A Ch'an̈ Carta D'a Eb' Hebreo 12:9 - Chuj San Sebastian Bible

⁹ A yic tzon̈ ya'n cuenta eb' qui mam 'a yolyib'n̈q'uinl tic, 'ay yel'ch eb' 'a qui satec. Yuj cha, yel xo caw yiclum tzcutjec qui b'a 'a junx qui Mamc 'a 'esal, sec 'oj qui chac qui q'uinl 'a jun 'ejmn̈ej.

Chuj San Mateo Bible

⁹ Naec val jun tic: Ayic yunetac on̈to, tzon̈ mac'ji yuj co mam co nun, yuj chi' sco c'anab'ajej eb', ocxom ticnaic, ¿tom man̈ ol co c'anab'ajej Dios yuj co yaelal syac'a', yic sco cha co q'uinal d'a juneln̈ej?

A Ch'an̈ Carta D'a Eb' Hebreo 12:9 ပူးပေါင်းရင်းမြစ်များ

Job 12:10

yujto yol sc'ab'n̈ej 'ay sq'uinl smasnil tas pitzan. A tz'a'n sq'uinl smasnil 'anma'.

Ex 20:12

'Ay cab' yel'ch e mam e nun 'a e sat, sec wach' 'oj najtxb'oc e q'uinl 'a sat lum lum tzwac' 'ayex.

Pr 30:17

A mach tzpatquiln can 'el smam, matz yiclj xon tas tzyal snun, smoj wal yijx 'elt yol sat yuj no joj, ax no 'usj tzchin sniwnal.

Ec 12:7

A yic 'oj lajwc c'och jab' qui q'uinlec tic, ax qui niwnalec 'oj meltzjoc can pax 'och poccal 'a sat lum tic, 'icha xon yaj 'a yic yaln̈taxi; ax qui pixnec, 'oj meltzjoc can pax 'a Dios, yujto a 'a'jnac 'ayn̈ec.

Is 38:16

Mamin, yujn̈ej tas tza b'o'o, yuj cha 'ay sq'uinl smasnil 'anma'; locn in 'ay pax in q'uinl yet' eb'. Ach 'ix ac' in tzatzl Mamin, yuj cha, pitzn in ticnec.

Is 42:5

A Jehová Dios 'ix b'on satcha'an̈, xlajw cha, 'ix sjen̈n 'ati. A 'ix b'on lum lu'um, yet' smasnil tas tzpac' 'a sat lu'um, a tz'a'n qui q'uinl an̈ 'anman̈ec tic, tzya'n pax qui'c quic', tzyaln 'a jun schecb' chi 'ixtic:

Is 45:10

An̈jtona', tom smoj yaln junc 'unnab'il 'a smam snun 'ixtic: ¿Tas yuj 'ixtc eyutjnacn e b'oni? tom xchi.

Is 57:16

Man̈x 'oj wowx 'och 'a eb' in chon̈b' tic, man̈x 'oj cot wowl 'a eb' 'a smasnil tiempo, toq'ue laj 'oj schab'c'ojloc pax sb'a eb', atn eb' 'anma b'ob'il wu'uj.

Ez 22:7

Tzchacl eb' 'anma chi smam snun. A eb' chuc chon̈b'al cajn 'ec' 'a scal eb', caw tz'ixtx eb' yuj eb'. Tz'ixtx eb' meb'a 'unn chamnc smam yet' eb' 'ix 'ix chamnc yichmil.

Lv 19:3

Yiclum tzeyutj e b'a junjn ex 'a e mam e nun. Tzeyiclj sc'ul 'iljelal, an Jehová e Diosal in, an tzwala.

Zacarías 12:1

A Jehová a b'ojnac satcha'an̈, sb'on 'ejm yipnub'al yich lum lum tic, a tz'a'n sq'uinl eb' 'anma', a tzaln 'ixtc yuj chon̈b' Israel:

Malaquías 1:6

A Jehová tztac' yuj smasnil, a tzaln 'ixtc 'a eb' ya'mal 'och sti eb' 'anma': A eb' 'unnab'il 'ay yel'ch smam snun eb' 'a sat, an̈jtona eb' checab', 'ay yel'ch spatron̈ eb' 'a sat. An xo pax an tic, Mamb'il waj 'ayex, Eyajl pax waji, palta 'in may wel'ch 'a e sat. Caw tzin e patquilj can 'eli. Tzeyaln to cob' 'ixtic: ¿Tas wal tzach cutj ach qui patquiln can 'eli? xe chi.

