Habacuc 3:2 - Chuj San Sebastian Bible

² Mamin Jehová, a wal yic tzwab'n yab'xil smasnil tas tzlaj a b'o', caw wal tzsat in c'ojl yu'uj. B'o tas 'a qui tiempoal tic, 'icha tas a b'ojnac 'a yic pecti cha. Wach'xam 'a scal yowl a c'ojol, palta ch'ox quil tas tz'aj yo'ch a c'ojl 'ayn̈ on̈.

Chuj San Mateo Bible

² Mamin Jehová, ayic svab'an yab'ixal masanil tas a b'onac, ste sat in c'ol yuuj. B'o icha tas a b'onac d'a peca' chi' d'a co tiempoal tic. Vach'chom d'a scal yoval a c'ool, ch'ox oq'uelc'olal d'ayon̈.

Habacuc 3:2 ပူးပေါင်းရင်းမြစ်များ

Esdras 9:8

Palta a ticnec Mamin Jehová, qui Diosal ach on̈, a yuj a chamc'ojlal 'ayn̈ on̈, wach'xam jaywn̈ wal qui b'ey on̈ 'elt 'a libre tic on̈, palta tztac' qui b'on pax 'ejm qui b'a 'a sat lum lum to ec yaji. Ach qui Diosal on̈, 'ix ac' qui tzaljc'ojlal jun 'ejm xo on̈, on̈ a coln pax 'elt 'aj 'ayn̈ 'och mosoal on̈.

Job 42:5

A 'a yic yaln̈taxi ton̈j tzwab' alxi, palta ax ticnec, caw wal tzach wilch yet' in sat.

Salmos 119:120

Mamin, a 'in niwnal tic, tz'ib'x yuj xiwlal 'a ojltac, yujto caw niwn yel'ch a ley 'a in sat.

Salmos 25:6

Mamin Jehová, na cot a chamc'ojlal yet' a wach'c'ojlal 'ayin, atn jun tox xa ch'ox 'ilxoc.

Salmos 38:1

Mamin Jehová, man̈ in ac' cuenta yet' yowl a c'ojol, man̈ a'ch in yail yet' a c'a'lc'ojlal.

Salmos 44:1

Ach qui Diosal on̈, 'ix cab' wal yet' qui chicn on̈, 'ix yaln pax eb' qui mam quichm 'ayn̈ on̈, yuj tas 'ix a b'o yet' eb' 'a yic pecti'.

Salmos 71:20

Wach'xam til wal yailal 'ix a ch'ox wila', yet' pax cusc'ojlal, palta 'oj in a'x pitzwoc jun 'ejm xo; 'oj in e'x q'uet 'a yol lu'um,

Salmos 78:38

Palta a Dios, caw tz'o'ch sc'ojl 'a eb', tzyac' lajwc smul eb', matz satx 'el eb' yu'uj. Til wal 'ejm tzyij 'ec' yowl sc'ojl 'a yib'n̈ eb', matz yac' 'el'choc yowl sc'ojl 'a eb'.

Salmos 85:6

¿Man̈x am tzac' jacx qui tzatzl on̈, sec wach' tzon̈ tzalj pax et' on̈?

Is 53:1

¿Toc 'ay mach xchan 'ab'nc tas 'ix calc 'eli? ¿Tom 'ay mach x'ojcan 'el spoder Jehová ch'oxb'il yu'uj?

Is 54:8

'Ix cot wowl 'aych jun tiempoal, yuj cha, xin c'ub'n 'el in b'a 'ayach, palta yuj in chamc'ojlal 'aych 'a jun 'ejmn̈ej, yuj cha, 'ix 'o'ch pax in c'ojl 'ayach, an Jehová in a colmal waji.

Is 63:15

Mamin Jehová, 'ilt on̈ cot 'a jun et'l to ecn̈ej yaji, atn satchan̈ 'aj cajn ach 'eq'ui, jun 'ajtil 'aych 'ec' yet' a niwn chamc'ojlal yet' pax 'a poder. ¿'Ajtil 'ay a wach'c'ojlal chi jun? ¿Tom xlajw c'och a chamc'ojlal chi 'ayn̈ on̈?

Is 66:2

An Jehová in, an tzwala. An b'ojnac smasnil tas, 'ixta 'ajnc spitzw chan̈ smasnil. Palta an tic tz'o'ch in c'ojl 'a eb' 'anma 'emmquilal yeq'ui, eb' tzlaj yab' syal yuj smul, eb' to 'ay yel'ch in paxti 'a sat.

Jeremías 10:24

'A'n̈ cuenta 'a 'icha wal yaj 'a tojlal, comnoc man̈oc yet' yowl 'a c'ojol, toq'ue tzon̈ a satl on̈.

Jeremías 10:7

Ach sReyl smasnil nacion̈, ¿tom 'ay junc mach man̈ smojc tzxiw 'ayach? Smoj wal to 'ay el'ch 'a smasnil sat 'anma'. A 'a scal smasnil eb' jelan, yet' 'a scal eb' rey 'a yolyib'n̈q'uinl tic, caw may junc mach lajn et'oc.

