A Ch'an̈ Carta D'a Eb' Hebreo 11:32 - Chuj San Sebastian Bible

³² Til to wal tas tzin nib'j tzwalb't 'ayex. Palta man̈x 'a tiempo tzwal yab'xil Gedeón, Barac, Sansón, Jefté, David, Samuel, yet' jun tzo'n̈ xo eb' schecb' Dios.

Chuj San Mateo Bible

³² Tzijtumto tas syal valanb'at d'ayex, palta man̈xalaj tiempo sval yab'ixal vin̈aj Gedeón, vin̈aj Barac, vin̈aj Sansón, vin̈aj Jefté, vin̈aj David, vin̈aj Samuel yed' eb' vin̈ schecab' Dios.

A Ch'an̈ Carta D'a Eb' Hebreo 11:32 ပူးပေါင်းရင်းမြစ်များ

Salmos 99:6

A Moisés yet' Aarón 'aych eb' 'a scal eb' ya'mal 'och sti eb' 'anma 'a Dios. Ax Samuel 'ayc' 'a scal eb' xyal sb'a 'a Dios cha. A eb' tzyal sb'a 'a Jehová, tzta'w 'a eb', toto tzc'an eb' scolwal.

Jeremías 15:1

'Ix ta'w Jehová 'ayn 'ixtic: Man̈x 'oj 'o'ch in c'ojl 'a eb' in chon̈b' tic. Wach'xam caw a Moisés mto a Samuel tzjapx tewc 'a wojltac yuj eb' 'icha yutjnac eb' 'a yic pecti', man̈x 'oj in ta'w 'a eb'. Yuj cha, al 'a eb' chon̈b' cha, to tz'el eb' 'a wojltac, sayt cab' sb'a eb'.

Mt 5:12

Tzaljan̈c si'mb'il, yujto caw niwn spac 'oj e cha 'a satcha'an̈. 'Icha tz'ajx 'och 'a eyib'n̈ ticnec, 'ixta 'ajxnac 'och 'a yib'n̈ eb' schecb' Dios 'a pecti'.

Lc 13:28

At wal ta 'oj eyoq'ui, caw 'oj juch'ch'oc eye eyab'n syail. Yujto 'oj eyila', ata 'ayc' Abraham, Isaac, Jacob, yet' smasnil eb' schecb' Dios, 'ayc' xo eb' 'a yol sc'ab'. Ax xo tic, 'oj e can 'a sti'.

Lc 16:31

Toto matz ya'ch eb' schicn 'a tas stz'ib'jnac can Moisés, yet' eb' schecb' Dios, wach'xam 'ay junc mach tzpitzw pax 'a scal eb' chamnac, an̈jtona ma'oj ya'ch pax eb' 'a sc'ojol, xchi Abraham chi 'a winac. 'Ixta tzyal jun 'ab'x tic, xchi Jesús.

Jn 21:25

Tilto wal jun tzo'n̈ xo tas 'ix sb'o Jesús. Q'uinloc tz'ib'x can jun jun, tzin na'a, matz yab' am yolyib'n̈q'uinl tic yuj ch'an̈ un̈ 'aj tz'ib'x can cha. [Ya' cab'i'.]

A Tas Sc'ulejnac Eb' Schecab' Jesús Hechos 10:43

Yictax pecti', 'aycto, yaln can 'el eb' schecb' Dios yab'xil Jesús. Yaljnac can junjn eb', chajtlto jantcn̈ej mach 'oj ya'ch sc'ojl 'a 'a, 'oj 'ajxoc can lajwc smul eb' yu'uj, xchi Pedro 'a eb'.

A Tas Sc'ulejnac Eb' Schecab' Jesús Hechos 13:20

Xlajw cha, xya'n Dios yopiso jun tzo'n̈ eb' juez ya'w cuenta. Nan̈l yol ciente ab'il ya'jnac eb' 'ixta', masnto yic yoch win Samuel schecb'oc Dios.

