A Ch'an̈ Carta D'a Eb' Hebreo 11:6 - Chuj San Sebastian Bible

⁶ Toto matz ca'c 'och Dios 'a qui c'ojol, toxn matz tac' stzalj quet'ec. Yujto a eb' tzjaw 'a Dios, yowlal tzya'ch eb' 'a sc'ojol, to 'ay Dios cha. Tzya'n pax 'och eb' 'a sc'ojol, chajtlto a tz'a'n spac 'a eb' tznib'j c'och sb'a 'a 'a.

Chuj San Mateo Bible

⁶ Palta tato max cac'och Dios d'a co c'ool, toxon man̈ jab'oc stzalaj qued'oc. Yujto a mach sc'och d'a Dios, yovalil syac'och d'a sc'ool to ay Dios chi'. Syac'anpaxoch d'a sc'ool to a tz'ac'an spac d'a eb' syac' yip sc'och d'ay.

A Ch'an̈ Carta D'a Eb' Hebreo 11:6 ပူးပေါင်းရင်းမြစ်များ

Gn 15:1

Yic xlajw 'ec' jun tzo'n̈ tic, 'ix paxtin Jehová yet' Abram 'a 'icha waychil, 'ix yaln 'a 'ixtic: —Man̈ ach xiw Abram, an 'oj ach in colo', caw wal niwn spac 'oj a cha', xchi Dios.

1 Cr 28:9

Ach xo tic ach wunnal Salomón, 'ojquej 'el wal qui Diosal, 'ac' servil 'a smasnil a pixan, mun cab' wal tz'el 'a a c'ojol, yujto a Jehová yojc smasnil tas 'ay 'a qui pixan, tznachj 'el pax yu'uj tas 'ay 'a qui nab'en. Toto 'oj al a b'a 'a 'a, 'oj ta'wc 'ayach, palta toto 'oj e'cn 'el a b'a 'a 'a, 'oj ach spatquilc can 'el 'a jun 'ejmn̈ej.

Job 21:14

Tzyaln eb' 'ixtc 'a Dios tztac' yuj smasnil: Man̈ on̈ a tzuntzc on̈, yujto an̈ tic, matz qui nib'j qui b'eylb'oc tas tzyal a ley.

Salmos 106:24

'Ix b'ey jab' tiempo yuj eb', schab'c'ojlan eb' lum lum caw wach', ma'ix ya'ch eb' yipc sc'ojl tas alb'il can o'oj.

Salmos 119:10

'A smasnil in c'ojol tzin 'och tza'n o'oj, yuj cha, man̈ in a cha wi'l in nab'en 'a a checnb'il.

Salmos 58:11

'Ixta to b'i'an ax yalx 'ixtic: Caw wal wach' yic eb' te'n xyutj sb'a sb'on tojlal. Caw yel 'ay jun Dios tzb'eyc'ojlan yolyib'n̈q'uinl tic, 'oj schioc.

Salmos 73:28

Palta an xo tic ach in Diosal, tzin nitz 'ochch in b'a 'a a tz'ey, yujto a jun chi yel xo wach' 'ayin. Mamin Jehová 'aychn̈ej 'och yipc in c'ojol, 'oj wal-l yab'xil smasnil tas wach' a b'ojnac.

Salmos 78:22

Yujto ma'ix ya'ch eb' sc'ojl 'a Dios, ma'ix ya'ch eb' yipc sc'ojl scolwal.

Salmos 78:32

Wach'xam 'ixta 'ix yutj Dios, man̈ yujoc cha, 'ix ya'n 'och eb' 'a sc'ojol, an̈j 'ijnoc yoch smul eb'; ma'ix ya'ch eb' snab'en 'a tas satjub'tac 'ix sb'o Dios.

Pr 11:18

Toto maysch'olnil tz'el sb'on junc mach, 'oj scha spac, atn tas man̈ nib'b'ilc yu'uj; ax toto wach' tas tzb'o'o, a wal tas yel xo wach', a chi 'oj scha spacoc.

Pr 8:17

A eb' tznib'j cuync jelnal, tz'ilchj yuj eb', ax eb' tznib'n jelnal cha, tz'ijx chan̈ eb' yu'uj.

Is 55:3

Cotn̈ec 'ayin, tzcham wal e maclni eyab' tas 'oj wala', tzeyiclni, sec 'ay e q'uinal. 'Oj in b'ox in trato eyet' 'a jun 'ejmn̈ej, ax wa'n 'el'choc in wach'c'ojlal 'aj wa'jnac in ti wa'n 'a rey David.

Jeremías 2:31

(Ex yin̈tl can Israel, macljec eyab' tas tzwal 'ayx an Jehová in tic.) ¿Tom 'icha wal junc lum cusltac lum waj 'ayex? ¿mto 'icha junc lum lum 'ay smay? Ex in chon̈ab', ¿tas wal yuj tzeyal 'ayn 'ixtic: Mun quic qui b'a on̈, man̈x 'a b'a'n̈ 'oj qui meltzj 'aych on̈? xe chi.

