Hageo 2:4 - Chuj San Sebastian Bible

⁴ Palta man̈ a chab'c'ojloc a b'a ach Zorobabel, ach Josué yet' ex chon̈ab'. Munljan̈ec, yujto an Jehová in, tztac' wuj smasnil, 'ayn 'ec' eyet'oc.

Chuj San Mateo Bible

⁴ Ach Zorobabel, mocab' chab'ax a c'ool yed' ach Josué sat sacerdote. Mocab' chab'ax e c'ol ex chon̈ab'. Munlajan̈ec, yujto a in Jehová Yajal in d'a Smasanil, ayinec' eyed'oc.

Hageo 2:4 ပူးပေါင်းရင်းမြစ်များ

A Ch'an̈ Schab'l Libro Samuel 5:10

A Jehová Dios tzta'n̈j yuj smasnil, a 'aych yet' David, yuj cha, yel xo wal tzq'ue'ch yet' sjelnal.

1 Cr 22:13

Wach'n̈j 'oj 'el'choc smasnil, toto tza ya'ilj a yiclni scuynb'il, yet' sley 'ix yac' 'a Moisés cu'uj. ¡Te'n tzotj a b'a, 'ac' ep, man̈ ach xiwoc, man̈ a chab'c'ojloc pax a b'a!

1 Cr 28:20

¡'Ac' ep, te'n tzotj a b'a, 'och cab' munljel! Man̈ ach xiwoc, man̈ a chab'c'ojloc a b'a, yujto a Jehová qui Diosal a 'oj 'ochn̈j et'oc. Ma'oj ach yactcani, masnto 'oj lajwc c'och smasnil munljel 'oj 'a b'o 'a yatut Jehová cha.

Esdras 10:18

A eb' ya'mal 'och sti eb' 'anma 'a Dios yijnac sb'a yet' eb' 'ix 'ix cha, atn eb' tic: A 'a scal eb' yin̈tl Jesúa win yunnal Josadac, yet' 'a scal eb' yican: ata x'elt Maasías, Eliezer, Jarib, yet' Gedalías.

Esdras 5:2

Xlajw cha, a Zorobabel yunnal Salatiel, yet' Jesúa yunnal Josadac, 'ix 'ochx eb' 'a munljel, sb'on pax chan̈ eb' yatut Dios 'a Jerusalén, 'ix colwj eb' schecb' Dios chi yet' eb'.

Ex 3:12

'Ix ta'w pax Jehová, 'ix yaln 'ixtic: —Wal yel an 'oj woch et'oc, 'ay jun ch'oxnb'il 'oj wac' 'ayach, chajtlto an tzach in checb'ti. Ax yic tox 'ix 'elt eb' in chon̈b' chi oj 'a Egipto cha, ax wul eya'nc 'ejm e b'a 'ayn 'a jun witz tic, xchi Dios.

Hageo 1:13

'Ix waln 'ixtc 'a eb': A Jehová, a tzaln 'ixtic: 'Aynn̈ej 'ec' eyet'oc, xchi Dios, xin chi 'a eb'.

Zacarías 4:6

'Ix yaln pax jun ángel chi 'ayn jun 'ejm xo: A Jehová tztac' yuj smasnil a tzaln jun tzo'n̈ paxti tic 'ixtc 'a win Zorobabel: Man̈ yujoc eb' soldado, man̈ yujoc pax yip junc mach, ax sta'n o'oj, palta yuj Wespíritu.

Zacarías 8:9

A Jehová tztac' yuj smasnil, a tzaln 'ixtic: Te'n tzeyutj e b'a, ex to wan eyab'n jun tzo'n̈ paxti 'ix yalcn 'el eb' in checb' 'a yictax x'ejm yipnub'al yich watut sb'o'i, an Jehová in tztac' wuj smasnil.

Mr 16:20

Xlajw chi b'i'an, 'ix 'at eb' yal-l spaxti Dios 'a junjn lugar. 'Ix 'och Cajlil yet' eb'. 'Ix sch'ox jun tzo'n̈ milagro yet' eb', sec chequel to yel jun spaxti chi tz'ec' yal eb' cha. Ya' cab'i'.]

A Tas Sc'ulejnac Eb' Schecab' Jesús Hechos 7:9

A eb' qui mam quichmec cha, 'ay jun yu'tac eb' José sb'i. Ax 'a jun 'el, sutmjnac eb' schichn 'och 'a 'a. Yuj cha, schon̈n can 'at eb' 'a chon̈b' Egipto. Palta ax Dios, 'ochnc yet' José cha.

1 Co 16:13

Macwjan̈ec, caw te'n tzeyutj e b'a eya'n 'och e c'ojl 'a Cajlilec. Man̈ ex xiwoc. Caw tze te'wtzej e b'a junjn ex.

Ef 6:10

A ticnec ex wu'tac, ex wanab', caw te'n tzcutjec qui b'a 'a yol sc'ab' Cajlilec. 'Och cab' qui te'nalec yuj spoder.

Dt 31:23

'Ix yaln Jehová jun checnb'il 'ixtc 'a Josué win yunnal Nun: Caw te'n tzotj a b'a, man̈ ach xiwoc, 'aynn̈ej 'ec' et'oc, yujto ach 'oj e'ch eb' israel tic 'a sat lum lum 'aj 'ix wac' in ti wa'n 'ayex, xchi.

2 Ti 2:1

Ach xo, 'icha wal to wunnal ach. Caw te'n tzotj a b'a yuj swach'c'ojlal Dios tzyac' 'ayon̈, yujto junxn̈ej caj yet' Cristo Jesús.

2 Ti 4:17

Palta ax Cajlil, a 'ix 'och wet'oc. 'Ix colwj wet'oc. Yuj cha, xin wach' aln 'el wach' 'ab'x yic colnb'il. A wal eb' man̈ israeloc, c'uxn xlaj yab' eb' smasnil. A 'a jun 'el, 'icha to yamchjnacn yuj junc no león, 'ijn schin 'ejm no'. Palta ax Cajlil, a 'in coln can 'el 'a yol sti no'.

Josué 1:6

Te'n tzotj a b'a, man̈ ach xiwoc, yujto ach 'oj a pojc smacl lum eb' et israelal tic 'a 'a, atn lum 'aj wa'jnac in ti wa'n 'a eb' e mam eyicham.

Josué 1:9

An tzwala, te'wtzej a b'a, man̈ ach xiwoc, may cab' a chab'c'ojlal, yujto Jehová in, a Diosal in, 'aynn̈ej 'och et' 'aj tzach 'eq'ui, xchi Dios 'a Josué.

Jueces 2:18

A yic tzya'n 'och Jehová junc mach tzcolwj cha, ax tzcolwj yet'oc. Ya' sb'a pitznto jun colwjum cha, caw tzcolx 'el eb' 'a yol sc'ab' eb' 'ajc'ojl yu'uj. A yic tz'el yaw eb' yab'n syail, caw tz'o'ch sc'ojl Jehová 'a eb'.

A Ch'an̈ B'ab'el Libro Samuel 16:18

'Ix yaln jun 'a scal eb' schecb' chi 'ixtic: —'Ay wal jun win wojtac. Caw jeln win syucn te arpa cha, yunnal win Isaí winac. Ata cajn 'a Belén. Caw jeln winac, yojc ya'n owal. Caw wach' pax yilx 'ochi, jeln spaxtini, 'aychn̈ej Jehová yet'oc, xchi.