A Ch'an̈ Carta D'a Eb' Hebreo 12:28 - Chuj San Sebastian Bible

²⁸ A jun matz tac' yib'x tic, atn jun lugar tzyac' Dios 'ayn̈ec, 'a 'aj 'aych yajlil. Yuj wal jun tic, ca'c yuj diosal 'a 'a. Ca'c 'ejm qui b'a 'a 'a, tzcalnec qui b'a 'a 'icha tznib'ej. Caw xiw coyc 'a 'a,

Chuj San Mateo Bible

²⁸ A jun maj ib'xoclaj chi', aton jun lugar ol yac' Dios d'ayon̈ b'aj ayoch yajalil. Caq'uec yuj diosal d'ay yuj jun tic. Caq'uec em co b'a d'ay d'a smasanil co c'ool icha sgana. Con̈ xivec d'ay.

A Ch'an̈ Carta D'a Eb' Hebreo 12:28 ပူးပေါင်းရင်းမြစ်များ

Salmos 19:14

Mamin Jehová chab'il cab' in paxti', yet' in nab'en o'oj. In Colmal aji, o'oj colchjnacn xo ticnec.

Salmos 2:11

'A'c 'emmquilal 'a Jehová yet' e tzaljc'ojlal. 'Ay cab' pax yel'ch 'a e sat.

Salmos 89:7

Dios ach ton Mamin, caw niwn el'chi, 'ay smay a b'inaxi, oyn 'och eb' ángel 'a a tz'ey.

Pr 28:24

A mach tz'och 'elc'l 'a smam snun, man̈ mulc jun chi snani; a jun cha, lajn snab'en 'icha eb' cojn 'elc'l tzb'o'o.

Is 56:7

toto 'ixta', 'oj wi' cot eb' 'a jun tzaln to wicn̈ej yaji, ax wa'n stzaljc'ojlal eb' 'a yol watut 'aj tz'och lesl 'ayin. 'Oj in cha sn̈us eb' xajmb'al yet' yofrenda 'a yib'n̈ yet'l xajmb'al to wic yaji, yujto 'oj alxoc yuj watut, to yatutal lesl yaj yuj smasnil chon̈ab'.

Is 9:7

A 'oj 'och sjelc rey David, 'oj can sjelc 'a yopiso cha. 'Oj yac' yajlil 'a yib'n̈ smasnil 'anma 'a junjn lugar. Yu'uj ax scann̈j yolyib'n̈q'uinl tic 'a junc'ojlal. 'Oj yic' yip yopiso cha, ax sb'eyc'ojlwi 'a stojlal, ticnec yet' 'a b'aq'uin̈. A Jehová tztac' yuj smasnil, 'oj yac' 'el'choc jun tic, yujto nab'ilx yu'uj.

Dn 2:44

A 'a yol stiempoal jun tzo'n̈ eb' rey cha, ata 'oj ya'ch Dios 'aj satchan̈ junx yajl yet' snacion̈ to man̈x 'a b'a'n̈ 'oj satli. Man̈x 'oj 'ajxoc 'och 'a yol sc'ab' junc xo chon̈ab'. 'Oj satxoc 'el smasnil jun tzo'n̈ xo rey yet' snacion̈ yu'uj. Palta a jun cha, 'ayc'n̈ej 'a jun 'ejmn̈ej.

Dn 7:14

'Ix 'ajx yopiso yet' sb'inab'ilal yic tzya'n reyal. Smasnil 'anma 'a junjn nacion̈ yet' 'a junjn ti'al, c'uxn tz'a'w servil eb' 'a 'a. A yip 'ayc' 'a jun 'ejmn̈ej, ax yopiso cha, caw may xon b'a'n̈ 'oj lajwc 'ejmi.

Dn 7:27

Ax yopiso, yip yet' sb'inab'ilal smasnil nacion̈ 'ayc' 'a yolyib'n̈q'uinl tic, 'oj 'ajxoc can 'a yol sc'ab' eb' schon̈b' jun Dios to cojxn niwn yel'chi. A jun 'opiso tic, 'ayc'n̈ej 'a jun 'ejmn̈ej. Smasnil eb' chon̈b' cajn 'a sat lum lum tic, 'oj yac' eb' 'emmquilal 'a 'a, ax syiclni pax eb' tas 'oj yala', xchi 'ayin.

Lv 10:3

Xlajw cha, xyaln Moisés 'a Aarón 'ixtic: —Yuj jun tic, x'el'ch tas yaljnac Jehová 'ayin yic yaln 'ixtic: A eb' tzin 'a'n servil, yowlal 'ay cab' wel'ch 'a sat eb'. 'Oj in ch'oxli to niwn wel'ch 'a smasnil eb' israel, xchi Dios, xchi Moisés. Ax Aarón man̈x 'a tas 'ix yala.

Mt 25:34

An Rey in tic, 'oj wal 'ixtc 'a eb' 'ayc' 'a in wach' c'ab': Ax tic, ya'jnac in Mam swach'c'ojlal 'ayex, 'ochn̈ec wet' 'a 'aj tzwac' Yajlil, yictax sb'on Dios yolyib'n̈q'uinl tic, sb'on can jun tic eyico'oc.

Lc 1:33

A 'oj 'och syajlilc eb' et israelal 'a smasnil tiempo. May b'a'n̈ 'oj lajwc jun yopiso cha, xchi jun ángel chi 'a 'ix.

Ro 11:20

Yel toni, 'icha to tzuc'b'il 'el eb' israel cha, yujto ma'ix ya'ch eb' sc'ojl 'a Dios. Ax xo, yujn̈ej to tzeya'ch e c'ojl 'a 'a, ex 'ochcn sjelc eb'. Yuj cha, xe b'an̈t e b'a, tzeyil wal e b'a.