A Tas Sc'ulejnac Eb' Schecab' Jesús Hechos 3:24

Jantcn̈ej eb' schecb' Dios 'e'nc pecti', yictax 'ayc' Samuel, c'uxn yaljnac can 'el eb' yab'xil jun tiempoal tzat jaw tic.

Ro 3:5

An̈ec tic, man̈ on̈ tojloc. Yuj cha, tzcheclj 'eli to cojn Dios tojol. Palta ¿tasm tze na'a? ¿Tom man̈ tojloc Dios yujto 'oj ya'ch qui yailalec yuj qui mul? 'Ay eb' 'anma tznan 'ixta'.

Ro 4:1

A qui mam quichmec Abraham, ¿tas 'ajnc 'a sat Dios tze na'a?

Ro 6:1

¿Tas tze na'a? ¿Tom wach' an̈ja qui b'onec maysch'olnil, sec yel xo wal 'oj yac' Dios niwnc'ojlal 'ayn̈ec, ax swach' checlj 'el swach'c'ojlal 'ixta'?

Ro 7:7

Palta ¿tas tze na'a? A ley yic Moisés, ¿tom maysch'olnil tze na'a? Caw ma'ay. Yujn̈ej jun ley cha, tznachj 'el cujec to maysch'olnil tas tzqui b'o'ec. Q'uinloc 'ay junc tas tzin nib'j 'och ticnec. Wojtac, to maysch'olnil wan in b'oni, yujto tzyal jun ley chi 'ixtic: Man̈ a nib'c 'och junc tas, xchi. Q'uinloc may tas tzyala, to 'ixta', man̈ wojcoc, toto maysch'olnil tas wan in nani.

Santiago 5:10

A eb' schecb' Dios pecti', eb' aljnac 'el sb'i Cajlilec, techjnac yuj eb' yab'n syail, ya'jnac eb' niwnc'ojlal. Yuj cha, b'eylb'ejc sb'eyb'al eb' cha.

A Schab'il Carta San Pedro 1:21

Yujto a eb' cha, may junc mun snajnac eb' 'a sjolom, stz'ib'n can eb'. Palta atn Dios si'jnac 'el eb'. Ax Yespíritu 'a'jnac nachjc 'el yuj eb', chajtl yutjnac eb' yaln can 'el spaxti cha, stz'ib'n can eb'.

A Schab'il Carta San Pedro 3:2

Yuj cha, yowlal tze na cot jun tzo'n̈ tas stz'ib'jnac can eb' schecb' Dios pecti', atn eb' sic'b'il 'el yu'uj. An̈jtona', tze na cot pax schecnb'il Cajlil qui Colmal. A schecnb'il cha, alb'ilx can 'ayx cuj an̈ schecb' on̈ tic on̈.

Jueces 13:24

'Ix c'och stiempoal yalj yune 'ix 'ix cha, xya'n 'ix sb'ic Sansón. 'Ix q'uib' win 'unn cha, xya'n Jehová swach'c'ojlal 'a yib'an̈.

Jueces 15:20

Junc'l ab'il 'ix 'och Sansón syajlilc eb' yit israelal, ya' sb'a 'aych eb' 'a yol sc'ab' eb' filisteo.

Jueces 4:1

A yic tox xcham win Aod, syamn 'och eb' israel yochx smul 'a sat Jehová.

Jueces 6:1

A eb' israel caw man̈ wach'c tas 'ix sb'o eb' 'a sat Jehová, yuj cha, 'ix 'ajx 'och eb' 'a yol sc'ab' eb' madianita 'a uque ab'il yuj Jehová.

