A Ch'an̈ Carta D'a Eb' Hebreo 11:13 - Chuj San Sebastian Bible

¹³ A junjn eb' xwal yab'xil tic, a yic laj scham eb', mantzac schaj eb' jun tzo'n̈ tas 'aj ya'jnac Dios sti'. Palta caw ya'jnac 'och eb' Dios 'a sc'ojol. Yuj cha, 'icha to yiljnac 'at eb' jun tzo'n̈ chi 'a najat, caw tzalj eb' yu'uj. 'Ixta yutjnac eb' ya'n testigoal sb'a, chajtlto a jun yolyib'n̈q'uinl tic, man̈ schon̈b'oc eb', ton̈j 'e'lb'a yec' eb' 'a 'a.

Chuj San Mateo Bible

¹³ A junjun eb' sval yab'ixal tic, manto schalaj juntzan̈ yalnac Dios to syac' d'a eb' ayic schamnac eb'. Palta yac'nac val och Dios eb' d'a sc'ool, yuj chi' ichato najat yilnacb'at juntzan̈ chi' eb', yac'annac och spensar eb' d'ay. Icha chi' ajnac yac'an testigoal sb'a eb' to a jun yolyib'an̈q'uinal tic, man̈ schon̈ab'oc eb', palta paxyalvumn̈ej eb'.

A Ch'an̈ Carta D'a Eb' Hebreo 11:13 ပူးပေါင်းရင်းမြစ်များ

Gn 21:34

Najtl 'e'nc Abraham 'a slum ewin filisteo cha.

Gn 23:4

—Toxn̈ej am chuc chon̈b'al waj 'a e cal tic, comnoc tz'el 'a e c'ojl e chon̈n wal jac e lum 'ayin, sec ata tzin muc sniwnal 'ix wistzil, xchi 'a ewinac.

Gn 25:8

'Ichm wincal x'i'ni yic xchami.

Gn 47:9

Xta'w Jacob 'a win rey 'ixtic: —130 ab'il nant in q'uinal, til wal 'aj tzlaj in 'eq'ui, caw wal mant niwnoc in q'uinal, yujto yailaln̈ej tz'aj yec' jab' tiempo tic wu'uj, palta mantzac c'och wab'lil 'icha sq'uinl eb' 'in mam wicham, xchi winac.

Gn 48:21

Xlajw cha, xyaln pax 'a José 'ixtic: —Ach wunnal, an tic jab'xoj wal 'oj in chami; palta a Dios 'aychn̈ej cab' eyet'oc, a 'oj eyi'n meltzjoc pax 'a slum eb' qui mam quichmec.

Gn 49:10

May junc mach tztac' yi'n 'ec' a jelnal Judá; may mach tztac' yi'n 'ec' a c'occh yic opiso 'a yol a c'ab', masnto 'oj jawc yajl te c'occh cha, atn jun mach to smasnil eb' chon̈b' 'oj yiclnoc 'a 'a.

Gn 49:18

¡Mamin Jehová tzin tan̈wj in a colni!

Gn 49:28

Atn wal yab'xil eb' lajchwan̈ yunnal win Israel tic. A smasnil jun tzo'n̈ paxti tic, xyalcn win 'a yic xyaln can wach' paxti 'a yib'n̈ junjn eb' yunnal, yuj tas 'oj 'ec' 'a yib'n̈ junjn eb'.

Gn 49:33

Yic xlajw yaln jun tzo'n̈ paxti tic 'a eb' yunnal cha, yuj tas tz'aj sniwnal smucx yuj eb'. Xlajw cha, x'e'x c'otn jun 'ejm xo, xlajw xoj cha, 'ix chami.

Gn 50:24

'Ay jun c'u, 'ix yal José 'ixtc 'a eb' yu'tac: Jab'xoj wal tiempo ax in chami, palta a Dios 'oj jawc colwjoc eyet'oc. A 'oj eyi'n 'el 'a jun chon̈b' tic, ax ex yi'n 'at 'a lum lum 'ix yaltj can 'a Abraham, 'a Isaac, yet' 'a Jacob, xchi José cha.

Job 19:25

Wojtac to a jun mach tzin colni, pitzan, ax 'a slajb' c'ual, 'oj jawc in wul yi' chan̈ 'a sat lum tic.

Salmos 119:19

Ton̈j 'e'lb'a wec' 'a sat lum lum tic, 'ac' wojcoc 'el a checnb'il.

Salmos 39:12

Mamin Jehová, 'ab' wal in lesal, 'a' cot wal a chicn 'ayin yic tzwaln in b'a 'ayach. Man̈ ton̈joc tzach 'och q'ueln 'ayin yic tz'el yal in sat, yujto 'e'lb'a wec' 'a a sat, 'icha 'e'nc eb' in mam wicham.

Ex 2:22

'Ix 'alj jun yune 'ix; Gersón xyac' Moisés sb'ioc, yujto 'ix yal 'ixtic: Chuc chon̈b'al wajl 'a jun lugar tic, xchi.

Lv 25:23

A lum lum cha, matz tac' e chon̈n lum 'a jun 'ejmn̈ej, yujto wic lu'um, ax tic ton̈j 'e'lb'a eyec' 'a sat lum wu'uj.

Nm 10:30

Palta 'ix ta'w win Hobab chi 'ixtic: —Ma'ay, an tic 'oj in meltzj can pax 'a in lum 'aj 'ayc' eb' wican, xchi.

Nm 24:17

'Ay jun mach to caw najtto 'ay, palta tztac' wiln 'ati: 'ay jun rey 'oj checljoc chan̈ 'a scal eb' yin̈tl Jacob, caw tzictzni 'icha c'anal. A jun rey cha, 'oj yac' yajlil 'a scal eb' yin̈tl Israel. A 'oj satnc 'el chon̈b' Moab, a pax 'oj satnc 'el eb' yin̈tl win Set.

