A Ch'an̈ Carta D'a Eb' Hebreo 10:26 - Chuj San Sebastian Bible

²⁶ A ticnec cojquec xo jun cuynb'il caw yel, palta toto munxoj wal 'a yol quico' tzon̈ meltzjec pax 'a qui patic, toto 'ixta', man̈x 'a junc xo xajmb'al tztac' ya'n lajwc qui mulec.

Chuj San Mateo Bible

²⁶ A ticnaic, cojtacxo jun ab'ix te yel. Yuj chi' tato an̈eja' cac'anoch co pensar co c'ulan chucal, man̈xalaj junocxo silab' syal yic'anel co mul.

A Ch'an̈ Carta D'a Eb' Hebreo 10:26 ပူးပေါင်းရင်းမြစ်များ

Lv 4:13

Toto smasnil eb' et chon̈b' tz'och spaltail, palta man̈ sc'anc sc'ojl eb' tzb'o'o, may pax junc mach tzyil cot sb'a to 'ay yowlal yuj in checnb'il an Jehová in.

Lv 4:2

Al yab' smasnil eb' et israelal, to an tzwal jun tzo'n̈ tic: Toto 'ay mach tz'och smul, palta man̈ sc'anc sc'ojl tzb'o tas 'ay yowlal sb'on yuj in checnb'il an Jehová in, yowlal tzyiclj smasnil jun tzo'n̈ 'oj wal tic.

Lc 12:47

Q'uinloc 'ay junc moso 'ojtnac, tas tznib'j spatron̈ tzb'o'o, palta man̈ listaoc tzyutj sb'a. Matz yiclj tas tzyal spatron̈ cha. A jun cha, caw niwn yailal 'oj 'ajxc 'och 'a yib'an̈.

Jn 13:17

Toto tznachj 'el jun tzo'n̈ tic eyu'uj, tzeyiclni, caw wach' eyico'.

Jn 9:41

—Octom xnachj 'el eyu'uj, chajtlto matz uj eyiln yic Dios. Toto 'ixta', ma'ix can e mul 'a eyib'an̈. Palta 'in tzeyala, to caw tztac' eyiln yic Dios cha, yuj cha, 'oj cann̈j e mul 'a eyib'an̈, xchi 'a eb'.

Dt 17:12

Palta toto 'ay mach tz'ec' 'a yib'an̈, tzb'onyaj junc chi 'a mun yico', man̈ 'ichaoc tzyutj win ya'mal 'och e ti chi yalni, atn win 'aych ya'malc servil Jehová qui Diosalec, mto tz'ec' 'a yib'n̈ 'icha tzyutj win juez chi yalni. A jun 'ixta tzyutj sb'a cha, tojln̈ej schami, sec 'ixta tz'aj yel maysch'olnil chi 'a e cal.

2 Ts 2:10

Til wal maysch'olnil 'oj sb'o winac, ax yixtn paxti win eb' 'anma 'oj satcn 'eli. 'Oj satcn 'ejm eb', yujto matz nib'j eb' tzya'ch sc'ojl 'a jun cuynb'il caw yel, sec tzcolchj eb'.

1 Ti 1:13

Al 'a yic yalan̈, caw b'uchwjnacn 'a Cristo. Caw wa'jnac in tul 'a 'a, 'ay 'aj b'ajb'il wu'uj. Palta caw x'o'ch sc'ojl Dios 'ayin, yujto ma'ix nachj 'el wu'uj, tas xin b'o'o, yujto mant in creyenteoc ta'.

1 Ti 2:4

Yujto tznib'ej, tzcolchj can 'el eb' 'anma smasnil. Tznib'j tzyojquej 'el eb' jun cuynb'il caw yel.

Santiago 4:17

Toto cojtquec tas wach' tznib'j Dios tzqui b'o'o, palta matz qui b'o paxi, to 'ixta', tz'och qui mulc 'a 'a.

1 Jn 5:16

Q'uinloc tzeyil junc quit creyenteal to wan sb'on maysch'olnil. Toto a jun tzb'o cha, matz 'ijx 'at yuj 'a chamel, tzex leslwi yu'uj, ax Dios 'oj 'a'nc sq'uinal. Palta 'ay jun tzo'n̈ maysch'olnil tzon̈ 'i'nec 'at 'a chamel. May tas tzwal 'ayex, to tzex leslwi yuj eb' tzb'on jun tzo'n̈ cha.

A Ch'an̈ B'ab'el Libro Samuel 2:25

Toto 'ay junc mach tz'och smul 'a junc yit 'anma'il, tztac' to tzcolwj Dios yet'oc. Palta toto 'ay mach tz'och smul 'a Jehová, ¿mach wal 'oj stac' scolni? xchi Elí. May xon yel'ch tas xyal smam eb' chi 'a 'a, yujto a Jehová tox 'ix sna'a to 'oj cham eb'.