Hageo 2:22 - Chuj San Sebastian Bible

²² 'Oj wac' lajwc 'ejm yip smasnil jun tzo'n̈ nacion̈ 'ay 'a yolyib'n̈q'uinl tic, ax in juln 'ejm can yopiso eb' 'a sat lu'um. 'Oj wac' pil'chjoc smasnil caruaje yic owal, yet' jantcn̈ej eb' 'aych 'a yojol. 'Oj cham no chej yet' eb' soldado 'ay q'ue 'a yib'n̈ no', junjn eb' mun 'oj stzu' cham sb'a eb' yet' eb' ajun yet'oc.

Chuj San Mateo Bible

²² Masanil yipal juntzan̈ nación d'a yolyib'an̈q'uinal tic, ol laj in sateli, ol vic'ancanel yopisio eb' yajal. Ol laj vecq'ue pac'aljoc masanil carruaje yic oval yed' masanil eb' ayq'ue d'a yib'an̈. Ol laj cham noc' chej yed' eb' ayq'ue d'a yib'an̈ noc'. Junjun soldado ol xiclajcham sb'a yed' yetsoldadoal ajun yed'oc.

Hageo 2:22 ပူးပေါင်းရင်းမြစ်များ

2 Cr 15:6

'Ay 'anma tzyac' lajwc junc xo yit 'anma'il, 'ay pax jun tzo'n̈ chon̈b' tzyac' lajwc yit chon̈b'al, yujto a Dios tz'a'n somchjc 'el snab'en eb' yuj junjn macn̈ yailal.

2 Cr 20:22

Ax yic schan 'el eb' yich sb'itnan b'it, yic alj wach' paxti', 'ix ya'n 'elt Jehová jun tzo'n̈ winc 'a sat eb' amonita, eb' moabita yet' eb' xcot 'a lum jolm witz 'a Seir, eb' to tzcob' yac' owl yet' Judá yalni. 'Ix syamn 'och eb' smiln cham sb'a.

2 Cr 20:23

A eb' amonita yet' eb' moabita, 'ix sutmj 'och eb' ya'n owl yet' eb' xcot 'a lum jolm witz 'a Seir cha, yuj cha, 'ix lajw 'el eb' chi yuj eb'. Xlajw cha, 'ix smiln cham pax sb'a eb' jun xo.

Salmos 46:9

'Ix yac' lajwc jun tzo'n̈ owal, masnto 'aj tzlajw c'och yolyib'n̈q'uinl tic; 'ix wecchj can jul-lab' yu'uj, 'ix wecchj can pax jun tzo'n̈ lanza, xya'n can 'och sc'a'l jun tzo'n̈ caruaje yic owal.

Salmos 76:6

A wal yic x'el aw a xib'tn eb', caw wal man̈x 'ic stac' xon yib'x jac scaruaje eb', yet' pax schej eb'.

Ex 14:17

Ax wa'n pax pitb'oc 'el snab'en eb' 'aj Egipto cha, ax cob' yochx tza'n eb' eyuj snani, atn wal ta 'oj in ch'oxn in poder 'a win rey, 'a eb' soldado, 'a smasnil jun tzo'n̈ caruaje, 'a smasnil no chej yet' pax 'a smasnil eb' 'anma ajun yet' winac.

Ex 14:28

'Ixta 'ix 'aj a schan can pax sb'a, 'icha xon yaji. 'Ix mucchj can 'ejm scaruaje ewinac, ewin 'et'jnac e no chej yet' smasnil eb' soldado win rey cha, atn eb' xcob' 'och tza'n yuj eb' israel cha; c'uxn 'ix 'atcn eb' 'a yojl a', man̈x 'a junc eb' xcani.

Ex 15:19

A yic x'e't scaruaje win sreyl Egipto yet' jun tzo'n̈ xo eb' 'et'jnac no chej 'a yojl a mar, 'ix schan sb'a a 'a yib'n̈ eb' yuj Jehová. Ax pax eb' israel, caw wach' 'ix 'aj ye't eb' 'a stacn̈il lum lum 'a yojl a mar cha.

Ex 15:4

A scaruaje win sreyl Egipto, eb' soldado yet' eb' 'aych yajlil yet' winac, 'ix mucchjcan 'ejm eb' yet' jun tzo'n̈ chi 'a yojl a Chac Mar yuj Jehová. A eb' capitan̈ niwn yel'ch yet' yopiso, 'ix 'atcn eb' 'a yojl a mar cha.