Mt 13:17

Wal yel tzwal 'ayex, til wal eb' schecb' Dios pecti', yet' jun tzo'n̈ xo eb' caw tojl sb'eyb'al, snib'jnac eb' yil jun tzeyil tic, palta ma'ix yil eb'. Snib'jnac pax eb' yab' jun tzo'n̈ tzeyab' tic, palta ma'ix yab' eb'.

Jn 12:41

Yaljnac can Isaías jun tzo'n̈ tic, yujto yiljnac swach'l Jesús. Yuj cha, atn yab'xil tic yaljnac.

Jn 8:56

A qui mam quichmec Abraham, tzaljnac yujto alxnac 'a 'a, to 'oj yil in jawi. In yiln toni, yuj cha, caw tzaljnac, xchi 'a ewinac.

Ro 4:21

yujto yojc win si'mb'il, to 'ay spoder Dios sb'on 'icha yaj yaln can 'a winac.

Ro 8:24

Yictax on̈ colchjec, tzca'c 'och yipc qui c'ojol, to 'oj qui wach' chac qui colnb'ilec. Q'uinloc tox 'ix qui chajec jun chi ticnec, to 'ixta', man̈x yowlalc tzat qui tan̈wjec sjawi. Yujto a tas tzquilc yet' qui sat, man̈xtzac qui tan̈wjec sjawi.

2 Co 4:18

Man̈ ca'c 'och qui nab'en 'a jun tzo'n̈ tas tzquilc yet' qui sat, yujto a jun tzo'n̈ tzquilc tic, ton̈j 'e'lb'a yeq'ui. A 'a jun tzo'n̈ tas matz quilec, ata tzca'c 'och qui nab'en, yujto a jun tzo'n̈ matz quilc cha, 'ayc'n̈ej 'a jun 'ejmn̈ej.

2 Co 5:6

Yuj cha, smasnil tiempo, tzca'c 'och Dios yipc qui c'ojol. Cojquec, ya' sb'a 'ayn̈ect 'ec' 'a jun qui niwnalec tic, mant toc 'ayn̈ec 'ec' 'a jun catut 'aj 'ayc' Cajlilec.

Ef 2:19

A 'a yic yalan̈, 'icha jun tzo'n̈ eb' chuc chon̈b'al yaji, 'ixta ex 'a sat Dios, yujto man̈ ex schon̈b'oc. Al ticnec, man̈x ex 'ichcta 'a 'a. Yujto schon̈b' ex xo quet' on̈. Yunnalx xo quet' qui masnil an̈ yic on̈ xo on̈.

A Ch'an̈ Carta D'a Eb' Hebreo 11:14

Yujto a eb' tzlaj aln 'ixta', caw tzch'oxl eb' si'mb'il, to wan sayn eb', tas 'oj yutc eb' sc'och 'a junx schon̈ab'.

A Ch'an̈ Carta D'a Eb' Hebreo 11:17

A Abraham, caw ya'jnac 'och Dios 'a sc'ojol. Yuj cha, yic yajx prowal yuj Dios, yijnac 'at Isaac, yic tz'at ya'nc xajmb'al-l yalni. Wach'xam ya'jnac Dios sti yuj Isaac cha, palta caw schaj sc'ojl Abraham ya'n jun c'otn̈ yunnal chi xajmb'alil.

A Ch'an̈ Carta D'a Eb' Hebreo 11:27

Caw ya'jnac 'och Dios 'a sc'ojol. Yuj cha, yelt 'a yol yic Egipto cha. Ma'ix xiw jac yuj yowl sc'ojl win rey cha. Caw te'n yutjnac snab'en, 'icha to caw yiljnac jun matz tac' quilnec, atn Dios.

A Ch'an̈ Carta D'a Eb' Hebreo 11:39

Smasnil eb' cha, 'ochnc eb' wach'l 'a sat Dios, yujto ya'jnac 'och eb' Dios 'a sc'ojol. Wach'xam 'ixta 'eb', palta mantzac schaj eb' jun tas ya'jnac can Dios sti yu'uj.

A Sb'ab'el Carta San Pedro 1:1

An tic Pedro 'in, schecb' in Jesucristo. Tzin tz'ib'j 'at jun in carta tic 'ayx ex pucnc can 'at 'a yol yic Ponto, 'a Galacia, 'a Capadocia, 'a Asia, yet' 'a Bitinia.

A Sb'ab'el Carta San Pedro 1:17

A Dios, 'oj sb'eyc'ojloc junjn 'anma', a tzyala tas sb'eyb'al jun jun. Yuj cha, toto tzcalc qui Mamoc, caw xiw coyc 'a 'a, ya' sb'a 'ayn̈ect 'ec' 'a yolyib'n̈q'uinl tic.

A Sb'ab'el Carta San Pedro 2:11

Ex chamc'ojlb'il wu'uj, man̈ qui chon̈b'oquec yolyib'n̈q'uinl tic, yujto ton̈j 'e'lb'a que'c 'a 'a. Yuj cha, tzin tew 'at 'ayex, caw man̈ e b'o jun tzo'n̈ tas tznib'j 'och e niwnal. Yujto a jun tzo'n̈ cha, caw tzon̈ juw 'el yu'uj.

1 Jn 3:19

Toto 'ay qui chamc'ojlalec, cojquec to yic on̈c xo jun cuynb'il caw yel. Toto 'ixta', man̈x 'a qui xiwc'ojlalec 'a sat Dios.