Habacuc 2:6 - Chuj San Sebastian Bible

⁶ Palta a smasnil eb' 'anma 'a jun tzo'n̈ nacion̈ tz'ijx 'ec' cha, 'oj b'uchwjoc eb' 'a eb' caldeo tz'i'n 'ec' lum lum cha, ax laj yalnc eb' 'ixtic: ¡'Oltacx wal ax tic! Caw tzex 'och ricoal yuj tas man̈ eyico'oc. ¿B'a'n̈ wal tzex 'och wan eyecn syam sb'a smasnil tas tze chaj yuj eyixtm 'anma'il? 'oj schic eb'.

Chuj San Mateo Bible

⁶ Palta masanil eb' anima d'a juntzan̈ nación tz'ac'ji ganar chi', ol b'uchvaj eb' d'a eb' chi', ol yalan eb' icha tic: Ob'iltac ex, yujto ix ex och b'eyumal yuj tastac man̈ eyicoc. ¿B'aq'uin̈ ol eyactej e molb'anq'ue b'ulan masanil tas tze cha yuj eyixtan eb' quetanimail? xcham eb'.

Habacuc 2:6 ပူးပေါင်းရင်းမြစ်များ

Salmos 94:3

Mamin Jehová, ¿jantcto wal tiempo tzyac' eb' maysch'olnil tic sgana?

Pr 22:16

A mach yuj snib'n 'och sb'a ricoal, yuj cha, tzyixtn eb' meb'a', yet' junc mach tz'a'n junc tas 'a eb' rico yic tzmontn eb', a eb' cha, 'oj lajwc 'ejm yuj meb'a'il.

Is 10:13

Xcob' yal win 'ixtic: Yuj wal sjelnal in nab'en 'ix 'el'ch jun tzo'n̈ xin b'o tic. Caw 'ay in nab'en, yuj cha, xnachj 'el in b'on jun tzo'n̈ tic. Xtechj in jeln smon̈jonal jun tzo'n̈ xo nacion̈. Xlaj wi'n can 'ec' smasnil tas 'ay 'a eb', xtechj pax in te'n can 'ejm eb' rey chi yet' in jelnal.

Is 44:20

A jun tzo'n̈ 'anma 'ixta tzyutj sb'a cha, 'icha to a stan̈il c'ac' tzc'ux eb', juwnacx 'el snab'en eb', satnc eb'. A jun tzo'n̈ 'anma cha, ma'oj stac' scoln sb'a eb'. Matz nachj 'el yuj eb', toto a tas b'ob'il yuj eb' cha, may jac yel'chi.

Is 5:8

'Oltac wal eb' cob' niwn yatut tzb'o'o, tzcob' smacn 'ec' eb' lum lum smasnil yico'oc. Tznib'n eb' to man̈x 'a tas tzcan 'a junc xo mach, tznib'n pax eb' to cojxn eb' tzcajn junc chon̈b' cha.

Is 55:2

¿Tas yuj tze comn lajj e tumn 'a tas to matz c'uxxi? ¿Tas yuj tze comn lajj e tumn 'a tas to matz b'ut'j e c'ojl yu'uj? Tzcham wal eyab'n tas 'oj wal 'ayex: Toto yiclum tzeyutj e b'a 'ayin, 'oj wac' e c'ux tas wach', 'oj e b'ut'j wal si'mb'il.

Jeremías 17:11

A eb' tz'och ricoal yuj 'ixtj 'anma'il, lajn eb' 'icha junc no ch'ic tzman̈n 'elt no n̈olb' to man̈ yico'oc. Caw wal yol ste'nal eb' 'ay, ax yactn can eb' sricoal cha. Ax 'a slajub', ata 'oj checljoc 'eli, to may xon snab'en eb'.

