A Ch'an̈ Carta D'a Eb' Hebreo 13:20 - Chuj San Sebastian Bible

²⁰ A Dios 'a'm junc'ojlal. A 'a'jnac pitzwc pax Cajlil Jesucristo 'a scal eb' chamnac. A Jesucristo, 'icha 'Ilm Calnelu yaj 'ayn̈ec, caw niwn yel'chi. Yuj schiq'uil, 'ix 'el'ch jun strato Dios 'aycn 'a jun 'ejmn̈ej.

Chuj San Mateo Bible

²⁰ A Dios tz'ac'an junc'olal, aton jun ac'jinac pitzvocxi Cajal Jesucristo d'a scal eb' chamnac. A Jesucristo, icha yaj vin̈ Tan̈vum Calnel, icha chi' yaj d'ayon̈, te nivan yelc'ochi. Yuj schiq'uil ix elc'och jun strato Dios yac'nac d'ayon̈ d'a juneln̈ej.

A Ch'an̈ Carta D'a Eb' Hebreo 13:20 ပူးပေါင်းရင်းမြစ်များ

A Ch'an̈ Schab'l Libro Samuel 23:5

'Ixtnta pax 'oj yutc Dios ya'n swach'c'ojlal 'a yib'n̈ eb' win̈til, 'ix sb'o jun strato wet' 'a jun 'ejmn̈ej, tojl yaj smasnil tas yu'uj, caw wach' yaji. A tz'a'n wac' ganar smasnil, a tz'a'n 'el'chc pax smasnil tas tzin nib'ej.

1 Cr 16:17

Ley x'ajcn jun tic 'a Jacob, a jun trato tic jun 'ejmn̈ej xcan 'a qui calec,

2 Cr 30:12

A eb' 'anma 'aj Judá, a Dios 'ix 'a'n sna eb' to tojl tzyutj eb' snab'en, sec tzyiclj eb' checnb'il xyal win rey yet' eb' yajl yaj yet'oc, a tzyal tas 'ix yutj Jehová yalni.

Salmos 23:1

Mamin Jehová Wilmal aji. 'Icha junc 'ilm calnelu 'ixta aj 'ayin, yuj cha, may tas tzyac' palta 'ayin.

Salmos 80:1

Ach quilmal an̈ israel on̈ tic, ach 'aych 'och yilmalc eb' yin̈tl José, eb' 'icha a calnelu yaji, 'aych 'ec' 'a a despacho 'a snan̈l eb' querubín, 'ab' wal tas tzwala.

Ex 24:8

Xlajw cha, xyi'n cot Moisés jun chic' 'ay 'ejm 'a yol yet'ul, stzicn 'at 'a yib'n̈ eb' 'anma cha, 'ix yaln 'ixtic: —A schic'l no noc' tic, a tz'a'n 'och yip strato Jehová sb'o quet'ec, atn wal jun tic tz'ochcn yipnub'alc smasnil jun tzo'n̈ paxti tic, xchi Moisés.

Is 40:11

'Oj jawc 'icha junc 'ilm calnelu to xajn scalnelu yu'uj, tzme'n b'eyc'oc no cotc calnelu chi 'a sn̈i sc'ojol, ax no nun calnelu tot 'aljnac yune', caw tztan̈wx no yu'uj. 'Ixta yaj Jehová quet'ec.

Is 55:3

Cotn̈ec 'ayin, tzcham wal e maclni eyab' tas 'oj wala', tzeyiclni, sec 'ay e q'uinal. 'Oj in b'ox in trato eyet' 'a jun 'ejmn̈ej, ax wa'n 'el'choc in wach'c'ojlal 'aj wa'jnac in ti wa'n 'a rey David.

Is 61:8

A Jehová a tzaln 'ixtic: A tojlal a chi tzin nib'ej, chacb'il 'el eb' 'elc'm wu'uj yet' eb' milm cham 'anma'. Caw yel 'oj wac' 'el'choc tas tzwala, to 'oj wac' spac eyico', ax in b'on pax in trato eyet' 'a jun 'ejmn̈ej.

Is 63:11

Yuj cha, snan cot eb' schon̈b' Dios chi tas ujnc 'a pecti', 'a yol stiempoal Moisés win schecb' Jehová. 'Ix laj yal-lanc eb' 'a 'ixtic: ¿'Ajtil 'ay jun Dios xcoln 'el eb' quit chon̈b' 'a yol a mar yet' eb' yilmal eb' yaji? ¿'Ajtil 'ay jun Dios to caw a Yespíritu xya'ch 'a scal eb'?