Ef 1:6

Yuj cha, tzcalc wach' paxti 'a 'a, yujto caw niwn yel'ch swach'c'ojlal. 'Ix ch'ox wal swach'c'ojlal tic 'ayn̈ec, yujto junxn̈ej cajc yet' Yunnal, atn jun caw chamc'ojlb'il yu'uj.

Ef 5:10

Cuyc wal e b'a 'a jun tzo'n̈ tas caw wach' 'a sat Dios.

A Scarta San Pablo D'a Eb' Aj Filipos 4:18

An xo tic, man̈x jantcoc tas xin cha'aj, 'ay pax tzyac' sobra ticnec. A jun e colwal xwul yac' Epafrodito tic, caw colb'iln̈ej tzcolwj 'ayin. 'Icha junc tas tz'ajx 'a Dios, caw su'q'ui sjab', mto junc xajmb'al caw wach', 'ixta jun e colwal tic, caw tzalj Dios yet'oc.

A Ch'an̈ Carta D'a Eb' Hebreo 10:19

Yuj cha, ex wu'tac, ex wanab', matz on̈ xiwc coch 'a yojl jun Lugar to cojn Dios 'ay yico', yujto yuj schic'l Jesucristo tztac' cochec.

A Ch'an̈ Carta D'a Eb' Hebreo 13:15

Yuj cha, smasnil tiempo yowlal tzcalc wach' paxti 'a Dios yuj Jesucristo. A yet' qui ti', tzcalc swach'l Dios. A jun tzcalc tic, atn jun qui xajmb'al tzca'c 'a 'a.

A Ch'an̈ Carta D'a Eb' Hebreo 13:21

Tzin nib'ej, yuj schic'l cha, tzwach' b'oj Dios e nab'en, sec wach'n̈j 'oj eyutc e b'a, tze b'on 'icha tznib'ej. Tzin nib'j paxi, yuj Jesucristo caw wach' tzon̈ 'ajc 'a sat, sec tzalj quet'ec. Niwn cab' yel'ch Cristo 'a smasnil tiempo. 'Ixta cab' tz'aji.

A Ch'an̈ Carta D'a Eb' Hebreo 3:6

Palta ax Cristo, yiclum yutjnac sb'a, yujto Yunnal Dios. A 'aych Yajlil 'a yib'n̈ eb' yunnal xo Dios yet'oc. Toto te'n tzcutjec qui b'a ca'n 'och qui c'ojl 'a 'a, toto tzon̈ tzalji, tzca'nec 'och yipc qui c'ojol, [masnto 'a slajb' qui q'uinal,] to 'ixta', yunnaln̈ec xo Dios tzyal cha.

A Ch'an̈ Carta D'a Eb' Hebreo 4:16

Yuj cha, caw man̈ on̈ xiwc qui c'ochc 'a sdespacho Dios, 'a 'aj tzcheclj 'el swach'c'ojlal. Ata tz'o'ch sc'ojl 'ayn̈ec, tzch'oxn swach'c'ojlal, 'a yic 'ay tas 'ay tz'och cujec.

A Ch'an̈ Carta D'a Eb' Hebreo 5:7

A yic yec' Cristo 'a yolyib'n̈q'uinl tic, leslwnac, sc'ann tas 'a Dios. Caw 'ip leslwnac, caw wal 'o'nac. Ax Dios a 'ay spoder scoln 'el 'a yol sc'ab' chamel. Yab'jnac Dios slesl Cristo, yujto 'emmquilal yutjnac sb'a 'a 'a.

A Sb'ab'el Carta San Pedro 1:17

A Dios, 'oj sb'eyc'ojloc junjn 'anma', a tzyala tas sb'eyb'al jun jun. Yuj cha, toto tzcalc qui Mamoc, caw xiw coyc 'a 'a, ya' sb'a 'ayn̈ect 'ec' 'a yolyib'n̈q'uinl tic.

A Sb'ab'el Carta San Pedro 2:20

Q'uinloc tz'ajx 'och junc yailal 'a quib'n̈ yuj junc maysch'olnil tzqui b'o'o. ¿Tom yujn̈ej tzca'c techjoc jun yailal cha, smoj tzon̈ alx wach'il? Caw ma'ay. Palta q'uinloc ton̈j tzcomn 'ajx 'och qui yailal yuj junc tas wach' tzqui b'o'o. Toto tzca'c techjoc jun yailal cha, atn jun chi caw wach' 'a sat Dios.

Apoc 1:6

A 'on̈ 'a'nec 'och reyal. A 'a'jnac copisoec ca'n 'och qui ti junjn on̈ 'a Dios, atn 'a Smam. Caw niwn cab' yel'chi, 'ay cab' spoder 'a smasnil tiempo. 'Ixta cab' tz'aji.

Apoc 15:4

Toc 'ay junc mach ma'oj xiw 'aych Mamin. Toc 'ay junc ma'oj alnoc wach' paxti 'ayach. Yujto cojxn ach caw wach'chn̈ej. 'Oj cot eb' 'anma 'a junjn nacion̈, 'oj wul yal sb'a eb' 'ayach. Yujto xlaj yil eb', chajtlto caw tojl tzotj a b'eyc'ojlwi, xchi eb'.

Apoc 5:10

Ach xa'ch eb' reyal. Ach a'jnac yopiso junjn eb', yic tzya'n 'och eb' sti 'a Dios. Ax yoch eb' yajlil 'a yolyib'n̈q'uinal, xchi eb'.