Habacuc 1:9 - Chuj San Sebastian Bible

⁹ C'uxn tzsatl eb' smasnil tas 'a 'aj tzlaj 'eq'ui. Caw tzniwtj chan̈ xiwc'ojlal yuj tas tzb'o eb'. Yel xo niwn sb'isl eb' 'anma tzyij 'at eb' 'icha presoal, lajn wal sb'isl eb' 'icha yarenail sti a mar.

Chuj San Mateo Bible

⁹ Satcanel masanil tastac eb' b'aj tz'eq'ui, ste q'uechaan̈ xivc'olal yuj jantac tas sc'ulej eb'. Icha sb'isul yarenail sti' a' mar, icha chi' sb'isul eb' anima syic'b'at eb' d'a schon̈ab'.

Habacuc 1:9 ပူးပေါင်းရင်းမြစ်များ

Gn 41:49

'Icha yarenail sti a mar, 'ixta yilx 'och 'ixm trigo smolcn chan̈ José, til wal x'aj 'ixim. Yuj cha, xyactn yechtani, man̈xtzac stac' sb'isni jantc 'ixim.

A Ch'an̈ Schab'il Libro Yic Yab'ixal Eb' Rey 12:17

A 'a yic jun tiempoal cha, a Hazael sreyl chon̈b' Siria, 'ix yac' owl yet' chon̈b' Gat, 'ix 'ajx ganar Gat chi yu'uj. Xlajw cha, 'ix 'at ya'nc owl yet' Jerusalén.

Job 29:18

'Ix waln 'ixtc yet' in nab'en: An tic, til wal sc'ul 'oj wila', lajn sb'isl 'icha yarenail sti a mar. Caw wal 'ichmal 'oj waj in cham 'elt 'a yol wet'ul.

Salmos 139:18

Toto cob' tzin yamch in b'isn nan̈loc eb', palta yel xo wal 'ec'b'al sb'isl eb' 'a yib'n̈ q'uen arena. Q'uinloc tztechj in b'isn eb', palta an̈ja 'ayn to 'ec' 'a ojltac in chan a wach'c'ojlal.

Is 27:8

A Dios 'ix ya'ch yailal 'a yib'n̈ schon̈ab', atn 'a yic yijx 'at eb' 'icha presoal. 'Icha wal tz'aj yutz'x 'at junc tas yuj 'ic' tzcot 'a 'aj tzq'uel c'u, 'ixta wal 'ajnc yijx 'at eb'.

Jeremías 15:8

Caw 'oj niwtj sb'isl eb' 'ix chamnc yichmil wu'uj. Lajn 'oj 'aj eb' 'ix 'icha wal yarenail sti a mar. Wal 'a caw chimc'ual, ax wa'n jawc chaml 'a yib'n̈ eb' 'ix nunb'il yet' 'a yib'n̈ yune eb' 'ix.

Jeremías 25:9

yuj cha, 'oj wawtc cot smasnil eb' chon̈b' 'ay 'a stojlal norte, yet' pax in checb' Nabucodonosor sreyl chon̈b' Babilonia, yic wach' tzjaw eb' yac' owl 'a jun chon̈b' tic, yet' 'a smasnil jun tzo'n̈ xo nacion̈ 'ay 'a stz'ey, yet' smasnil eb' cajn 'a 'a. 'Oj in satl eb' smasnil. Jun 'ejmn̈ej 'oj wac' lajwc 'ejm eb'. Ax eb' 'oj 'ilnc eb', 'oj xiw eb' yuj eb', 'oj b'uchxoc eb' yuj eb'.

Jeremías 34:22

An Jehová in, an tzwala: 'Oj wac' jawc pax eb' 'a jun chon̈b' tic jun 'ejm xo, ax ya'n pax eb' owl yet'oc. 'Oj 'ejmc yuj eb', ax sn̈usn can eb'. Ax jun tzo'n̈ xo chon̈b' 'a yol yic Judá, 'oj wa'cn 'och eb' 'a cusltac lumal, man̈x 'a junc 'anma 'oj can cajn 'a 'a, xchi Dios.

Jeremías 4:11

A wal 'a yic jun tiempoal cha, 'oj yal Dios 'a eb' 'anma 'aj Jerusalén 'ixtic: 'Ay jun tacn̈ 'ic' tzcot 'a lum jolmctac witz 'ay 'a lum cusltac lu'um. A 'a stojlal in chon̈b' tzcot jommoc, a jun 'ic' cha, man̈ lajnoc 'icha junc 'ic' tzc'anlb'ax 'a yic tzchayx 'ixm trigo.

