Hageo 1:6 - Chuj San Sebastian Bible

⁶ Caw niwn cob' tas tze yawej, palta jab' wal sat eyawb'en chi tze molo. Tzex wa cob'i', palta matz ex b'ut'ji. Tzeyu'j tas tzeyuq'uej, palta matz 'ec' e tacn̈ti'al. Tzeya'ch cob' e pichul, palta toxn matz ex q'uixnj yu'uj. A e tojl tze chaj yuj 'aj tzex munlji, matz eyil 'aj tzc'ochi, 'icha to oln e b'olsa 'aj tzeyac' 'ejmi.

Chuj San Mateo Bible

⁶ Te nivan tastac tzeyavej, palta quenn̈ej sat tze molo'. Tzex va'i, palta max ex b'ud'jilaj. Tzeyuq'uej a', palta max ec'laj e taquin̈tial. Tzeyac'och e pichul, palta max ex q'uixnajlaj yuuj. Axo mach scha stojol b'aj smunlaj d'a junoc c'u, ichato d'a yol mucuc olan yich syaq'uem stojol chi'.

Hageo 1:6 ပူးပေါင်းရင်းမြစ်များ

A Ch'an̈ Schab'l Libro Samuel 21:1

A 'a yol stiempoal rey David, 'oxe ab'il 'ix yac' wejel. Yuj cha, 'ix scanb'n David 'a Jehová tas yuj 'ixta wan yuji. 'Ix yaln Jehová 'a 'ixtic: A jun wejl tic, yuj smul Saúl yet' yuj eb' yin̈til, yuj cha, tzeyab'n syail, yujto milb'il cham eb' gabaonita yu'uj, xchi.

A Ch'an̈ B'ab'el Libro Yic Yab'ixal Eb' Rey 17:12

'Ix ta'w 'ix 'a win 'ixtic: —'A sat Jehová a Diosal tzwaln 'ayach, to man̈x xon junc woch uyb'nac. Cojxn wal jun jop jab' in harina 'ay 'a yol in xalu yet' jab'x in aceite 'a yol yet'ul, cojn tzin c'och yet' chab' in c'atztz tic, ax in b'on jab'x chi in c'ux yet' jun wune'. 'Oj lajwc xoj cha, ax qui tan̈wni b'a'n̈ 'oj qui cham yuj wejl on̈, xchi 'ix.

Nehemías 5:2

'Ay eb' tzalni to caw niwn yunnal eb', yuj cha, tzc'ann eb' 'ixm trigo sb'ococ, sec wach' matz cham eb' yuj wejel.

Job 20:22

A yic tzniwtj tas 'ay 'a eb', a paxta 'oj 'och st'uc eb'; yujto ata 'oj jawc scusc'ojlal eb' yuj eb' yit maysch'olnilal cha.

Job 20:28

A yic 'oj jawc yowl sc'ojl Dios 'a yib'n̈ eb', ata 'oj lajw can 'ejm smasnil sricoal eb' cha.

Salmos 107:34

A lum lum 'ay syaxil sat, tzyac' jelmjoc sat lu'um yic man̈x 'a sb'al tzyac'a; yuj smul eb' 'anma cajn 'a sat lu'um, 'ixta tz'aji.

Pr 11:24

'Ay wal eb' 'anma caw wal 'ela', b'ecn sc'ojl spojn 'ec' tas 'ay 'a 'a. A eb' cha, yel xo wal niwn tzyutj eb' schan spac. 'Ay pax eb' 'anma caw b'as, tzjaw meb'a'il 'a yib'n̈ eb'.

Is 5:10

A 90 ch'an̈l uva 'awb'il yuj junc mach, cojn waque'oc galón yal uva chi 'oj yac'a', ax junc smunljel jun quintal yin̈til, cojn jun almu 'oj yic' 'a jun smunljel cha, xchi Dios.

Jeremías 12:13

'Ix yawj eb' in chon̈b' 'ixm trigo, ax te q'uix xpa'chan̈ sjelc 'ixim, nab'an̈ej xmunlj eb'. Caw xlajw 'ejm yawb'en eb', q'uixwc'ojlal xoj tz'ec' eb' yuj jab' sat yawb'en tzlaj smolb'tzoc. Yuj ton wal yowl in c'ojl 'a yib'n̈ eb', 'ixta x'aj eb', xchi Dios.

Jeremías 14:4

Caw tzjat lum lu'um, yujto may n̈ab'. Yuj cha, a eb' munljum, caw tzsat sc'ojl eb', tzmac eb' sat yeq'ui.

Jeremías 44:18

Palta at 'a yic xcactn ca'n incienso yet' yal uva xajmb'al-l 'a 'ix syajlil satcha'an̈, ata xlajw 'ejm tas 'ay 'ayon̈, on̈ cham yuj wejel, yet' pax yuj owal, xchi eb'.

