Habacuc 3:8 - Chuj San Sebastian Bible

⁸ Mamin Jehová, man̈oc 'a eb' a niwc a xcot owal. Man̈oc 'a a mar xc'ac'b' 'och yowl a c'ojol, yic ach 'at ac' owal, yuj a satn 'el eb' 'ajc'ojol, 'icha to ach q'ue 'a yib'n̈ a chej, yet' 'a yojl a caruaje yic owal.

Chuj San Mateo Bible

⁸ Mamin Jehová, man̈oc d'a a' nivac a' ix cot oval. Man̈oc pax d'a a' mar ix cot yoval a c'ool. Ayic ix ach b'at d'a oval yic tza satel eb' ajc'ool, ichato ix ach q'ue d'a yib'an̈ a chej, mato ach q'ue d'a yol a carruaje yic oval.

Habacuc 3:8 ပူးပေါင်းရင်းမြစ်များ

Salmos 104:3

Ach xa b'o chan̈ et'l 'a yib'n̈ a a', 'icha to a 'asn 'aych a caruajeoc, ax 'a scal 'ic' tzach 'eq'ui.

Salmos 114:3

A yic xch'oxn sb'a Jehová 'a eb' israel, ax a mar 'ix 'at a 'elc yu'uj; 'ix 'och wan a Jordán sb'eyi.

Salmos 114:5

¿Tas yuj 'ix 'at a mar chi 'eloc? ¿Tas yuj 'ix 'och wan a Jordán sb'eyi?

Salmos 18:10

Ach q'ue 'a yib'n̈ jun querubín, 'ix 'at jen̈n̈oc; 'ix 'at jen̈n̈oc 'a yib'n̈ 'ic'.

Salmos 45:4

Q'uen̈ 'a yib'n̈ a chej yet' a poder yic tza'n ganar owal yuj swach'loc paxti caw yel. Yet' wal stojlal tza b'onyaj eb' 'anma 'emmquilal yeq'ui. 'Ay cab' smay tas 'oj a b'o yet' a poder cha.

Salmos 68:17

A Dios smiyon̈al xo sb'isl scaruaje yic owal; ata xcot 'a yol scaruaje 'a Sinaí, 'ix jaw 'a scajnub'.

Salmos 68:4

B'itn coyc 'a Dios, qui b'itquec b'it 'a sb'i. Calc wach' paxti 'a jun mach tz'ec' 'a yib'n̈ 'asun, atn Jehová. Tzalj coyc 'a sb'i. Caw tzalj coyc 'a yojltac.

Salmos 77:16

Ach in Diosal, a wal yic ach yiln 'och a mar, caw xiw a o'oj, c'uxn 'ix 'ib'x chan̈ a xab'l yich.

Ex 14:16

A yic tzex c'och 'a sti a mar, tzej chan̈ a c'ab' yet' a c'ococh, tza'n 'at 'a yib'n̈ a'. 'Oj spoj sb'a a', ax scheclj chan̈ lum tacn̈ lu'um, sec 'oj e c'axw 'ec' 'a sc'axpil 'ec' a cha.

Ex 7:19

An̈jtona', 'ix yaln pax Jehová 'a Moisés 'ixtic: —Al 'a Aarón to tzya't sc'ab' yet' sc'occh 'a yib'n̈ smasnil a a 'a yol yic Egipto tic: a spac'b'a', a cotc a', a ton̈j pan̈n 'eq'ui, a 'ay 'a yol q'ue'en yet' a 'ay 'a yol jucub', 'oj 'och eb' a chic'al. An̈jtona a molb'il 'a yol b'el, 'a yol tzu, 'a yol q'uen ch'ub', c'uxn 'oj 'och a chic'al, xchi.