Jeremías 32:40

'Oj in b'o jun in trato yet' eb' 'a jun 'ejmn̈ej, to man̈x b'a'n̈ 'oj woch wan in b'on tas wach' 'a eb'. 'Oj wa'ch in b'a 'a snab'en eb' yic wach' caw 'ay wel'ch 'a sat eb', sec man̈x 'a b'a'n̈ 'oj yi'l sb'a eb' 'a in tz'ey.

Ez 34:23

An 'oj in sic' 'elt junc yilmal eb' in chon̈b' 'a scal eb' yin̈tl David, 'oj wac' yopiso stan̈wni eb' in chon̈b' 'icha tzyac' junc 'ilm calnelu.

Ez 37:24

Ax jun yin̈tl in checb' David, a 'oj 'och e reyloc. A 'oj e tan̈wni e masnil, sec wach' 'oj eyutc eyiclni in checnb'il yet' in ley.

Ez 37:26

'Oj in b'o in trato eyet' 'a jun 'ejmn̈ej, ax e can 'a tzaljc'ojlal 'a jun lugar cha. 'Oj wac' q'uib' e b'isl 'a smasnil tiempo, ax wa'n b'ox watut 'aj 'oj waj cajn 'a e cal.

Zacarías 9:11

Ex 'aj Jerusalén, yuj wal schic'l jun xajmb'al, yuj cha, wach' yaj in trato eyet'oc, 'oj ex wic' q'uet 'a yojl jun oln caw xab' yich 'aj may a a', 'aj preso eyaji.

Mt 26:28

Yujto a jun tic in chiq'uil. Yuj in chic'l tic, 'oj 'el'choc jun strato Dios tzat yac' 'ayex. 'Oj 'elcn in chic'l tic, sec wach' til wal mach 'oj 'ajxoc can lajwc smul yu'uj.

Mr 14:24

'Ix yaln pax 'a eb' 'ixtic: —Atn jun tic in chiq'uil, yu'uj, 'oj 'el'choc jun strato Dios tzat yac' 'ayex. 'Oj 'elcn in chic'l tic sec wach' til wal mach 'oj colchjoc yu'uj.

Lc 22:20

Xlajw swa eb', 'ixta xyutj pax jun vaso. 'Ix yaln 'ixtc 'a eb': —A tas 'ay 'a yol jun vaso tic, sch'oxnb'il jun yac' trato Dios. Yuj in chiq'uil, 'oj 'el'choc, yujto 'oj 'elcn eyu'uj.

Jn 10:11

An tic, lajn in yet' junc 'ilm calnelu caw wach'. A junc 'ilm calnelu wach', 'ay sgana tzyac' cham sb'a yuj no calnelu cha.

Jn 10:14

An tic, lajn in yet' junc 'ilm calnelu caw wach'. Ax eb' 'anma to yajnacx 'och sc'ojl 'ayin, 'icha in calnelu yaj eb'. A 'in Mam, yojc in. An̈jtona 'in, wojc pax in Mam cha. 'Icha wojc in b'a yet' in Mam cha, 'ixta wojc in b'a yet' eb' wic jun xo. 'Oj wac' cham in b'a yuj eb' wic cha.

A Tas Sc'ulejnac Eb' Schecab' Jesús Hechos 13:30

Palta a Dios x'a'n pitzwc pax 'a scal eb' chamnac.

A Tas Sc'ulejnac Eb' Schecab' Jesús Hechos 17:31

Yujto yaljnac cani, to 'ay jun c'ual 'oj sb'eyc'ojloc smasnil 'anma'. Tojl 'oj yutc sb'eyc'ojlani, a tzyala tas tzb'o junjn mach. Ax jun sic'b'il can 'el yuj Dios, atn 'oj b'eyc'ojlanc eb'. 'Ix ch'ox Dios 'a smasnil 'anma', to caw yel jun tic, yic 'ix ya'n pitzwc pax jun mach sic'b'il 'el chi 'a scal eb' chamnac, xchi Pablo 'a eb'.

A Tas Sc'ulejnac Eb' Schecab' Jesús Hechos 2:24

Palta a Dios 'ix 'a'n pitzwc paxi. 'Ix yac' ganar Jesús spitzw paxi, yujto may yel'ch chaml 'a 'a.

A Tas Sc'ulejnac Eb' Schecab' Jesús Hechos 2:32

A Jesús tic, a Dios x'a'n pitzwc paxi. Qui masnil on̈, tzca'ch qui b'a testigoal yuj jun tic, yujto xquil on̈.

