Habacuc 3:17 - Chuj San Sebastian Bible

^17-18 An tic, caw 'ay in tzaljc'ojlal oj Jehová ach in Colmal. Wach'xam matz nichn te higo, wach'xam matz satn te uva yet' te olivo, wach'xam may sat smasnil 'awb'en; wach'xam tzsat 'ejm no calnelu, yet' no wacx 'a yol scolal, palta 'oj waln̈j in wach' paxti 'ayach.

Chuj San Mateo Bible

^17-18 Tzin te tzalaj val uuj ach Jehová in Columal, vach'chom man̈ ol xumacan te' higo, man̈ ol satan te' uva yed' te' olivo, man̈ ol yac' sat tas tz'avchaji, vach'chom ol satel masanil noc' calnel yed' noc' vacax d'a yol macte', palta ol valn̈ej vach' lolonel d'ayach.

Habacuc 3:17 ပူးပေါင်းရင်းမြစ်များ

Jeremías 12:4

¿B'a'n̈ wal 'oj 'och wan stacj lum lum tic, yet' te c'ultc tzlo e no noc'? A e no noc', yet' e no ch'ic, wan laj scham e no yuj smaysch'olnilal eb' 'anma 'a jun nacion̈ tic. A snan eb' to matz el tas tzb'o eb', xin chi 'a Dios.

Jeremías 5:17

'Oj sc'ux 'ejm eb' sat smasnil eyawb'en, yet' tas tze c'uxu. 'Oj smil eb' eyunnal yet' eb' eyisil. 'Oj schi 'ejm eb' e no e calnelu yet' e no e wacax. 'Oj slo 'ejm eb' sat eyuva yet' e higo. Ax syamc'ab' eb' yic owal, a 'oj yac' eb' ma'nc 'ejm lan̈chjoc e chon̈b' 'aych smuroal, jun to 'aych yipc e c'ojol, xchi Dios.

Miqueas 6:15

'Oj eyawc eyawb'en, palta may tas 'oj e jach'a'. 'Oj e te'l yalil sat e olivo, palta man̈oc ex 'oj e c'ana'. 'Oj e te'l yalil sat e uva, palta man̈oc ex 'oj eyuc' yal uva cha.

Malaquías 3:11

An tzwala, man̈x 'oj in cha lajwc 'el eyawb'en yuj no noc', ma'oj in cha 'ixtxoc sat eyuva yic mantzac 'e'maxi.

2 Co 4:8

'Icha to caw oyn 'och yailal 'ayn̈ on̈, palta matz on̈ can 'a yaln̈ yuj on̈. 'Ayn̈ 'och 'a somc'ojlal on̈, palta matz qui wach' 'a'j somchjc 'el qui b'a on̈.

2 Co 4:9

Caw tzon̈ 'ixtx 'aj tzon̈ laj 'ec' on̈, palta matz on̈ 'actx can qui ch'ocj on̈. Caw tzon̈ ma'x telwc on̈, palta matz on̈ lajw 'el 'a jun 'ejmn̈ej on̈.