A Ch'an̈ Carta D'a Eb' Hebreo 12:13 - Chuj San Sebastian Bible

¹³ Caw tze say jun tojl b'eyb'al 'aj tzex b'eyi. Toto 'ixta', ax xo 'icha to coxo eyoc, 'oj wach' b'o e nab'en, ma'oj e wach' juwi.

Chuj San Mateo Bible

¹³ Tze b'eyb'alan tojol b'eyb'al, yic a ex ichato coxo ex, ol vach' b'o e pensar, man̈ ol ex vach' juvoc el-laj.

A Ch'an̈ Carta D'a Eb' Hebreo 12:13 ပူးပေါင်းရင်းမြစ်များ

Is 35:3

'A'c 'och ste'nal eb' to may yip sc'ab', 'a'c yip eb' 'icha to sicb'nac 'el yoc.

Is 35:6

A eb' tz'em sb'eyi, 'oj b'atjoc chan̈ eb' sb'ey 'icha no c'ultquil chej, yet' eb' matz uj xon spaxtini, 'oj b'itnc chan̈ eb' yuj tzaljc'ojlal. Ax 'a lum cusltac lu'um, yet' 'a lum caw tacn̈ sat, til wal a a 'oj q'uelc pulnjoc spac' 'a eb' lu'um.

Is 42:16

A eb' matz uj yilni, 'oj wi't eb' 'a jun tzo'n̈ b'e to man̈ yojcoc. A q'uic'q'uinal, sacq'uinl 'oj wutc can 'a yojltac eb', ax wa'n pan̈ljoc eb' lum ch'olctac. Yowlal 'oj wac' 'el'choc jun tzo'n̈ tic 'a eb', ma'oj wactc can eb' schoc'oj.

Is 58:12

'Oj e b'ox chan̈ e chon̈b' 'a yet'l 'aj lan̈chjnac can 'ejmi. 'Oj eya'x 'ejm 'a yib'n̈ yipnub'al yich b'ob'il can xon 'a yic pecti'. Ax yalx eyu'uj, to b'om ex pax smuroal chon̈ab', b'om ex pax n̈a lan̈chjnac 'ejmi.

Jeremías 18:15

Palta an tic, in 'atcn satc'ojlal yuj eb' in chon̈b' tic, ax 'a jun tzo'n̈ comn dios, ata tzyac' tz'a eb' incienso. 'Icha to 'ix sat eb' 'a jun b'e to 'ayc' xon 'a yic pecti', ax 'a jun tzo'n̈ c'ultac b'e tz'at eb'.

Lc 3:5

'A'c lan̈xoc smasnil lum ch'olctac, 'a'c pan̈nb'oc smasnil lum witz. Ax jun tzo'n̈ b'e cumctac, tojl xoj tzeyutej. Ax jun tzo'n̈ b'e amquixtac, caw lab'ntac tzeyutej.

Gl 2:14

Palta ax yic wiln an tic, to man̈ tojloc yutjnac sb'a eb' 'icha tzyal jun wach' 'ab'x caw yel, waljnac 'ixtc 'a Pedro 'a sat eb' creyente smasnil: Ach tic, israel ach wet'oc, palta 'in lajn a b'eyb'al yet' eb' man̈ israeloc. Man̈ 'ichaoc sb'eyb'al eb' quit israelal tzotj a b'a. Yuj cha, ¿tas yuj tza nib'j tzac' pural eb' man̈ israeloc, sec lajn tzyutj eb' sb'eyb'al yet' eb' quit israelal cha? xin chi 'a 'a.

Gl 6:1

Ex wu'tac, ex wanab', toto 'ay junc mach tz'och smul tzeyila, ax xo yiclum ex 'a Yespíritu Dios, caw tzeyac' snab'enoc 'a 'emmquilal, sec 'oj b'oxc snab'en. Caw tzeyac' cuenta e b'a junjn ex, sec ma'oj eyajx prowal yoch e mul yet'oc.

Santiago 5:16

Yuj cha, tzlaj eyal-lac e paltail 'ayx junjn ex. Tzex laj leslwi pax eyuj junjn ex, sec wach' 'oj laj b'oxc e c'ojol. A eb' tojl xon sb'eyb'al, a yic tzleslwi eb' 'a Dios, caw 'ay yel'ch slesl eb' cha. Til wal tas tztac' yuj eb'.

A Sb'ab'el Carta San Pedro 2:24

A Cristo 'ix cuchn can qui mulc yet' sniwnal, yic x'och 'a spenc te culus, sec wach' man̈x 'a yaln maysch'olnil yic 'ayn̈ec, 'icha to chamnc on̈c 'a 'a. 'Ixta on̈ yutjec, sec caw wach'n̈j tzcutjec qui b'eyb'al. Caw xyab' syal cujec, sec tzon̈ colchjec can 'el yu'uj.