Hageo 2:7 - Chuj San Sebastian Bible

⁷ 'Oj wac' 'ib'xoc chan̈ smasnil nacion̈, sec 'ixta 'oj yutc eb' yi'n cot smasnil sricoal, ax wul ya'nc eb' 'a watut tic. An tzwala, to 'oj b'ut'joc 'el yol watut tic yuj tas wach' yilxi.

Chuj San Mateo Bible

⁷ Ol laj vac' ib'xoc masanil nación, axo sb'eyumal eb', ol laj yic'cot eb' d'a in cajnub'. A in Jehová Yajal d'a Smasanil svala', ol b'ud'joquel in cajnub' tic yuj sb'eyumal eb' chi'.

Hageo 2:7 ပူးပေါင်းရင်းမြစ်များ

Gn 22:18

Yujto 'ix a yiclj tas 'ix wala, yuj cha, smasnil chon̈b' 'a yolyib'n̈q'uinl tic, 'oj scha eb' in yaxilal o'oj, xchi Dios 'a winac.

Gn 3:15

A ticnec, tzwa'cn 'och chacjb'al 'a a cal yet' 'ix 'ix, yet' smasnil en̈til, yet' yin̈tl 'ix. A yin̈tl 'ix tic, a 'oj ma'nc poj a jolom, ach xo 'oj a chi yich sq'uenl yoc yin̈tl 'ix cha, xchi Dios.

Gn 49:10

May junc mach tztac' yi'n 'ec' a jelnal Judá; may mach tztac' yi'n 'ec' a c'occh yic opiso 'a yol a c'ab', masnto 'oj jawc yajl te c'occh cha, atn jun mach to smasnil eb' chon̈b' 'oj yiclnoc 'a 'a.

A Ch'an̈ B'ab'el Libro Yic Yab'ixal Eb' Rey 8:10

Ax yic xlajw yelt eb' ya'mal 'och sti eb' 'anma 'a yojl yatut Jehová cha, caw xb'ut'j 'el yojl chi yuj 'asun.

A Ch'an̈ B'ab'el Libro Yic Yab'ixal Eb' Rey 8:11

Ax eb' ya'mal 'och sti eb' 'anma cha, man̈x 'ic stac' smunlj eb' 'a yojl jun n̈a cha, yujto caw wal xb'ut'j 'el yojl chi yuj stzictznil Jehová.

2 Cr 5:14

Yuj jun 'asn cha, man̈x 'ic stac' yoch eb' ya'mal 'och sti eb' 'anma yiln yopiso ta', yujto xmacchj 'el yojl chi yuj stzictznil Jehová.

Salmos 80:1

Ach quilmal an̈ israel on̈ tic, ach 'aych 'och yilmalc eb' yin̈tl José, eb' 'icha a calnelu yaji, 'aych 'ec' 'a a despacho 'a snan̈l eb' querubín, 'ab' wal tas tzwala.

Salmos 85:9

Caw wal b'ecn sc'ojl Dios scolwj 'a eb' tz'och 'emmquilal 'a 'a, sec 'oj checljoc cha'an̈, to 'ayc' 'a qui calc yet' spoder.

Is 2:19

A yic 'oj ya'n Jehová 'ib'xoc yolyib'n̈q'uinl tic, 'oj laj xiw chan̈ eb' 'anma', ax laj sc'ub'n 'el sb'a eb' 'a yol n̈aq'ue'en, 'a yojl eb' lum xab'. Ata 'oj sc'ub'c 'el sb'a eb', yujto caw 'ay smay yilx Jehová yet' stzictznial.

Is 60:4

Tzlajw cha, ax eyiln 'at 'a najat, tzex laj 'ec' q'uel-loc, to a smasnil eb' eyit chon̈ab', 'oj laj syamx sb'a eb', ax sjapx eb' 'ayex. 'Oj eyil scot eb' eyunnal 'a najat, mec'b'il eb' eyisil ax wul yajx can pax eb' 'ayex.

Is 60:7

Smasnil no calnelu 'ay 'a Cedar, 'oj eyico'oc no', ax e no mam calnelu 'ay 'a Nebaiot, a e no 'oj e c'anlb'oc yic 'oj eya'nc tz'a e no xajmb'al-l 'a yib'n̈ yet'l xajmb'al to wic yaji. 'Oj in cha e no eyofrendaoc. 'Ixta 'oj wutoc, sec 'ay yel'ch watut chi 'a e sat.

Ez 21:27

Caw 'oj satcn 'ejm chab' 'opiso tic masnto 'oj jawc jun mach 'ay yaln yic 'a 'a, caw an 'oj wac' 'a a'.