Jueces 6:11

'Ay jun c'ual 'ay jun yángel Jehová 'ix 'emli, axta x'em wocn 'a yich jun te mach' 'ay 'a Ofra. A jun lum cha, yic win Joás yin̈tl Abiezer. 'Ay pax jun yunnal win tzcuch Gedeón. A Gedeón cha, wan schayw trigo 'a c'ultaquil, sec matz yilsb'a eb' madianita 'a 'a. A 'aj tzte'x 'el yal uva, ata tzchayw trigo cha.

Jueces 6:14

'Ix 'och q'ueln Jehová 'a 'a, 'ix yaln 'ixtic: —An tzach in checb'ti. C'anlb'ej jun ep 'ac'b'il wu'uj, yic tza coln 'elt eb' et israelal 'a yol sc'ab' eb' madianita, xchi.

A Ch'an̈ B'ab'el Libro Samuel 1:20

'Ixta x'aj scuchn chan̈ 'ix yune'. Ax yic xc'och stiempoal, 'ix 'alj jun swinc 'unn 'ix, xya'n sb'ic Samuel. Xyaln 'ix 'ixtic: A win 'unn tic to c'anb'il win wuj 'a Jehová, xchi 'ix.

A Ch'an̈ B'ab'el Libro Samuel 12:11

Yuj cha, xya'n cob' Jehová jaywn̈ eb' coljnac 'el eb' qui mam quichmec 'a yol sc'ab' eb' 'ajc'ojl cha. 'Ix jaw win Jerobaal, junx tiempoal 'ix jaw win Barac, junx tiempoal win Jefté, xlajw cha, in jaw an tic sec tzon̈ canc 'a junc'ojlal.

A Ch'an̈ B'ab'el Libro Samuel 16:1

'Ix yaln Jehová 'a Samuel 'ixtic: —¿B'a'n̈to 'oj och wan oc' yuj Saúl? Man̈xtzac in nib'j to an̈ja 'aych win reyl 'a chon̈b' Israel. A ticnec 'ac' b'ut'joc no sch'ac calnelu yet' aceite. Tzlajw cha, tzach 'at 'a yatut win Isaí win 'aj Belén, yujto a 'a scal eb' yunnal, ata 'ay jun xin sic' 'elt 'oj 'ochx can reyl sjelc winac, xchi.

A Ch'an̈ B'ab'el Libro Samuel 16:13

Xlajw cha, xyi'n cot Samuel no ch'ac 'aj 'ay 'ejm aceite. Q'ueln 'och eb' 'u'tacab'il cha, xya'n q'ue Samuel aceite 'a sjolm win David cha. A 'a yic jun c'u cha, 'ix 'ochcn Yespíritu Jehová 'a win yet' spoder. Xlajw swa eb', 'ix meltzj pax can Samuel 'a Ramá.

A Ch'an̈ B'ab'el Libro Samuel 17:45

'Ix ta'w David 'a win 'ixtic: —Ach tic, tzach cot 'ayn yet' espada, yet' a lanza yet' pax a cotc lanza, yic tzwul a'nc owl wet'oc, palta an xo tic, tzin 'at wac' owl et' 'a sb'i Jehová jun tzta'n̈j yuj smasnil, atn jun qui Diosal an̈ soldado Israel on̈ tic on̈, atn 'aj ach b'uchwji.

A Ch'an̈ B'ab'el Libro Samuel 2:11

Xlajw cha, 'ix pax win Elcana chi 'a yatut 'a Ramá yet' eb' ajun yet'oc. Ax win 'unn cha, 'ix can win yac' servil Jehová yet' win Elí, win ya'mal 'och sti eb' 'anma 'a Dios.

A Ch'an̈ B'ab'el Libro Samuel 2:18

Ax win Samuel, caw wal yune to winac, 'aych pax jun spichl win camx chaleco nab'a lino yic tzya'n servil win Jehová.

A Ch'an̈ B'ab'el Libro Samuel 2:4

Ach Jehová ach 'ix a ma' wecchjoc sjul-lab' eb' soldado 'ay smay, ax eb' xlaj 'el yip, ach 'ix a'x yip eb'.