Habacuc 2:15 - Chuj San Sebastian Bible

¹⁵ 'Oltac wal eb' tz'a'n 'u'wc 'an̈ junc yit 'anma'il masnto tzq'ue 'a sjolm yuj eb' yuj yiln eb' sq'uixwelal. 'Ixta pax ex ax tic, 'oltacx wali, yujto a yet' yowl e c'ojol, 'ix eyi'n 'el sq'uixwel jun tzo'n̈ nacion̈ cajn 'a e tz'ey. Toxn̈ej xwotz'm 'ec' eb' eyuj 'icha 'u'm 'an̈.

Chuj San Mateo Bible

¹⁵ Ob'iltac eb' tz'ac'an an̈ an̈ yuq'uej eb' yetanimail ay d'a slac'anil spat yic syil sq'uixvelal eb' eb'. Icha ex pax ta' a ex tic, ob'iltac ex, yujto a yed' yoval e c'ol ix eyac' q'uixvelal juntzan̈ nación ay d'a e lac'anil.

Habacuc 2:15 ပူးပေါင်းရင်းမြစ်များ

Gn 9:22

Ax yic xyiln win Cam, atn win smam win Canaán, to jitn 'el smam cha, 'ix tzetzni, 'ix 'at yalnc yab' eb' yu'tac chi schawn̈il.

A Ch'an̈ Schab'l Libro Samuel 11:13

Ax David cha, 'ix yawtj 'at win Urías chi wac yet' 'a yatut. 'Ix ya'n win David 'u'wc 'an̈ win si'mb'il. Ax 'a sq'uic'b'alil cha, 'ix 'elt win Urías 'a 'aj 'ay cha, ax yet' eb' soldado tan̈wjnac yatut win rey, ata 'ix wayx win yet' ewinac, ma'ix 'at 'a yatut.

Ex 32:25

'Ixta to b'i'an, 'ix nachj 'el yuj Moisés to a eb' 'anma cha, schaj sc'ojl eb' ya'n squixwloc 'a sat eb' 'ajc'ojl yajch 'a eb', man̈x 'ic tenchj 'och wan eb' yuj Aarón.

Is 28:7

An̈jtona', 'ay jun tzo'n̈ xo eb' 'anma tztectn 'ec' yuj te 'an̈ cha, tzlaj sicb' 'el eb' yuj yowl te'; atn eb' ya'mal 'och sti eb' 'anma', yet' eb' tzyalch sb'a schecb'oc Dios. A yic 'u'm 'an̈ eb' cha, caw wal tzsomchj snab'en eb', yuj cha man̈xtzac tznachj 'el yuj eb' tas tzyal Dios, man̈ wach'c tzyutj eb' sb'on yaj eb' 'anma'.

Is 28:8

Smasnil mexa, b'ut'jnac 'el sat yuj xej eb', caw tu sjab'.

Is 5:22

'Oltac wal eb' cob' jeln yu'n 'an̈, to caw 'ay snab'en eb' yalni. Yuj cha, tzlaj cob' ya'nc eb' scalc sb'a te 'an̈ cha.

Jeremías 25:15

A Jehová qui Diosalec an̈ israel on̈c tic, a 'ix aln 'ayn 'ixtic: Yaj jun vaso b'ut'n yet' yal uva, tzyal 'el'chi atn yowl in c'ojol. Cha'aj, tzlajw cha, ax a'n yuc' smasnil nacion̈ 'aj 'oj ach in checb'ti.

Jeremías 51:7

'Ix in c'anlb'ej Babilonia yuj wa'n 'och yowl in c'ojl 'a yib'n̈ smasnil nacion̈. A Babilonia tic, lajn wal x'ajc' 'a yol in c'ab' 'icha junc vaso nab'a oro 'aj xwac' 'u'wc 'an̈ smasnil eb' cajn 'a yolyib'n̈q'uinl tic. A yic xyu'n eb' nacion̈ jun 'an̈ cha, caw 'ix q'ue 'a sjolm eb'.

Os 7:5

A yic sc'ul schan win rey sq'uin̈, ax eb' yit yajlil winac, 'ix ya'n eb' 'u'wc 'an̈ win si'mb'il. Toxn̈ej tzcomn tzalj win yet' eb' tzb'uchwj 'a 'a.

Habacuc 2:14

Tz'acn 'oj yutc yojcan 'el smasnil 'anma stzictznil Jehová, 'icha wal tz'aj sb'ut'j 'el a mar yuj a a'.

Habacuc 2:16

Ax ticnec, 'ix c'och sc'ul eyico', man̈x 'oj eyijx cha'an̈, palta to 'oj 'ilxoc e q'uixwelal. A Jehová 'oj 'a'nc eyac' e q'uixwloc 'icha junc 'u'm 'an̈. 'Oj eyab' syal yu'uj, 'icha wal yailal 'ix eya'ch 'a yib'n̈ jun tzo'n̈ nacion̈ cha. Yuj cha, a e b'an̈quinal, q'uixweltac 'oj 'ajcn yu'uj.

Apoc 17:2

A eb' niwc yajl 'a yolyib'n̈q'uinal, c'uxn sb'o eb' 'ajmulal yet' 'ix. Ax eb' 'anma 'a yolyib'n̈q'uinal, 'ix juw 'el eb' yu'uj. 'Icha to x'och eb' 'u'm 'an̈il yuj jun 'icha yal uva jawnc sti', a xyac' 'ix 'a eb', atn yajmulal 'ix, xchi 'ayin.

Apoc 17:6

Ax xwilni, caw 'u'm 'an̈ 'ix yuj schic'l eb' yic xo Dios, atn eb' milb'il chamoc, yujto xyac' eb' testigoal sb'a yuj Jesús. Xcaw sat in c'ojl wiln jun cha.

Apoc 18:3

Yujto smasnil nacion̈, x'och eb' 'u'm 'an̈il yuj yal yuva jawnc sti xyac' 'a eb', atn yajmulal. Ax eb' niwc yajl 'a yolyib'n̈q'uinal, sb'o eb' 'ajmulal yet'oc. Ax smasnil eb' chon̈wjum, x'och eb' ricoal yu'uj, yujto caw tzyac' sobra tas 'ay 'a 'a, xchi jun ángel cha.