Hageo 2:14 - Chuj San Sebastian Bible

¹⁴ Xlajw cha, xwaln 'ixtc 'a eb': A Jehová a tzaln 'ixtic: 'Icha wal yaj jun tzo'n̈ cha, 'ixta wal yaj eb' 'anma tic. A smasnil tas tzb'o eb', yet' tas tzlaj cob' yac' eb' 'ayin, jun 'ejmn̈ej man̈ wach'oc.

Chuj San Mateo Bible

¹⁴ Yuj chi' ix valani: A Jehová tz'alan icha tic: Icha chi' yaj juntzan̈ anima tic. Masanil tas sc'ulej eb' yed' tas syac' eb' d'ayin, juneln̈ej malaj svach'il.

Hageo 2:14 ပူးပေါင်းရင်းမြစ်များ

Pr 15:8

A eb' maysch'olnil sb'eyb'al, matz chaj sc'ojl Jehová xajmb'al eb', ax pax eb' tojl snab'en, caw tzchaj sc'ojl yab'n slesl eb'.

Pr 21:27

A Jehová matz chaj sc'ojl yofrenda eb' maysch'olnil, ocxom wal eb' tzyac' yofrenda yet' stu nab'enal.

Pr 21:4

A eb' tzb'an̈ sb'a, chan̈ yaj't sat eb' yic tz'ec' eb'; caw maysch'olnil jun nab'en cha, caw wal tu'.

Pr 28:9

Toto 'ay junc mach matz nib'j yab' sley Dios, an̈jtona ma'oj yab' pax Dios slesal.

Is 66:3

'Ay mach yel xo wal yajb'entac tas tzb'eylb'ej, caw wal tzalj eb' sb'on jun tzo'n̈ tic: 'Ay mach tzmiln junc wacx xajmb'alil, ax 'a in sat 'icha to a junc 'anma tzmila; a mach tzmiln junc no calnelu xajmb'alil, ax 'a in sat 'icha to a junc no tz'i tzc'uychtej 'el sjaj; 'ay mach tz'a'n sat yawb'en ofrendail, ax 'a in sat 'icha to a schic'l junc chitm tzyac'a; 'ay pax mach tz'a'n tz'a jun tzon̈ incienso, 'icha to a 'a yechl junc comn dios 'aj tzyal sb'a.

Os 9:4

Man̈x 'oj stac' eya'n yal uva ofrendail yuj eyi'n chan̈ Jehová, ma'oj scha pax e xajmb'al ta'. A tas 'oj e c'uxu', lajn 'icha tas tzc'uxx 'a yic 'ay junc chamel, yuj cha, a eb' 'oj c'uxnoc, man̈ wach'c 'oj 'ajcn eb' yu'uj. 'Oj b'ut'joc eb' yu'uj, palta ma'oj stac' yi'n 'at eb' jac 'a yatut Jehová.

Tito 1:15

An̈ tojlb'tzab'ilx qui nab'en, wach' smasnil tas 'ayon̈. Palta ax eb' matz ya'ch sc'ojl 'a Dios, eb' maysch'olnil xon snab'en, may junc tas wach' 'a eb'. Yujto a snab'en eb', toxn maysch'olnil. Man̈ jac tzyac' cuenta sb'a eb' yet' snab'en cha.

San Judas 1:23

Yet' pax eb' 'icha to 'ay't 'a scal c'ac', qui colc 'elt eb'. 'Icha to wan qui to'nec can 'elt eb' 'a scal c'ac' cha. 'Ay pax jun tzo'n̈ xo eb', yowlal tz'o'ch qui c'ojlec 'a eb'. Palta xiw coyc cab' pax yuj eb', yujto 'ay smay tzon̈ juwc 'el yuj sb'eyb'al eb'. Ax jun tzo'n̈ maysch'olnil chi tzb'o eb' cha, caw qui yajc can 'el smasnil, 'icha tzqui yajc 'el junc pichl caw b'i'chtac.