Os 4:10

Yujto in yactj can eb' in chon̈ab' yic xya'n servil jun comn dios tzcuch Baal, wach'xam 'oj cob' wa eb', mto tzway eb' yet' eb' 'ix 'ajmul 'ix 'a yet'l sdiosal cha, palta man̈ yujoc cha ax sniwtj ya'n tas 'awb'il yuj eb'. Ma 'oj q'uib' pax sb'isl eb'.

Os 8:7

Yuj maysch'olnil xlaj sb'o eb', yuj cha, caw niwn jun yailal 'oj jawc 'a yib'n̈ eb'. Toxn may jac tas 'oj yic' eb' 'a tas 'awb'il yu'uj, may harina 'oj yac' sat strigo eb'. Toxn̈ej 'ay jac 'oj smol eb' jun, palta a eb' chuc chon̈b'al 'oj wanoc 'a eb'.

Lv 26:20

Nab'an̈ej 'oj eyixtc e b'a e munlji, yujto a lum lum cha, man̈x 'a xon jac tas 'oj yac' lu'um, yet' pax smasnil te 'awb'ente', may xon sat te 'oj yac'a'.

Lv 26:26

Ya' sb'a macnex yic tze coln e b'a 'a yol e chon̈b' cha, a yic cha, 'oj wic' 'emt yoc e wa'i. Lajn̈e n̈al eb' 'ix 'ix 'oj b'onc tas tzc'ux 'a junc c'aq'uil. Yechl xoj 'oj 'aj yajx tas tze c'uxu. 'Oj cob' e wa'i, palta ma'oj e b'ut'ji.

Hageo 1:10

Yuj ton cha, man̈xtzac yac' n̈ab' 'a 'aj 'ayx tic, man̈x 'a pax sb'al lum lum tzyac'a'.

Hageo 1:5

An tzwal 'ayex, tzam e yil cot e b'a tas wan eyaji.

Hageo 1:7

An tzwal 'ayex: Tzcham wal e nan yuj tas xwal 'ayx tic.

Hageo 1:9

A tze na'a to niwn tas 'oj eyic' 'a e munljel, palta jab' wali. An Jehová in, an tzwala, a tas cob' tze mol 'a yol eyatut, 'icha to an tzwutz'j 'at yet' wic'. ¿Tas yuj 'ixta tzex wutj tze na'a? 'Ixta tzex 'aji, yujto lann̈chjnac 'ejm watut, ya' sb'a ax xo tic, cojn eyatut chi 'ayx 'och 'il e b'oni.

Hageo 2:16

'Iltec nab'an, a eb' cob' xmoln junc'loc 'almu yixm 'a yol yet'ul, ax yic xyi'n pax 'elt eb', cojxn lajn̈e 'almu x'el'chi. A eb' xmoln junc 50 ch'ub' yal uva 'a junc yet'l to niwn xon tzq'uet 'a yojol, ax x'aji, cojxn junc'l ch'ub' xq'uet 'a yojol.

Hageo 2:17

An 'ixta xwutj wa'n sat 'ejm tas molb'il eyu'uj, an xwa'ch syab'il tas 'awb'il eyu'uj, xwa'n cot sacb'at 'a yib'an̈, palta man̈ yujoc cha, ex meltzj pax 'ayin.

Zacarías 5:4

A Jehová tztac' yuj smasnil, a tzaln 'ixtic: An wal 'oj wa't jun yailal tic, sec wach' 'oj 'och 'a yol yatut eb' 'elc'um yet' eb' tzlocn in b'i yic tzya'n 'es, 'oj cann̈j jun yailal chi 'a junc n̈a cha, masnto 'oj lajwc 'ejm spatzb'il, man̈x 'a junc sq'uenal 'oj canoc, xchi Dios, xchi jun ángel cha.

Zacarías 8:10

Yujto a 'a yaln̈tax cha, may 'aj wach' tzcot stojl eb' winc tzmunlji yet' stojl no chej tzc'anlb'axi. Yujn̈ej eb' 'ajc'ojol, yuj cha, may junc'ojlal 'a scal eb' tz'elt b'eyc'oc. An xwa'ch eb' 'ajc'ojlal 'a jun tzo'n̈ xo eb'.

Malaquías 2:2

Ax tic, yowlal 'ay cab' wel'ch 'a e sat yet' eyopiso. Toto ma'oj eyicloc, to 'ixta', 'oj ex in catb'oc can 'eli. 'Oj wa'cn 'och e alj wach' paxti 'a catb' paxti'al. Wal yel, a jun eyopiso cha, tox xin catb'ej cani, yujto may yel'ch in checnb'il 'a e sat.

Dt 28:17

Caw wal may sch'olnil 'oj 'aj e trigo mto e cebada, may tas 'oj e c'uxu'.