Habacuc 2:20 - Chuj San Sebastian Bible

²⁰ Palta an Jehová in, 'ayn 'ec' 'a yol watut to cojn in 'ay wico'. Yuj cha, smasnil tas 'ay 'a sat lum tic, sictac cab' tz'aj 'a wojltac, xchi Dios.

Chuj San Mateo Bible

²⁰ Palta a Jehová, ayec' d'a yol stemplo yicn̈ej yaji, yuj chi' numanocab' tz'aj masanil tas ay d'a yolyib'an̈q'uinal tic d'a yichan̈.

Habacuc 2:20 ပူးပေါင်းရင်းမြစ်များ

Job 37:20

An tic, matz in te'wtzej in b'a walni to tzin paxtin yet' Dios. Toto tzin c'an paxtinc in b'a yet'oc, 'icha to wan wi'n cot chaml 'a wib'an̈.

Salmos 11:4

A Jehová 'ayc' 'a yatut, atn jun to yicn̈ej yaji. A 'a satcha'an̈ ata 'ay sdespacho, tzcham wal yiln tas tzqui b'o an̈ 'anman̈ec tic.

Salmos 115:3

Ach qui Diosal on̈, ata 'aych 'ec' 'a satcha'an̈, a smasnil tas a nib'jnac a b'o', b'ob'il eb' o'oj.

Salmos 46:10

'Ix yaln Dios chi 'ixtic: 'Actjec eya'n owal, 'ojquejec 'eli chajtlto an ton Dios in. 'Oj alxoc 'el wab'xil 'a jun tzo'n̈ nacion̈ 'a smasnil sat lum lum tic, to cojn in niwn wel'chi, xchi.

Is 41:1

Tzyal Dios 'ixtic: Ex chon̈b' cajn 'a sti a mar, sictac tzex 'aj 'a wojltac. Te'wtzejc e b'a e masnil ex nacion̈. Cotn̈ec, yamn tzon̈ 'ajec, tzqui mol alnec jun tzo'n̈ tic.

Is 6:1

A 'a jun ab'il 'aj chamnc win rey Uzías, ata sch'ox sb'a Cajlil 'ayin. Wocn 'ejm 'a sdespacho 'a caw cha'an̈, ax yol yatut b'ut'jnac 'el yuj sti spichul.

Is 66:1

'Ix yaln pax Jehová 'ixtic: A satcha'an̈, a chi in despacho yaji, ax lum lu'um, a chi sb'achnub' woc yaji. Ax xo tic, ¿'aj wach' tze b'o junc watut yic tzin 'ilj 'a 'a?

Is 66:6

'Ay jun 'aw checl yoch 'a yol chon̈ab', a jun 'aw cha, ata 'ay 'a yol yatut Dios. A Jehová a wan ya'n 'och syailal eb' 'ajc'ojl yajch 'a 'a, wan ya'n spac yic junjn mach, 'icha tas smoj schani.

Jonás 2:4

A 'ix wutj walni, tox in a julcn 'el 'a ojltac 'a jun 'ejmn̈ej, a xin na'a, to man̈x 'oj wil atut to ec yaji.

Jonás 2:7

A wal yic wan slajw in q'uinl xwab'i, ach in nan cot Mamin Jehová. 'Ix c'och in lesl 'aych 'a atut to ec yaji.

Miqueas 1:2

E masnil ex wit chon̈ab', 'ab'c wal jun tzo'n̈ tic. Tzcham wal e maclni e masnil ex cajn 'a yolyib'n̈q'uinl tic: A Jehová Cajlilec, 'ayc' 'a yol yatut to yicn̈ej yaji, a 'oj alnc 'el e mul.

Habacuc 3:1

An Habacuc in tic, schecb' in Dios, atn jun in lesl tic.

Sofonías 1:7

Sictac tzex 'aj 'a wojltac an Jehová Yajl in tic, yujto jab'xoj sjaw jun c'u yic 'oj wa'nc yowl in c'ojol. Tox 'ix wac' lista jun tzo'n̈ xajmb'al. Tox 'ix in si'l pax eb' 'awtb'il cot wac wet'oc.

Zacarías 2:13

Sictac cab' tz'aj smasnil 'anma 'a yolyib'n̈q'uinl 'a yojltac Jehová, yujto tzjaw yuj eb' schon̈ab', spet 'a scajnub' to yicn̈ej yaj 'a satcha'an̈, xchi Zacarías.