Jeremías 4:7

'Icha tz'aj yelt no león 'a 'aj 'ay swaynub', 'ixta tz'aj scot eb' 'oj wul satnc 'el jun tzo'n̈ nacion̈ tic. Tox 'ix 'elt eb' 'a yol schon̈ab', yic tzwul satxoc 'el e chon̈b' yuj eb'. Caw 'oj sma'cn 'ejm lan̈chjoc eb', man̈x 'a xon junc mach 'oj can cajn 'a 'a, xchi Dios.

Ez 17:10

Wach'xam 'oj cob' 'awxoc paxi, palta man̈x 'oj wolnoc, ax 'ic' 'oj cot 'a stojlal 'aj tzq'uel c'u, a 'oj ma'nc tacjoc. 'Oj tacjoc chan̈ 'a yet'l 'aj 'awb'il cha, xa chi 'a eb', xchi Dios 'ayin.

Ez 19:12

Palta 'ix to'x chan̈ te yuj yowl sc'ojl Dios. 'Ix sma'n wecchjoc sb'a te yem 'a sat lu'um. Ax jun 'ic' xcot 'a stojlal 'aj tzq'uel c'u, a 'ix ma'n tacjoc, 'ix pucl te sat. A eb' te sc'ab' cha, 'ix tacj eb' te', xlajw cha, 'ix 'ajx tz'a eb' te'.

Dn 11:17

Caw 'oj yac' yip yet' smasnil eb' soldado yi'n 'ec' smacb'en win sreyl sur cha. 'Oj yac' jun strato yet' jun rey cha, ax ya'n 'at jun yisl yistloc winac, yic tzya'n 'ejm snani. Palta ma'oj 'el'choc 'icha tas tzna cha.

Os 1:10

Palta 'ay jun c'ual, 'oj niwtjoc pax sb'isl eb' israel tic, lajn 'oj 'aj eb' 'icha yarenail sti a mar, man̈x 'a mach 'oj stac' sb'isni. A yic cob' tzwaln 'a eb' 'ixtic: Man̈ ex in chon̈b'oc, xin chi 'a eb'; a pax ta 'oj alxoc 'ixtc yuj eb': A eb' 'anma tic, caw yel yunnal jun Dios pitzn eb', 'oj schioc.

Os 13:15

Wach'xam 'oj e niwtj chan̈ 'a scal eb' eyit israelal, palta 'oj cot wowl 'ayex. Lajn 'oj 'aj scot 'icha tacn̈ 'ic' tzcot 'a cusltac lum 'aj tzq'uel c'u, yuj cha, 'oj tup chan̈ eb' a spac'b'a' yet' eb' a c'ob'a'. Ax eb' 'ajc'ojl yajch 'ayex, a eb' 'oj 'i'nc 'at smasnil e ricoal.

Habacuc 1:17

¿Tom 'oj a'n̈j yamchjoc jun tzon̈ xo nacion̈ yuj eb' caldeo yet' yipal soldado eb', yic tzsatx 'el eb' yuj eb' 'a man̈x 'a niwnc'ojlal?

Habacuc 1:6

'Oj wi' cot eb' caldeo wul yac' owl eyet'oc. A jun tzo'n̈ 'anma cha, jun 'ejmn̈ej caw matz 'o'ch xon jac sc'ojl eb'. Cojn owl tznib'j eb', c'uxn tz'ec' yoymtoc eb' yolyib'n̈q'uinal yuj smacn 'ec' eb' lum lum to man̈ yico'oc.

Ro 9:27

Palta yaljnac can Isaías yab'xil eb' quit israelal chi 'ixtic: A eb' wit israelal, wach'xam caw niwn 'oj 'aj sb'isl eb' 'icha sb'isl yarenail sti a mar, palta jaywn̈n̈ej eb' 'oj colchjoc.

Jueces 7:12

A eb' madianita cha, eb' amalecita yet' jun tzo'n̈ xo eb' cajn 'a stojlal 'aj tzq'uel c'u, 'ix puc eb' 'a lum pan̈n 'a'lic chi 'icha no c'ulub'. Til wal scameyo eb', man̈x b'ischjb'enoc e no 'icha yarenail sti a mar.