Nm 16:22

A yic xyab'n Moisés yet' Aarón jun paxti cha, 'ix 'em n̈ojn eb' 'a sat lu'um, 'ix yaln eb' 'ixtic: —Mamin, ach ton wal tzac' sq'uinl smasnil 'anma', ¿tom tztac' scot owl 'a yib'n̈ smasnil eb' a chon̈b' tic yuj smul junc win winac? xchi eb'.

Nm 27:16

Mamin Jehová, ach tzac' sq'uinl smasnil 'anma', yuj cha, a ticnec, sic' 'elt junc mach tz'och syajlilc eb' a chon̈b' tic,

Lc 18:2

'Ix yaln 'ixtc 'a eb': —A 'a jun 'el, 'ay jun win juez 'a jun chon̈ab'. May yel'ch Dios 'a sat winac, may pax yel'ch eb' 'anma 'a 'a.

Lc 18:4

Palta matz yal sc'ojl win tzb'oyaj 'ix, yuj cha, niwn tiempo x'eq'ui. Palta c'ojnc'ojnil sna winac, xyaln win 'ixtic: Wach'xam may yel'ch Dios 'a in sat; may pax yel'ch junc 'anma 'ayin,

Jn 3:6

A eb' tz'alj 'a snun, 'anman̈ej eb'. Palta ax eb' tz'alj pax yuj Yespíritu Dios, espíritu tz'aj 'el'ch eb'.

A Tas Sc'ulejnac Eb' Schecab' Jesús Hechos 2:30

Palta a win David cha, 'ac'b'il yopiso yaln cani, tastc 'oj jawoc. Yojtac, to caw yel, ya'jnac can Dios sti 'a 'a, chajtlto a Cristo 'oj 'elcn yin̈tloc, ax yochcn reyl sjelc winac.

Ro 1:3

A jun wach' 'ab'x tic, atn yab'xil Cajlil Jesucristo, Yunnal Dios. A yic yalj Jesucristo, yin̈tl win rey David x'ajcni. Yuj cha, chequel to 'ochnc 'anma'il.

Ro 9:3

Q'uinloc to tztac' in c'ann cot yowl sc'ojl Cristo 'a wib'n̈ ticnec, yic tzin 'el 'a yol sc'ab', sec tzcolchj 'el eb' wit chon̈b' cha. Q'uinloc 'ixta', tzyal in c'ojl wa'n in b'a yuj eb'.

Ro 9:5

A jun tzo'n̈ ewin niwn yel'ch 'a sat Dios 'a pecti', atn ewin yin̈tl can smam yichm eb'. A Cristo 'ochnc yit chon̈b'oc eb', yic wul ya'nc 'och sb'a 'anma'il. A Cristo tic, Dios, Yajl yaj 'a yib'n̈ smasnil tas. Smasnil tiempo 'oj alxoc wach' paxti 'a 'a. 'Ixta cab' tz'aji.

Dt 27:16

Catb'tzaxc cab' eb' may yel'ch smam snun 'a sat, xchi eb' levita. 'Ixta cab' tz'aji, 'oj xchic eb' chon̈ab'.

Santiago 4:10

Tzeyij 'ejm e b'a 'a sat Cajlil. Toto 'ixta', a 'oj eyi'n cha'an̈.

Santiago 4:7

Yuj cha, yiclumn̈ej cab' tzcutjec qui b'a 'a Dios. Te'n tzcutjec qui b'a 'a win diablo, toto 'ixta', 'oj 'at win 'elc 'ayn̈ec.

A Sb'ab'el Carta San Pedro 5:6

Yuj cha, 'emmquilal tzcutjec qui b'a 'a yol sc'ab' Dios, yujto caw niwn spoder. Toto 'ixta', niwn xo 'oj cajc 'el'ch yu'uj, yic 'oj jawc stiempoal.

Apoc 22:6

Xlajw cha, xyaln jun ángel chi 'ayn 'ixtic: —A jun tzo'n̈ paxti tic, caw yel. Tztac' tza'ch yipc a c'ojol. A Dios Cajlil, a 'a'jnac paxtinc eb' schecab'. Atn checjnac cot jun yángel, yic tzwul ya'nc yojcoc 'el eb' tz'a'n servil, tas jun tzo'n̈ 'oj ujc muc'uc, xchi.