Nm 14:11

'Ix yaln Jehová 'a Moisés 'ixtic: —¿B'a'n̈ to wal 'oj yactc eb' 'anma tic in spatquiln can 'eli? ¿B'a'n̈ to wal 'oj yactc eb' in schab'c'ojlani? 'In til wal milagro tzin ch'ox pax yil eb'.

Nm 20:12

Palta ax Jehová, 'ix yaln 'a Moisés yet' 'a Aarón 'ixtic: —Ax tic, ma'in eya'ch wal 'a e c'ojol, ma'in eyij chan̈ 'a yojltac eb' israel tic, yujn̈ej ton wal chi b'i'an, man̈xtoc ax 'oj eyi'ch eb' 'anma tic 'a sat lum lum tzwal wac' 'ayex, xchi.

Mt 11:26

'Ixta x'aj Mamin, yujto 'ixta tza nib'ej, xchi 'a Dios.

Mt 5:12

Tzaljan̈c si'mb'il, yujto caw niwn spac 'oj e cha 'a satcha'an̈. 'Icha tz'ajx 'och 'a eyib'n̈ ticnec, 'ixta 'ajxnac 'och 'a yib'n̈ eb' schecb' Dios 'a pecti'.

Mt 6:16

A yic tzex 'och 'a c'ajb'c'ojlal, man̈ lajnoc tzeyutj e b'a yet' eb' chab'sat yaji. Yujto a eb' cha, caw cusltac tzyutj eb' sat, sec tzlaj yil eb' 'anma', to 'aych eb' 'a c'ajb'c'ojlal. Wal yel tzwal 'ayex, tox schaj eb' spac jun sc'ajb'c'ojlal cha. Toxn may spac 'oj scha eb' 'a Dios.

Mt 6:33

Yuj cha, 'a'c eyip e wach' 'a'n 'och e b'a 'a yol sc'ab' Dios. Tojln̈ej tzeyutj e b'eyb'al 'icha tznib'ej. Toto 'ixta', 'oj yac' jun tzo'n̈ chi 'ayx smasnil.

Mt 6:5

A yic tzex leslwi, caw matz tac' tzex leslwi 'icha eb' chab'sat yaji. Yujto a eb' cha, ton̈j tznib'j eb' tzq'ue lin̈n leslwoc 'a yol jun tzo'n̈ scapiya, yet' 'a 'aj tzchaj sb'a caye, sec tzlaj yal eb' 'anma wach'l eb'. Wal yel tzwal 'ayex, a yic tzyaln eb' 'anma wach'l eb' cha, atn spac yic eb' chi wan laj schan 'a eb'.

Mr 16:17

A eb' 'oj 'a'nc 'och 'a sc'ojol, 'oj sch'ox eb' jun tzo'n̈ milagro tic: Yuj in poder 'oj yi'l eb' jun tzo'n̈ demonio 'a eb' 'anma', 'oj paxtinc eb' 'a jun tzo'n̈ chucchc ti'al.

Lc 12:31

Yuj cha, 'a'c eyip e wach' 'a'n 'och e b'a 'a yol sc'ab' Dios. Toto 'ixta', 'oj 'ajxoc pax smasnil jun tzo'n̈ tic 'ayex.

Lc 6:35

Palta ax xo tic, chamc'ojlejc eb' 'ajc'ojl yajch 'ayex. Wach'n̈j cab' tzeyutj e b'a. A yic tzeya'n junc tas majnil, man̈ e na', toto 'oj e chaxi. Toto 'ixta tzeyutj e b'a, caw niwn spac 'oj e cha'. Ax scheclj 'eli, to yunnal ex xo Dios, atn jun yel xo niwn yel'chi. 'In tzch'ox swach'c'ojlal pax 'a eb' maysch'olnil.

Jn 14:6

—A jun b'e tzwal tic, an ton tic. Cojn in tztac' ex wi'n 'at 'a 'aj 'ay qui Mam Dios. An tic yel in, 'aj q'uinl in.

Jn 8:24

Yuj cha, xwaln 'ayex to a 'a scal e mul 'oj e chami. Toto matz eya'ch 'a e c'ojol, to an ton 'icha xwala, toto 'ixta', a 'a scal e mul chi 'oj e chami, xchi.

Ro 10:14

Palta a eb' mantzac ya'ch sc'ojl 'a Cajlilec, ¿tas 'oj yutc eb' yaln sb'a 'a 'a? ¿Tas 'oj yutc eb' ya'n 'och sc'ojl 'a 'a, toto mantzac yab' eb' yab'xil? An̈jtona', ¿tas 'oj yutc eb' yab'n yab'xil, toto may mach tzaln yab'xil 'a eb'?