Is 19:2

Yuj cha, xyaln Jehová 'ixtic: 'Oj wac' spoj sb'a eb' 'aj Egipto cha, ax laj ya'n junjn eb' owal: A eb' swach'c'ojl sb'a, 'oj yac' eb' owal; ax eb' chon̈ab', 'oj yac' eb' owl yet' yit chon̈b'al, ax ya'n eb' yajl owl yet' eb' yit yajlil.

Is 60:12

Palta ax jun tzo'n̈ nacion̈ ma'oj yal sc'ojl ex ya'n servil, c'uxn 'oj lajwc 'el eb'.

Is 9:19

Yujn̈ej yowl sc'ojl Jehová tztac' yuj smasnil, yuj cha, ax slajw 'el jun chon̈b' tic. 'Icha n̈ej stz'a te 'ac yuj c'ac', 'ixtan̈ej 'oj 'aj slajw 'ejm eb' 'anma tic, man̈x 'oj sna eb' yit 'anma'il.

Ez 21:27

Caw 'oj satcn 'ejm chab' 'opiso tic masnto 'oj jawc jun mach 'ay yaln yic 'a 'a, caw an 'oj wac' 'a a'.

Ez 26:16

Yuj cha, smasnil eb' rey cajn 'a sti a mar 'oj yactc can eb' sdespacho, ax yi'n 'el eb' spotil yet' jun tzo'n̈ spichl caw wach' yajch yelwnub'al, yet' wal xiwc'ojlal eb', ax yem wocn eb' 'a sat lu'um. 'A junjn rato, ax yib'x eb' yuj xiwlal, yujto tzyil eb' tas 'oj 'aj jun chon̈b' cha.

Ez 38:21

An 'oj wa' cot smasnil yailal 'oj xib'tnoc win Gog yet' eb' soldado. 'Oj wa' cot yab'il 'a yib'an̈, chamel yet' owal. Ax wa'n cot niwc sacb'at 'a yib'n̈ yet' eb' soldado yet' eb' yic jun tzo'n̈ xo nacion̈ ajun yet'oc. 'Oj cot pax 'ic'n̈ab', c'ac' yet' azufre 'a yib'n̈ eb', ax laj smil-lan sb'a eb' soldado chi yet' yespada.

Ez 39:20

'Oj lajwc cha, ax wa'n b'o jun niwn wa'el. 'Oj wac' b'o schib'jal e no schej, yet' schib'jal eb' soldado 'ay q'ue 'a yib'n̈ no', yet' pax yic eb' syajlil jun tzo'n̈ xo chon̈ab', sec 'oj wa e no si'mb'il, caw 'oj b'ut'joc e no'. An Jehová in, an tzwala.

Dn 8:25

Yuj wal sjelnal yet' yixtm 'anma'il, ax sq'ue'chi. Caw 'oj sb'an̈ sb'a si'mb'il, til wal eb' 'anma may jac tas nan yu'uj, ax smilx cham eb' yu'uj. Caw 'oj ste'wtzoc sb'a 'a sat Dios Syajlil eb' yajal. Wach'xam man̈oc eb' 'anma 'oj satnc 'eli, palta yowlal 'oj satxocn̈ej 'eli.

Am 2:15

A eb' tzjulwj yet' jul-lab', man̈x 'oj techjoc yuj eb'. An̈jtona eb' tz'a'n carela, man̈x 'oj colchjoc eb'. 'Ixta pax eb' 'oj 'at 'elc cob' 'a yib'n̈ chej.

Miqueas 5:10

A Jehová a tzaln 'ixtc 'ayx ex wit israelal: A 'a yic jun c'ul cha, 'oj in mil cham e chej, ax wa'n lajwc 'ejm e caruaje yic owal.

Miqueas 5:15

Yet' wal yowl in c'ojol, ax in pactzan 'a jun tzo'n̈ nacion̈ ma'ix yiclni tas xwala, xchi Dios.

Miqueas 5:8

Lajn wal 'oj 'aj eb' yin̈tl Jacob chi 'a scal nan̈loc nacion̈ 'icha junc no león 'ay 'a scal no calte'al noc', mto 'icha junc no león tz'och 'a scal jun b'ulc no calnelu. A yic tzc'och no', tzyamn cot no e no calnelu cha, tzcotc ch'iychtan 'at no'. Man̈x 'a junc mach tztac' scoln e no'.

Miqueas 5:9

'Ixtnta wal 'oj eyutc eya'n ganar eb' 'ajc'ojl yajch 'ayx ex yin̈tl can Jacob, caw 'oj e satcn 'el eb' smasnil.