Ex 7:20

'Icha wal 'ix yutj Jehová yaln cha, 'ixta 'ix yutj Moisés yet' Aarón. 'Ix yi'n chan̈ Aarón te sc'occh cha, 'ix sma'n 'ejm 'a yib'n̈ a Nilo 'a yojltac win rey, yet' 'a sat smasnil eb' 'aych yajlil yet'oc. Yajn̈j wal cha, 'ix 'och a a chic'al.

Is 19:1

Atn jun tzo'n̈ paxti tic 'ix alx can 'el 'a yib'n̈ Egipto: 'Iltec wal sjaw Jehová, wocn q'ue 'a yib'n̈ jun 'asun, caw ji'lti sb'eyi yic tz'at 'a Egipto. Caw wal tz'ib'x chan̈ jun tzo'n̈ comn dios yic Egipto yuj smay, caw tzxiw pax eb' 'aj chon̈b' chi yu'uj.

Is 50:2

¿Tas yuj a yic in jawi, may mach x'ilchj wu'uj? ¿Tas yuj a yic in 'awji, may mach xta'w 'ayin? ¿Tom matz tztechj ex in coln 'el tze na'a? ¿Tom matz tac' ex wa'n 'el 'a libre tze na'a? Cojn junc paxti'al tzwala tztup chan̈ a mar, cusltac tz'ajcn sb'e a niwn a 'aj tzb'eyi, tzlaj cham no chay yuj tacn̈ti'al, tzc'a pax no', yujto man̈x 'a a a cha.

Is 66:15

Yujto a 'a scal c'ac' 'aychi ax sjawi, a scaruaje 'aj 'aychi, lajn wal sb'ey 'icha chacxuxm'ic'. 'Oj jawc wul yi'l yowl sc'ojl 'a eb' 'ajc'ojl cha. Lajn wal yowl sc'ojl chi 'icha sq'ue wan snich c'ac'.

Nahúm 1:4

A tzalni, yic tztup chan̈ a mar yet' eb' a niwc a tzb'eyi. A pax tzalni, yic tztacj chan̈ eb' lum lum yax sat, atn lum Basán, lum jolm witz Carmelo, yet' lum Líbano, atn lum 'aj 'ay te nichte' wan laj stacj 'ejm lojljoc.

Habacuc 3:15

'Icha to ach b'ey 'a yib'n̈ a mar yet' a chej, yuj cha, til wal x'ib'x can chan̈ a niwquil mar cha.

Mr 4:39

Yuj cha, 'ix q'ue wa'an, stenn 'och wan jun 'ic' cha, 'ix yaln pax 'a a mar 'ixtic: —Sictac tzach 'aji, xchi. 'Ixta to b'i'an, 'ix 'och wan jun 'ic' cha, caw sictac x'aj smasnil.

Apoc 16:12

Xlajw cha, ax jun swacl ángel, 'ix secn 'ejm sb'al svaso 'a yib'n̈ a niwquil a Éufrates. Ax jun a cha, 'ix tupi. 'Ix tacj can sb'e a'. 'Ixta x'aj sb'o jun sb'e eb' yajl xcot 'a stojlal 'aj tzq'uel c'u.

Apoc 19:11

Ax xwilni, jacn satcha'an̈. Ata 'ayc' jun chej caw sac. Ax jun 'ay q'ue 'a yib'an̈, Yiclum sb'i, Yel pax sb'i. Yujto caw tojl tzyutj sb'eyc'ojlwi, xya'n pax owal.

Apoc 19:14

Ax eb' soldado smasnil 'a satcha'an̈, tza'n 'och eb' yu'uj. Caw wach' spichl eb', caw sac. May jac lum 'aych 'a 'a. 'Ay q'ue junjn eb' 'a yib'n̈ schej caw sac.

Apoc 6:2

Ax xwilni, 'ay jun chej caw sac, 'ay jun 'ay q'ue 'a yib'an̈, yamb'il jun sjul-lab' yu'uj. 'Ix 'ajx pax jun scorona. Xlajw cha, x'ati, x'at ya'nc owal, yuj ya'n ganar si'mb'il.