Jeremías 29:10

Tzwaln pax junx tic: A yic 'oj tz'acwc 70 ab'il e c'och 'a Babilonia cha, ax in colwj pax eyet'oc, 'oj wac' 'el'choc in ti wa'jnac cani, chajtlto 'oj ex wi'x meltzjoc 'a tic jun 'ejm xo.

Jeremías 46:28

Ex yin̈tl can Jacob, in checb' eyaji, caw man̈ ex xiwoc. 'Aynn̈ej 'och eyet'oc, 'oj in satl smasnil jun tzo'n̈ nacion̈ 'aj ex wac' sactzic can 'ati. Palta ax xo tic, ma'oj ex in satli. Ton̈j 'oj wa'ch yailal 'a eyib'an̈, 'icha wal smoj e chani, ma'oj e cann̈j 'a 'ichn̈jta', xchi Dios.

Lm 3:32

Wach'xam tzya'ch wal qui yailalec, palta tz'o'ch pax sc'ojl 'ayn̈ec, yujto caw wal niwn schamc'ojlal.

Dn 8:17

Xlajw cha, xjaw Gabriel chi 'a in tz'ey. Caw in xiw yu'uj, in 'em cumnjoc 'a yojltac. 'Ix yaln 'ixtc 'ayin: Ach winac, 'ojquej 'eli to a tas tzyal 'el'ch jun x'el cha, atn tas 'oj ujc 'a slajb' c'ual, xchi 'ayin.

Dn 9:2

A yic yab'lil xo yoch win Darío chi yajlil, an Daniel in tic, 'ayn 'och in cuy jun tzo'n̈ ch'an̈ libro yic Dios, tzin nan yuj tas yaljnac can Jehová 'a Jeremías atn jun schecab', chajtlto a chon̈b' Jerusalén 'oj ma'xoc 'ejm lan̈chjoc, ax scan 70 ab'il 'a sictaquil, xchi 'a ch'an̈ un̈ tz'ib'b'il can yuj Jeremías.

Habacuc 3:1

An Habacuc in tic, schecb' in Dios, atn jun in lesl tic.

Habacuc 3:16

A yic xwab'n smasnil tas 'oj jawc 'a quib'n̈ chi 'on̈, caw in xiw cha'an̈. 'Ix 'ib'x chan̈ in ti'. Smasnil in niwnal, caw man̈x 'a yip, tzanxn̈ej 'aj in telwi. Wach'xam 'ixta 'oj 'ajoc, palta caw junc'ojlaln̈ej waj in tan̈wni jun c'ual yic 'oj jawc yailal oj 'a yib'n̈ eb' tz'a'n owl quet' on̈.

Zacarías 1:12

'Ix ta'w jun yángel Jehová cha, xyaln 'ixtic: Mamin Jehová tztac' oj smasnil, 'ayx 70 ab'il scotcn yowl a c'ojl 'a yib'n̈ Jerusalén yet' 'a Judá. ¿Jantcto wal tiempo 'oj yac'a', 'ixta to b'i'an, ax scusch a c'ojl 'a eb'? xchi.

Jn 10:10

'Ay eb' 'icha junc 'elc'm tzjawi, tzyelc'n eb' smil junc calnelu. Aln tic, tzin jaw wul wac' sq'uinl eb' 'anma 'a jun 'ejmn̈ej, sec wach' caw niwn swach'c'ojlal Dios 'oj scha eb'.

Ro 10:16

Palta man̈ smasnilc eb' tzyiclni jun 'ab'x yic colnb'il tic. 'Icha yaj yaln can Isaías: Mamin, ¿toc 'ay mach xchan 'ab'nc tas 'ix cal on̈? xchi.

A Scarta San Pablo D'a Eb' Aj Filipos 1:6

Tox 'ix syamch Dios sjeln e b'eyb'al. A ticnec, caw wojtac an̈j 'ijnoc 'oj munljocn̈ej 'och 'ayex, masnto 'oj tz'acwoc e wach'il 'a jun c'ual yic 'oj jawc pax Jesucristo.

A Ch'an̈ Carta D'a Eb' Hebreo 11:7

A Noé, caw ya'jnac 'och Dios 'a sc'ojol. Yuj cha, yic yaln Dios 'a 'a, to tzjaw jun mant checloc, atn jun caw 'ay smay, syicljnac. Yuj cha, sb'ojnac jun barco, sec ata tzcol sb'a yet' eb' yico'. Ax jun tzo'n̈ xo eb' 'anma', c'uxn lajwnac 'el eb' smasnil. An̈jtona', yaljnac Dios to wach' Noé chi 'a sat, yujn̈ej to ya'jnac 'och sc'ojl 'a 'a.

A Ch'an̈ Carta D'a Eb' Hebreo 12:21

Caw xiwnc eb' yiln jun tzo'n̈ cha. An̈jtona Moisés, yaljnac 'ixtic: Caw tzin 'ib'x yuj xiwlal, xchi.

Apoc 15:4

Toc 'ay junc mach ma'oj xiw 'aych Mamin. Toc 'ay junc ma'oj alnoc wach' paxti 'ayach. Yujto cojxn ach caw wach'chn̈ej. 'Oj cot eb' 'anma 'a junjn nacion̈, 'oj wul yal sb'a eb' 'ayach. Yujto xlaj yil eb', chajtlto caw tojl tzotj a b'eyc'ojlwi, xchi eb'.