Miqueas 7:16

'Oj yil pax jun tzo'n̈ xo nacion̈, tas 'oj ex wutoc, ax sq'uixw can 'el eb', wach'xam caw jeln eb', 'oj cancn eb' 'a 'icha to matz tac' spaxtini, matz tac' pax yab'n eb'.

Sofonías 3:8

Yuj cha, tan̈wjec sjaw jun c'ual yic 'oj in jaw wul in ch'oxl spaltail eb' maysch'olnil sb'eyb'al. An Jehová in, an tzwala: Tox 'ix in na'a, to 'oj wec syam sb'a smasnil nacion̈ yet' smacb'en, ax wa'n cot yowl in c'ojl 'a yib'n̈ eb'. Smasnil yolyib'n̈q'uinal, c'uxn 'oj lajwc yuj sc'a'l yowl in c'ojol.

Zacarías 10:11

A yic 'oj 'ec' eb' 'a scal yailal, 'icha to yojl a mar tz'ec' eb', an 'oj wi'l yip a mar cha, ax a Nilo 'oj tup 'ejm a'. 'Oj wac' lajwc 'ejm sb'an̈quinal eb' 'aj Asiria, ax wa'n lajwc pax yopiso eb' yajl yaj 'a Egipto.

Zacarías 10:5

'Oj ste'cn 'ejm eb' smasnil eb' 'ajc'ojl yajch 'a 'a, 'icha tzyutj eb' soldado ste'n chan̈ b'i'ch 'a yol caye. 'Oj yac' ganar eb' owal, yujto 'ayn 'och yet' eb'. A eb' soldado 'ay q'ue 'a yib'n̈ chej, 'oj can eb' 'a yaln̈ yuj eb'.

Zacarías 12:9

A wal 'a yic jun c'ul cha, an 'oj in satl smasnil nacion̈ 'oj 'a'nc owl yet' Jerusalén.

Zacarías 14:3

Palta yajn̈ej ax yelt Jehová yac' owl yet' jun tzo'n̈ nacion̈ cha, 'icha yutjnac ya'n owl 'a pecti'.

Zacarías 4:6

'Ix yaln pax jun ángel chi 'ayn jun 'ejm xo: A Jehová tztac' yuj smasnil a tzaln jun tzo'n̈ paxti tic 'ixtc 'a win Zorobabel: Man̈ yujoc eb' soldado, man̈ yujoc pax yip junc mach, ax sta'n o'oj, palta yuj Wespíritu.

Zacarías 9:10

A 'oj 'a'nc lajwc 'el scaruaje eb' yic Efraín, yet' schej eb' 'aj Jerusalén, atn no tz'at 'a owal, yet' syamc'ab' eb' yic owal. A jun rey chi 'oj alnc 'el junc'ojlal 'a smasnil nacion̈, ax ya'n yajlil 'a jun sti a mar, masnto 'a junx sti a', tzchaj 'at 'a sti a Éufrates, masnto 'aj tzlajw c'och sti lum lu'um.

Mt 24:7

'Ay jun tzo'n̈ niwc chon̈b' 'oj yac' owl sb'a yet' yit niwc chon̈b'al; ax ya'n owl sb'a eb' yajl yet' eb' yit yajlil. Til wal 'aj 'oj yamchjc eb' 'anma yuj yab'il, 'oj jawc pax wejl 'a yib'n̈ eb'. Til wal 'aj 'oj 'ec' pax quixcab'.

Apoc 11:15

'Ix yutz'n jun yucl ángel pax strompeta. Xlajw cha, x'och jun tzo'n̈ paxti 'a satcha'an̈. Caw 'ip 'ix yal 'ixtic: A eb' yajl yaj 'a yolyib'n̈q'uinal, wal ticnec tzcan yopiso eb' yico'oc Dios Cajlil, tzcan pax yico'oc Cristo. A 'oj 'a'nc Yajlil 'a jun 'ejmn̈ej, xchi eb'.

Jueces 7:22

Ya' sb'a tzyutz'j eb' 'oxe ciente israel chi scacha, ax eb' soldado madianita cha, 'ix ya'n Jehová somchjoc eb'. Mun a eb' xlaj smil cham sb'a 'a scamplamento cha. 'Ay pax eb' xlaj 'at 'eloc, masnto xc'och eb' 'a Bet-sita 'a stojlal cot Serera, 'a sti smon̈jonal lum Abel-mehola 'a stz'ey Tabat.

A Ch'an̈ B'ab'el Libro Samuel 14:16

Ax eb' macwjum 'aych yuj Saúl 'a Gabaa 'a yol yic Benjamín, ax xyiln eb' to caw sactzicnac yec' eb' filisteo chi 'elc yuj xiwlal.