Jeremías 29:22

Yuj cha, ex 'aj Judá, ex to 'ijxnac 'at 'a Babilonia, toto 'ay junc ex tze nib'j tze catb'tzej can junc xo mach, 'ixtc cab' tzeyutj eyalni: Sb'o cab' Jehová et' 'icha yutjnac win Sedequías yet' win Acab, a ewin tic, 'ix yac' win Nabucodonosor n̈usxoc eb', xchi cab'i'.

Jeremías 50:13

Yujto 'oj cot wal wowal, man̈x 'a xon junc mach 'oj cancn cajn 'a jun chon̈b' cha. Cusltac lum 'oj 'ajcni. Smasnil mach 'oj b'ey ta', caw 'oj xiw eb' yiln yuj jantc yailal 'oj jawc 'a yib'an̈.

Ez 32:21

Ax yic 'oj c'och eb' yet' eb' rey chamnc xo, ax yaln eb' rey 'ayc' chi ta 'ixtic: ¡'A, sjaw ewin xcham yuj owal! Ewin ma'ix 'a'n 'och sc'ojl 'a Dios, 'oj can teln sniwnal eb' 'a tic quet'ec, 'oj xchic eb'.

Miqueas 2:4

A 'a yic jun c'ul cha, 'oj stz'ac b'itnc sb'a eb' 'ajc'ojl yuj ex sb'uchni. 'Oj yal eb' 'ixtic: A wal ticnec, caw wal on̈ lajwec 'el 'a jun 'ejmn̈ej, a qui chon̈b'ec to yic Jehová yaji, caw xjelmj mach 'ay yico'. Man̈x 'a mach tztac' stenn 'och wa'an. A eb' on̈ lajnec 'el cha, tox 'ix spojc' eb' qui lumec 'a 'a, 'oj schic eb' 'a sb'it cha, xchi Dios.

Habacuc 1:15

A eb' caldeo tz'i'n 'ec' jun tzo'n̈ xo nacion̈, lajn eb' 'icha tzyac' eb' yamn chay. A eb' yamn chay cha, tzyij q'uet eb' no chay chi yet' slucub', mto yet' schim, caw wal tzalj eb', yic tzyiln eb' tz'aj q'uet b'uln no'.

Habacuc 2:12

'Oltacx wali, xcob' laj e b'o e chon̈b' yuj smasnil tas xlaj eyac' ganar 'a spatc maysch'olnil. Ex 'och ricoal yuj e milm cham 'anma'il.

Habacuc 2:13

A smasnil jun tzo'n̈ e munljel 'aj 'ix c'unb' eb' nacion̈ 'emnc eyuj cha, caw nab'an̈ej. A c'ac' 'oj satnc 'el smasnil tas sb'ojnac eb' cha. 'Ixta 'ix yutj Jehová snani, atn jun tztac' yuj smasnil.

Nm 23:18

Xlajw cha, syamn 'och Balaam yaln 'ixtic: Balac ach yunnal Zipor, tzcham wal ab'n tas 'oj wala':

Nm 23:7

Xlajw cha, 'ix syamn 'och Balaam yaln 'ixtic: Atta 'ayn 'ec' 'a jun lum witz 'a stojlal 'aj tzq'uel c'u, 'a yol yic Aram, yic in ya'n 'ijxoc cot Balac sreyl Moab. 'Ix yaln 'ixtc 'ayin: Lem, cotn̈ muc'uc, wul catb'tzej can eb' israel tic, alcn 'el tu paxti 'a yib'n̈ eb' yin̈tl Jacob, xchi 'ayin.

Lc 12:20

Palta xyaln Dios 'ixtc 'a winac: Ach tic, caw may jac a nab'en. A 'a jun 'ac'wl tic ax a chami. Ax jantcn̈ej tas cob' molb'il o'oj, ¿machm 'oj 'ica'anoc? xchi 'a winac.

A Sb'ab'el Carta San Pedro 4:7

A ticnec, jab'xoj 'oj lajwc 'ec' smasnil tas. Yuj cha, caw lista tzcutjec qui b'a. Te'n tzcutjec qui nab'en qui leslwi.