Hageo 1:1 - Chuj San Sebastian Bible

¹ A 'a yic b'ab'l c'u yoch swacl 'uj yic schab'l ab'il yoch win Darío reyal, ata in schec Jehová an Hageo in tic yic tz'at in paxtinc yet' win gobernador 'a Judá, atn Zorobabel, yunnal can Salatiel, yet' pax Josué win sat ya'mal 'och sti eb' 'anma 'a Dios, win yunnal can Josadac.

Chuj San Mateo Bible

¹ D'a schab'il ab'il yoch vin̈aj Darío reyal, d'a sb'ab'el c'ual yic svaquil uj, a Jehová ix in checan a in Hageo schecab' in tic yic b'at in lolon yed' vin̈ sgobernadoral Judá, aton vin̈aj Zorobabel yuninal vin̈aj Salatiel yed' pax vin̈aj Josué, vin̈ sat sacerdote yuninal vin̈aj Josadac.

Hageo 1:1 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 10:15

Ax stojlb'al eb' chon̈wjum, yet' stojlb'al smasnil eb' rey 'a yol yic Arabia, yet' yic eb' yajl 'a yol yic Israel, man̈ 'ayc 'och jun tzo'n̈ chi stz'acb'oc.

A Ch'an̈ B'ab'el Libro Yic Yab'ixal Eb' Rey 14:18

Smasnil eb' israel 'ix mucn jun 'unn cha, x'och eb' 'a cusc'ojlal yu'uj, 'icha wal xyutj Jehová yaln 'a win Ahías, atn win schecab'.

A Ch'an̈ Schab'il Libro Yic Yab'ixal Eb' Rey 14:25

'Ix yi'n can pax 'ec' Jeroboam smasnil lum slum chon̈b' Israel 'e'nc yuj jun tzo'n̈ xo nacion̈ 'a yaln̈taxi, schaj 'at 'a 'aj tzon̈ 'och 'a Hamat, masnto 'a a mar yic Arabá, 'icha yutjnac yaln Jehová sDiosal chon̈b' Israel 'a Jonás atn jun schecab', win yunnal Amitai 'aj Gat-héfer.

1 Cr 3:17

A eb' yunnal Jeconías, win 'ijxnac 'at 'a 'icha presoal, a sb'ab'l 'unnal, atn Salatiel. Xlajw cha x'alj Malquiram, Pedaías, Senazar, Jecamías, Hosama yet' Nedabías.

1 Cr 3:19

Eb' yunnal Pedaías: atn Zorobabel, yet' Simei. Ax eb' yunnal Zorobabel: atn Mesulam yet' Hananías, yet' pax 'ix Selomit yanb' eb' cha.

Esdras 1:8

'Ix yaln win 'a win Mitrídates molm tumn yaji, to tzyij 'elt jun tzo'n̈ yamc'ab' cha, tzb'isni, tzlajw cha, tzya'n 'a Sesbasar win gobernador 'a Judá.

Esdras 10:18

A eb' ya'mal 'och sti eb' 'anma 'a Dios yijnac sb'a yet' eb' 'ix 'ix cha, atn eb' tic: A 'a scal eb' yin̈tl Jesúa win yunnal Josadac, yet' 'a scal eb' yican: ata x'elt Maasías, Eliezer, Jarib, yet' Gedalías.

Esdras 2:63

Xyaln win gobernador to matz tac' sc'uxn eb' tas to yic Dios yaji, at junc ya'mal 'och sti eb' 'anma 'a Dios 'oj c'anb'noc 'a q'uen Urim yet' 'a q'uen Tumim toto yel yin̈tl eb' ya'mal 'och sti eb' 'anma chi eb'.

Esdras 3:2

Xlajw cha, ax Jesúa yunnal Josadac, yet' jun tzo'n̈ xo eb' ya'mal 'och sti eb' 'anma 'a Dios, yet' Zorobabel yunnal Salatiel, yet' eb' yican, 'ix sb'on chan̈ eb' jun yet'l xajmb'al yic sDiosal chon̈b' Israel yic tzya'n tz'a eb' xajmb'al 'a yib'an̈, 'icha yaj stzib'x can 'a ch'an̈ ley yic Moisés, atn win schecb' Dios.