A Tas Sc'ulejnac Eb' Schecab' Jesús Hechos 3:15

'Ixta xeyutj eya'n milxc cham jun tz'a'n q'uinal. Palta a Dios 'ix 'a'n pitzwc pax 'a scal eb' chamnac. A jun tic, caw tzca'ch qui b'a testigoal yuj on̈.

A Tas Sc'ulejnac Eb' Schecab' Jesús Hechos 4:10

Yuj cha, a jun tic 'oj cal 'ayx on̈, sec 'oj yojcoc pax 'el smasnil eb' quit israelalec. A win xjaw 'a eyojltac tic, yujn̈ej spoder Jesucristo 'aj Nazaret, 'ix b'o winac. Atn Jesucristo tic xeyac' 'ajxc 'och 'a spenc culus. Palta ax Dios x'a'n pitzwc pax 'a scal eb' chamnac.

A Tas Sc'ulejnac Eb' Schecab' Jesús Hechos 5:30

Ax tic, xeyac' milxoc cham Jesús, yic xeya'n t'un̈x q'ue 'a jun te culus. Palta a Dios, atn 'aj yaljnac sb'a eb' qui mam quichmec, a x'a'n pitzwc pax 'a scal eb' chamnac.

Ro 1:4

Ax Yespíritu Dios, a ch'oxni to yel Yunnal Dios, to caw 'ay spoder, yujto 'ix 'ajx pitzwc 'a scal eb' chamnac.

Ro 10:7

Tzyaln pax 'ixtic: Man̈ e na', ¿mach wal junc 'oj 'ejmc 'a yol lu'um? xchi. Tzyal 'el'chi, man̈ e na', mach tz'at 'i'nc q'uet Cristo 'a scal eb' chamnac.

Ro 15:33

A Dios 'a'm junc'ojlal, tzin nib'ej a tz'och eyet' e masnil ta'. 'Ixta cab' tz'aji.

Ro 16:20

A Dios 'a'm junc'ojlal, a 'oj 'a'nc e tec' 'ejm win Satanás muc'uc, caw 'oj can win 'a yaln̈ eyu'uj. Tzin nib'j tzyac' Cajlil Jesucristo swach'c'ojlal 'ayx ta'.

Ro 8:11

A Dios a 'a'jnac pitzwc pax Jesús 'a scal eb' chamnac. Toto a Yespíritu Dios chi 'aych 'ayn̈ec, atn jun 'a'jnac pitzwc pax Cristo cha, 'oj yac' pitzwc pax qui niwnalec yic chaml yaj tic, yujto a 'aych 'ayn̈ec.

1 Co 14:33

Toto ton̈j tzon̈ somljiec calni, man̈oc 'a Dios tzcot jun cha. Yujto tznib'ej, sictac tzon̈ 'ajec. A sb'eyb'al eb' creyente 'a junjn iglesia, caw sictac tz'aj eb' 'ix 'ix.

1 Co 15:15

To 'ixta', an̈ xo tic on̈, xcac' 'es 'a spatquil Dios on̈, yujto xcal-l on̈, to a Dios 'ix 'a'n pitzwc pax Cristo. Q'uinloc ma'oj pitzwc pax eb' chamnc 'icha tzeyal jaywn̈ ex cha. To 'ixta', ma'ix yac' Dios pitzwc pax Cristo cha.

1 Co 6:14

Yuj cha, 'icha yutjnac Dios ya'n pitzwc pax Cajlil, 'ixta 'oj on̈ yutquec on̈ ya'nec pax pitzwc yet' spoder jun xo.

2 Co 13:11

Al ticnec ex wu'tac, ex wanab', 'ay cab' e tzaljc'ojlal ta'. Caw tze wach' b'oj e nab'en, 'ayx cab' e niwnc'ojlal. Junxn̈ej tzlaj eyutc e nab'en, junc'ojlal xoj tzlaj eyutc e b'a ta'. A Dios, 'a'm junc'ojlal, 'a'm pax chamc'ojlal, a 'oj 'och eyet'oc.

2 Co 4:14

Cojc on̈, a Dios 'a'jnac pitzwc pax Cajlil Jesús 'a scal eb' chamnac, a 'oj ca'n pax pitzwc on̈, yujto yic on̈ Jesús on̈. 'Oj e pitzw pax quet' on̈, ax on̈ yi'nec 'at 'a 'aj 'ayc' cha.

Gl 1:1

An Pablo in tic, schecb' in Jesucristo. Man̈oc junc 'anma 'ayn schecab'. An̈jtona', man̈oc junc 'anma 'a'jnac wopiso tic. Atn Jesucristo 'a'jnac wopiso yet' qui Mam Dios. A 'a'jnac pitzwc pax Jesucristo 'a scal eb' chamnac.