Gl 5:6

Toto junxn̈ej tzon̈ 'aj yet' Cristo Jesús, man̈x 'a yel'chi, toto 'ac'b'iln̈ec circuncidar, mto ma'ay. Cojxn wal jun tic 'ay yel'chi, to caw tzca'c 'och qui c'ojl si'mb'il 'a Cristo. Toto 'ixta', 'oj qui ch'oxc 'el qui chamc'ojlal.

A Ch'an̈ Carta D'a Eb' Hebreo 11:26

'Ix snan paxi, to wach' tzyab' syal sb'uchx yuj Cristo, atn jun 'oj jawoc, palta caw wach' yico'. Jantcn̈ej jun tzo'n̈ ricoal yic Egipto cha, may yel'ch 'a sat, yujto ya'jnac 'at snab'en 'a jun spac 'oj yac' Dios 'a 'a.

A Ch'an̈ Carta D'a Eb' Hebreo 3:12

Ex wu'tac, ex wanab', caw tzeya' cuenta e b'a, sec may junc ex pit tzeyutj e b'a, chab'c'ojlal eyaji. May junc ex tzeyij 'el e nab'en 'a Dios pitzan.

A Ch'an̈ Carta D'a Eb' Hebreo 4:2

Yujto alb'il wach' 'ab'x yic colnb'il 'a eb' qui mam quichmec, 'icha x'aj yalx 'ayn̈ec. Palta nab'an̈ej alb'il 'a eb', yujto ma'ix ya'ch eb' 'a sc'ojol, yic yab'n eb'.

A Ch'an̈ Carta D'a Eb' Hebreo 4:6

A eb' cha, sb'ab'l 'ab'jnac eb' jun wach' 'ab'x yic colnb'il, palta ma'ix 'och eb' 'iljoc yuj Dios, yujto man̈ yiclumoc yutjnac sb'a eb'. Palta yowlal 'ay mach 'oj 'och 'iljoc 'icha yaj yaln can cha.

A Ch'an̈ Carta D'a Eb' Hebreo 7:19

May junc tas xb'o 'el'ch yuj jun ley cha. Palta 'ay junx yel xo caw wach', 'ix 'ochx can sjeloc, atn jun 'aych yipc qui c'ojlec. Yuj wal jun cha, tztac' qui nitznec 'och qui b'a 'a stz'ey Dios.

A Ch'an̈ Carta D'a Eb' Hebreo 7:25

Yuj cha, a mach tz'ijx 'och yico'oc Dios yu'uj, a tztac' ya'n scolnb'il eb' 'a jun 'ejmn̈ej. Yujto pitzn 'a jun 'ejmn̈ej, yic tzc'ann niwnc'ojlal 'a Dios cujec.

A Schab'il Carta San Pedro 1:10

Yuj cha, ex wu'tac, ex wanab', caw tzca'c quip cojcan 'el si'mb'il, chajtlto caw yel 'awtb'iln̈ec yico'oc, sic'b'iln̈ec xo 'el yu'uj. Toto 'ixta tzcutjec qui b'a, may b'a'n̈ 'oj juwc 'el qui nab'enec.

A Schab'il Carta San Pedro 1:5

Yuj cha, man̈ cojnoc tzca'c 'och qui c'olj 'a 'a. Yowlal tzca'c pax 'ip qui tojlb'tzan qui b'eyb'al, caw qui cuyc sjelnal Dios.

A Schab'il Carta San Pedro 3:14

Ex chamc'ojlb'il wu'uj, wan qui tan̈wniec sjaw jun tzo'n̈ cha. Yuj cha, caw ca'c 'ip, sec may jac qui mulc 'oj 'ilchjoc yu'uj, may jac qui paltail. Toto 'ixta', caw junc'ojlal 'oj cajc yet' ta'.

Apoc 21:8

Palta 'ay eb' 'anma tzcomn xiwi, 'ay eb' matz ya'ch sc'ojl 'ayin, eb' yajb'entac, eb' milm cham 'anma', eb' tzb'on 'ajmulal, eb' 'ajchum, eb' tzyal sb'a 'a jun tzo'n̈ tzalx 'och diosal, yet' eb' 'a'm 'es. A eb' cha, 'oj scha eb' spac yico', 'oj 'atcn eb' 'a scal jun c'ac' tzn̈ilchji, caln yaj yet' azufre, atn jun 'icha pama'. A jun cha, atn schab'l chamel, xchi Dios.

Rt 2:12

A Jehová a 'oj 'a'nc spac 'ayach, yuj smasnil a wach'c'ojlal. 'Ajx cab' spac a wach' nab'enal yuj Jehová qui Diosal an̈ israel on̈ tic on̈, jun 'aj tzach jaw wul a col a b'a, xchi Booz.