Esdras 3:8

A yic schab'l xo 'uj schan 'och schab'l ab'il sjapx eb' israel, 'ix 'el yich sb'ox yatut Dios jun 'ejm xo 'a Jerusalén. Eb' xb'oni, atn Zorobabel win yunnal Zalatiel, Jesúa win yunnal Josadac, yet' eb' ya'mal 'och sti eb' 'anma 'a Dios yet jun tzo'n̈ xo eb' levita, yet' smasnil eb' paxncta 'a Babilonia. 'Ix ya'ch eb' jun munljel chi 'a yol sc'ab' jun tzo'n̈ eb' levita to 'ec'b'al 'a junc'l ab'il sq'uinal.

Esdras 4:2

Yuj cha, 'ix 'at eb' 'a Zorobabel yet' 'a eb' yajl yaj 'a eb' yican, 'ix yaln eb' 'a eb' 'ixtic: —Comnoc tzchaj e c'ojl qui b'on jun munljel tic eyet'oc, yujto an̈ tic on̈ tzon̈ 'och pax 'emmquilal 'a Dios 'icha ex tic, atxo yic on̈ 'ijx cot yuj Esar-hadón sreyl Asiria, atxo ta 'on̈ c'ojl ca'n qui xajmb'al 'a e Diosal cha, xchi eb'.

Esdras 4:24

'Ixtnta 'ajnc yoch wan sb'o yatut Dios 'a Jerusalén 'a jun tiempoal cha, masnto yic schab'l ab'il yoch win Darío reyl 'a Persia.

Esdras 5:1

A eb' schecb' Dios 'a jun tiempoal cha, atn Hageo yet' Zacarías, yunnal Iddo, xyaln eb' 'a eb' 'aj Judá yet' 'a eb' 'aj Jerusalén yuj tas 'ix yal sDiosal eb' 'a 'a.

Esdras 5:3

A 'a yic jun tiempoal cha, 'ix jaw Tatnai gobernador yaj 'a junx sc'axpil 'ec' a Éufrates, yet' Setar-boznai, yet' jun tzo'n̈ xo yitb'eym eb', Xyaln eb' 'ixtic: ¿Mach 'ix aln 'ayex, yuj cha, tze b'on chan̈ jun n̈a tic? ¿Tas sb'i jun tzo'n̈ winc chi tzb'on chan̈ jun n̈a tic? xchi eb'.

Esdras 6:14

Ax eb' tzjucb'tzan jun munljel cha, x'ochx eb' swach' b'oc yatut Dios, masnto xlajw sb'o'i, 'icha wal yaj yaln can eb' schecb' Dios, atn Hageo, yet' Zacarías yunnal Iddo. 'Ixtnta x'aj swach' b'o yatut Dios cha. 'Ix b'o 'icha 'ix yutj yaln sDiosal chon̈b' israel, yet' tas xyal eb' sreyl Persia, atn Ciro, Darío yet' Artajerjes.

Nehemías 12:1

'Ay jun tzo'n̈ eb' ya'mal 'och sti eb' 'anma 'a Dios, yet' eb' levita 'ix meltzj paxt yet' Zorobabel win yunnal Salatiel, yet' pax Josué. Atn sb'i eb' tic: Seraías, Jeremías, Esdras, Amarías, Maluc, Hatús, Secanías, Rehum, Meremot, Iddo, Ginetón, Abías, Mijamín, Maadías, Bilga, Semaías, Joiarib, Jedaías, Salú, Amoc, Hilcías yet' Jedaías. Atn jun tzo'n̈ eb' tic yajl yaj 'a scal eb' yit ya'mal-l 'och sti eb' 'anma 'a Dios, yet' 'a eb' yican eb' 'a yol stiempoal Josué.

Nehemías 12:10

A eb' yin̈tl Josué, atn Joiacim, Eliasib, Joiada,

Nehemías 5:14

A yic sjunc'lil ab'il yoch Artajerjes reyal, in ya'n 'och gobernadoral 'a yol yic Judá, masnto 'ix tz'acw 32 ab'il yoch win reyal. A yic xwa'n gobernadoral 'a lajchwe ab'il, mun in cuenta in b'a yet' in gasto, may q'uen tumn to yic xon eb' gobernador chi 'ix in c'an 'elta, may pax tas 'ix in c'an yuj eb' wican.

