sb'a eb'. Yowlal wach' tzyutj eb' sb'eyb'al 'a sat eb' yit 'anma'il, 'ela tzyutj sb'a eb' 'a eb' tzlaj 'ec' 'a 'a. Yowlal wach' tzyutj eb' scuyn eb' yit creyenteal.

1 Ti 3:4

Yowlal caw wach' tzyutj eb' ya'n cuenta sb'a 'a yol yatut, sec wach' yiclum tzyutj sb'a yunnal eb' 'a 'a, sec 'ay yel'ch eb' 'a sat eb' yunnal cha.

1 Ti 4:3

'Oj cob' yal eb' 'ixtic: Caw 'ay yowlal, toto tz'och quistzil. 'Ay pax jun tzo'n̈ tas tzc'uxx to 'ay yowlal qui c'uxni, 'oj schic cob' eb'. Palta a Dios tzb'on smasnil jun tzo'n̈ cha, sec a tzqui c'uxc an̈ creyente on̈c tic, tzca'nec yuj diosal 'a Dios yu'uj, yujto cojquec xo jun cuynb'il caw yel.

1 Ti 5:14

Yuj cha, tzin nib'ej a eb' cob'stac 'ix chamnc yichmil, wach' tzya'ch eb' yichmil jun 'ejm xo. 'Unewoc cab' eb', munlj cab' eb' 'a yol yatut. Toto 'ixta tzyutj sb'a eb', ax eb' 'ajc'ojl yajch 'ayon̈, matz tac' sb'uchwj eb' 'ayn̈ yuj eb' 'ix.

Tito 1:6

Tic 'oj walb't 'ayach, tas yowlal tzb'eylb'ej eb' tz'och ancianoal cha. Yowlal wach' sb'eyb'al eb' sec matz tac' yajx queja eb'. Yowlal junn̈j yistl junjn eb'. Ax yunnal eb', yowlal creyente cab' eb' smasnil, man̈ comnoc tzb'o eb' 'unnab'il chi maysch'olnil, man̈ tenmtacc tzyutj sb'a eb', yiclum cab' tzyutj sb'a eb' 'a smam snun cha.

A Ch'an̈ Carta D'a Eb' Hebreo 12:16

Yowlal may junc ex tze b'o 'ajmulal. May ex cab' tzeyij 'el e nab'en 'a Dios, 'icha yutjnac sb'a win Esaú. A win cha, b'ab'l 'unin. Yuj cha, 'ay yaln yic schan jun tzo'n̈ tas 'a smam. Palta schon̈cn 'el jun tzo'n̈ 'aj 'ay yaln yic schan cha. 'Ix schan jun schib'l wal stojloc.

Apoc 22:15

Palta 'ay pax jun tzo'n̈ eb' ma'oj stac' yochi. Atn eb' tu snab'en, 'icha junc tz'i', yet' eb' 'ajchum, eb' tzb'on 'ajmulal, eb' milm cham 'anma', eb' tzyal sb'a 'a jun tzo'n̈ yechl tzalx 'och diosal, yet' jantcn̈ej eb' 'aych snab'en 'a jun tzo'n̈ 'es, tzlaj yalnc pax eb' 'es cha. Atn eb' tic, ma'oj stac' yochi.