Ef 1:20

yic ya'n pitzwc pax Cristo 'a scal eb' chamnac, yic ya'n 'ejm wocn 'a swach' c'ab' 'a satcha'an̈.

A Scarta San Pablo D'a Eb' Aj Filipos 4:9

Caw tze b'eylb'ej jun tzo'n̈ cuynb'il, yet' jun tzo'n̈ xo tas xeyab' 'ayin. Jantcn̈ej tas eyab'jnac 'ayin, yet' tas eyiljnac, a chi tze b'eylb'ej. Toto 'ixta tzeyutj e b'a, ax Dios 'oj 'och eyet'oc. Atn Dios tz'a'n qui junc'ojlalec.

A Scarta San Pablo D'a Eb' Aj Colosas 2:12

A yic on̈ 'ajxec bautisar, junn̈j on̈ 'ajc qui mucx yet' Cristo 'a sat Dios. An̈jtona', pitzwnacn̈ec pax yet'oc, yujto tzca'c 'och qui c'ojl 'a spoder Dios. Yuj spoder cha, 'ix pitzw pax Cristo 'a scal eb' chamnac.

1 Ts 1:10

An̈jtona', tzyaln pax eb', chajtlto wan e tan̈wni yemx wul Yunnal Dios 'a satcha'an̈, atn Jesús. A Dios, 'a'jnac pitzwc pax 'a scal eb' chamnac. Atn tzon̈ colnec can 'el 'a yol sc'ab' jun niwn yailal 'oj jawc yuj yowl sc'ojl Dios.

1 Ts 5:23

A Dios 'a'm junc'ojlal. Tzqui nib'j on̈, a tzex wach' 'i'n 'och yico'oc si'mb'il. Tzqui nib'j pax on̈, a tz'a'n cuenta e pixan, e nab'en, yet' pax e niwnal, sec may jac e mul ax sjaw Cajlil Jesucristo.

2 Ts 3:16

A Cajlilec 'a'm junc'ojlal. Tzin nib'ej, c'uxn tzyac' sjunc'ojlal 'ayx 'a smasnil tiempo. 'Och cab' eyet' e masnil ta'.

A Ch'an̈ Carta D'a Eb' Hebreo 10:22

Yuj cha, 'a smasnil qui c'ojol, tzqui nitznec 'och qui b'a 'a stz'ey Dios. Caw ca'c 'och wal qui c'ojl 'a si'mb'il. Yujto sacb'tzab'ilx qui pixnec yu'uj, sec man̈x 'a maysch'olnil 'aych 'a qui nab'enec. Ax qui niwnalec, b'icb'ilx yuj jun a a caw ya'ax.

A Ch'an̈ Carta D'a Eb' Hebreo 10:29

Ax ticnec, toto tzqui patquilj can 'el Yunnal Dios, toto man̈x 'a yel'ch schic'l 'a qui satec, toto tzca'c sq'uixwloc Yespíritu Dios, atn jun 'ay schamc'ojlal 'ayn̈ec, toto 'ixta', ¿jantc tom wal niwn yailal 'oj qui cha 'a yib'n̈ eb' ma'ix yiclni ley yic Moisés? Yujto a schic'l Yunnal Dios cha, a 'a'jnac 'el'choc strato Dios 'ayn̈ec. Yu'uj, c'uxn x'el qui mul 'ayn̈ec.

A Ch'an̈ Carta D'a Eb' Hebreo 9:20

Xlajw cha, xyaln 'el 'a scal eb' 'ixtic: A jun chic' tic, a tz'a'n 'el'choc jun strato Dios tzyac' 'ayn̈ec, xchi.

A Sb'ab'el Carta San Pedro 1:21

Yuj Cristo, tzca'nec 'och Dios 'a qui c'ojl ticnec, yujto a 'a'jnac pitzwc pax 'a scal eb' chamnac. Caw niwn x'aj 'el'ch yu'uj. Yuj wal cha, caw ca'c 'och Dios 'a qui c'ojol, tzca'nec pax 'och yipc qui c'ojol.

A Sb'ab'el Carta San Pedro 2:25

A 'a yic yalan̈, lajn on̈c 'icha jun tzo'n̈ calnelu pucnc can 'ati. Palta ax ticnec, on̈ meltzjec cot 'a Quilmalec, atn jun tzon̈ tan̈wniec.

A Sb'ab'el Carta San Pedro 5:4

Toto 'ixta tzeyutj e b'a, ax yic 'oj jawc jun Quilmalec Niwn Yel'chi, 'oj e cha jun spac caw niwn swach'il. A jun cha, may b'a'n̈ 'oj lajwoc.