Nehemías 8:9

Ax Nehemías gobernador yet' Esdras ya'mal 'och sti eb' 'anma 'a Dios, cuywjum paxi, yet' eb' levita cha, xyaln eb' 'ixtc 'a smasnil eb' chon̈ab': A jun c'u tic yic Jehová qui Diosal yaji, man̈ ex cusoc, man̈ ex 'oc'oc, xchi eb' 'a eb', yujto a smasnil eb' chon̈ab', tz'oc' eb' yab'n tas tzyal ch'an̈ ley cha.

Ex 4:13

Palta 'ix ta'w pax Moisés 'ix yalni: —¡'Ay, Mamin! Tzwal wal 'ayach, to man̈ in a checb'ti, caw wach' tza say junc xo mach tz'ati, xchi.

Hageo 1:12

Yuj cha, a win Zorobabel cha, yet' Josué yet' pax smasnil eb' 'anma paxn̈cta 'a Babilonia, a yic xyab'n eb' spaxti Jehová Dios 'ix wal cha, yuj cha, caw 'ix xiw eb', syiclni eb'.

Hageo 1:14

'Ixta xyutj Jehová ya'n snab'enoc win Zorobabel, gobernador 'a Judá, yet' win Josué, yet' 'a smasnil eb' 'anma'. A 'a yic 24 yoch swacl 'uj, yic schab'l ab'il yoch win Darío reyal, ata xqui yamx 'och qui b'on pax chan̈ yatut Jehová qui Diosalec tztac' yuj smasnil.

Hageo 1:2

A yic in c'och 'a eb', xwaln 'a eb' 'ixtic: A Jehová tztac' yuj smasnil, a tzaln 'ixtc 'ayex: Ax tic yet' eb' chon̈ab', a tzeyutj eyaln yet' eb' to 'ayt sc'och stiempoal sb'ox chan̈ watut jun 'ejm xo.

Hageo 2:10

A 'a yic 24 yoch sb'aln̈il 'uj 'a yic schab'l ab'il yoch win Darío reyal, ata xpaxtin pax Jehová 'ayn an Hageo in tic, schecb' in Dios, 'ix yaln 'ayn 'ixtic:

Hageo 2:20

An̈jtona 'a yic jun c'u cha, 'ix paxtin pax Jehová 'ayin.

Hageo 2:21

'Ix yalni to a tzaln 'ixtc 'a win Zorobabel, win gobernador 'a chon̈b' Judá: An 'oj wac' 'ib'xoc satcha'an̈ yet' lum lum tic.

Hageo 2:4

Palta man̈ a chab'c'ojloc a b'a ach Zorobabel, ach Josué yet' ex chon̈ab'. Munljan̈ec, yujto an Jehová in, tztac' wuj smasnil, 'ayn 'ec' eyet'oc.

Zacarías 1:1

A yic swajxquil 'uj yic schab'l ab'il xo yoch Darío reyal, ata xyal Jehová jun tzo'n̈ paxti tic 'ayn an Zacarías in tic, yunnal in Berequías, yixchicn in Iddo, schecb' Dios waji. Tzyaln 'ixtic:

Zacarías 3:1

'Ix yaln pax Zacarías 'ixtic: 'Ix ch'oxx wil junx tic 'a 'icha waychil. 'Ix wilni to a Josué sat ya'mal 'och sti eb' 'anma 'a Dios, lin̈n 'och 'a yojltac yángel Jehová, ax 'a stojlal swach' c'ab' Josué cha, ata lin̈n 'och win 'a'm queja, yuj yaln win smul Josué cha.

Malaquías 1:8

¿Tom wach' tze na'a, to an̈j 'ijnocn̈ej eya'n no noc' 'ay spaltail xajmb'al-l 'ayin: atn no matz uj yilni, no wecchjnac yet' no ya'ay? Q'uinloc tzeyij 'at jun tzo'n̈ noc' chi e siylab'oc 'a eb' eyajlil, ax eyilni, toto 'oj tzaljoc eb' schan 'ayex.