Ez 31:16

A yic xc'an̈ yem lan̈njoc cha, caw 'ix xiw jun tzo'n̈ nacion̈ yab'ni, ax yic 'ix 'emch 'a 'aj 'ay yet'l eb' chamnac, ax eb' chamnc chi 'ayc' ta', 'ix yij eb' sniwnal sc'ojol, atn eb' lajn yet' eb' te 'awb'ente 'ay 'a Edén yet' eb' te yic Líbano.

Ez 38:19

Yuj cha, ax wa'n cot jun niwquil quixcab' 'a in chon̈b' cha.

Ez 44:4

In yi'n pax 'at jun winc chi 'a 'aj 'ay junx puerta 'a stojlal norte, jun 'ay 'a yojltac yatut Dios. Ax xwilni, c'uxn 'ix macchj 'el yol yatut chi yet' stzictznial, cojn wal xwiln cha, in 'em n̈ojnjoc 'a sat lu'um.

Hageo 1:8

'Ixquec 'a lum calcte', tzeyi'n cot te te ta', yic tze b'on pax chan̈ watut jun 'ejm xo. 'Ixta to b'i'an, ax in can cajn ta 'a tzaljc'ojlal, ax eyi'n chan̈ in b'i ta'.

Malaquías 3:1

A Jehová tztac' yuj smasnil, a tzaln 'ixtic: 'Oj in b'ab'l checc 'at jun in checab', sec a 'oj b'ab'l b'onc in b'e an Yajl in tic yic mantzac in c'och 'ayex. An tan̈b'iln xon eyu'uj, wal 'a yajn̈ej ax woch 'a yol watut. Ax tic, tze nib'j xon tzjaw jun in checab' yic tzya'n b'o 'el'chc in trato, palta 'ab'ec, an ton 'oj in jawi.

Lc 19:47

Junjn c'u, 'ix c'och'c Jesús cuywjoc 'a yamq'uil yatut Dios cha. Ax ewin sat ya'mal 'och sti eb' israel 'a Dios, yet' ewin cuywjum 'a ley yic Moisés, yet' ewin yajl chon̈b' cha, 'ix sayn ewin tas tzyutj smilni.

Lc 2:27

'Ix 'at 'a yamq'uil yatut Dios, yujto 'ixta xyal Yespíritu Dios 'a 'a. Ax José yet' snun jun nene Jesús cha, a eb' x'i'n 'at jun 'unn chi 'a yamq'uil yatut Dios cha, yic tzb'on eb' 'icha yaj yaln can ley.

Lc 2:46

At 'a yoxl c'u 'ix 'ilchj yuj eb' 'a yamq'uil yatut Dios. Wocn 'ejm yet' eb' cuywjum 'a ley yic Moisés. Wan yab'xni 'a eb', tzc'anb'n pax jun tzo'n̈ tas 'a eb'.

Lc 20:1

'Ay jun c'u 'ix cuywj Jesús 'a eb' 'anma 'a yamq'uil yatut Dios, 'ix yaln 'el wach' 'ab'x yic colnb'il 'a scal eb'. Ax ewin sat ya'mal 'och sti eb' israel 'a Dios, yet' ewin cuywjum 'a ley yic Moisés, yet' ewin 'ichmtac winc 'ay yopiso, 'ix c'och ewin 'a 'a,

Lc 21:38

Ax 'a junjn c'u cha, xc'och eb' 'anma chi smasnil 'a yamq'uil yatut Dios yic tz'ab'xni eb' 'a 'a.

Jn 1:14

A jun Spaxti Dios sb'i cha, 'ochnc 'anma'il. Wulnc 'ec' 'a qui calc jun tiempoal. A jun cha, caw yel. Niwn swach'c'ojlal Dios xwul sch'ox 'ayn̈ec. 'Ix quil on̈ caw niwn yel'chi, yujto cojxn jun chi Yunnal Dios, checb'il cot yuj Smam.

Gl 3:8

'Aycto, yaln can 'a Ch'an̈ U'un̈, chajtlto ax man̈ ex israeloc, 'ayx 'oj eyoch wach'l 'a sat Dios, yujn̈ej to tzeya'ch e c'ojl 'a 'a. Yictax pecti', alb'il can wach' 'ab'x 'a Abraham, yic yalx 'a 'ixtic: O'oj, ax wa'n yaxilal 'a yib'n̈ smasnil 'anma 'a yolyib'n̈q'uinl tic, xchi Dios.

A Scarta San Pablo D'a Eb' Aj Colosas 2:9

A Cristo, tz'acn yajch Dios 'a 'a.