Habacuc 1:6 - Chuj San Sebastian Bible

⁶ 'Oj wi' cot eb' caldeo wul yac' owl eyet'oc. A jun tzo'n̈ 'anma cha, jun 'ejmn̈ej caw matz 'o'ch xon jac sc'ojl eb'. Cojn owl tznib'j eb', c'uxn tz'ec' yoymtoc eb' yolyib'n̈q'uinal yuj smacn 'ec' eb' lum lum to man̈ yico'oc.

Chuj San Mateo Bible

⁶ Ol vic'cot eb' caldeo yic syac' oval eb' eyed'oc. A juntzan̈ anima chi', juneln̈ej malaj jab'oc yoq'uelc'olal eb'. An̈ej oval sgana eb'. Tzec' yoymitej yolyib'an̈q'uinal tic eb' yic syicancan lum luum eb' man̈ yicoc.

Habacuc 1:6 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 24:1

A 'a yol stiempoal Joacim 'ix cot Nabucodonosor sreyl Babilonia yet' eb' soldado, yic tzya'n eb' owl yet'oc. 'Ix 'och 'a yol nacion̈ cha, ax Joacim 'oxe ab'il 'ix syiclj tas xyal win Nabucodonosor cha. Palta yajn̈ej sjeln snab'en, 'ix meltzj 'och 'ajc'ojlal 'a 'a.

A Ch'an̈ Schab'il Libro Yic Yab'ixal Eb' Rey 24:2

Palta 'ix chec cot Jehová eb' soldado 'aj Babilonia atn eb' caldeo, eb' sirio, eb' moabita, yet' eb' amonita yic tzwul yelc'noc eb' tas 'ay 'a chon̈b' Judá, sec wach' tzjuw 'el yuj eb', 'icha yaj yaln can eb' schecb' Dios.

2 Cr 36:17

Xlajw cha, xchecx cot win rey yet' eb' soldado 'aj Babilonia yuj Jehová, yic tzya'n owl yet' eb' 'aj Judá cha. A yic 'ix 'ajx ganar eb', 'ix milx cham eb' quelm yet' espada a yol yamq'uil yatut Dios. Man̈x 'a jac sniwnc'ojlal 'a eb' quelem, 'a eb' cob'es, yet' 'a eb' 'ichmtac 'anma man̈x 'a yip. Xya'ch Jehová smasnil eb' 'a yol sc'ab' jun rey cha.

2 Cr 36:6

Ax Nabucodonosor sreyl Babilonia a 'ix 'a'n owl yet'oc, 'ix sjaln yet' cadena, xyi'n 'at 'a Babilonia cha.

Is 23:13

'Iltec wal x'aj lum Tiro, jun chon̈b' to an̈j 'a tic tzjaw te barco, palta ax eb' 'aj Babilonia 'ix laj b'onc chan̈ jun tzo'n̈ torre 'a spatquil 'el chon̈ab', xlaj sma'nc lan̈chjoc eb' jun tzo'n̈ niwc despacho, 'ix satn can 'el eb'. A eb' 'aj Babilonia 'ixta xmunlji, man̈oc eb' 'aj Asiria.

Jeremías 13:20

'Ixquec q'ueln 'a stojlal norte, 'iltec wal scot eb' 'ajc'ojl ta'. ¿'Ajtil 'ay eb' in chon̈b' wa'jnac 'och 'a yol a c'ab' yic tza tan̈wni eb'? Atn eb' 'aych a b'inab'iloc, xchi Dios, xa chi 'a eb', xchi 'ayin.

Jeremías 21:4

to a Jehová qui Diosalec an̈ israel on̈c tic, a tzaln 'ixtic: 'Oj wac' meltzjoc eb' a soldado 'a spatic, atn eb' tzcob' 'a'nc owl yet' win sreyl Babilonia yet' eb' soldado. Ax eb' soldado cha, atn eb' 'ayc' 'a spatquil 'el smuroal jun chon̈b' tic, 'oj in molb'tzoc 'oxt eb' 'a yol jun chon̈b' tic.

Jeremías 21:7

'Oj lajwc cha, ach xo Sedequías, 'oj ach wac' 'a yol sc'ab' win Nabucodonosor yet' jun tzo'n̈ xo eb' 'ajc'ojl yajch 'ayach. 'Oj ach wa'cn 'och 'a yol sc'ab' win yet' eb' a checab', eb' a soldado, yet' eb' 'anma 'oj cant 'a jun chon̈b' tic yic 'oj lajwc 'ec' yab'il, owal, yet' wejel. Man̈x 'oj 'ajxoc niwnc'ojlal 'ayex. An Jehová in, an tzwala, to caw tojl xoj 'oj e xicx cham yet' q'uen espada.

Jeremías 25:9

yuj cha, 'oj wawtc cot smasnil eb' chon̈b' 'ay 'a stojlal norte, yet' pax in checb' Nabucodonosor sreyl chon̈b' Babilonia, yic wach' tzjaw eb' yac' owl 'a jun chon̈b' tic, yet' 'a smasnil jun tzo'n̈ xo nacion̈ 'ay 'a stz'ey, yet' smasnil eb' cajn 'a 'a. 'Oj in satl eb' smasnil. Jun 'ejmn̈ej 'oj wac' lajwc 'ejm eb'. Ax eb' 'oj 'ilnc eb', 'oj xiw eb' yuj eb', 'oj b'uchxoc eb' yuj eb'.

Jeremías 30:5

'Ix yaln 'ixtic: Caw tz'ab'x yel 'aw yuj xiwc'ojlal, man̈x 'a jac tzaljc'ojlal.

Jeremías 4:11

A wal 'a yic jun tiempoal cha, 'oj yal Dios 'a eb' 'anma 'aj Jerusalén 'ixtic: 'Ay jun tacn̈ 'ic' tzcot 'a lum jolmctac witz 'ay 'a lum cusltac lu'um. A 'a stojlal in chon̈b' tzcot jommoc, a jun 'ic' cha, man̈ lajnoc 'icha junc 'ic' tzc'anlb'ax 'a yic tzchayx 'ixm trigo.

Jeremías 4:6

'Ijec chan̈ e bandera, yic tzch'oxni to tz'at sc'ub'c 'el sb'a eb' cajn 'a Sión. Sayc 'aj tz'at e col e b'a, man̈ ex 'och wa'an. Yujto a 'a stojlal norte, ata 'oj wi' cot jun niwquil yailal 'oj satnc 'el smasnil.

Jeremías 4:8

Yuj cha, 'ix wal 'a eb' wit chon̈b' 'ixtic: Ca'c 'och qui pichl n̈achtac sat, 'oc' coyec, c'acw coyc cab'n syail, yujto a yowl sc'ojl Jehová, mantzac sat 'ejm 'a qui calec, xin chi.

Jeremías 5:15

Tzyaln pax Jehová 'ixtic: Ex yin̈tl can Israel, a wal jun chon̈b'al eb' 'anma caw najt 'ay, a eb' 'oj wi' cot 'ayex, atn eb' 'anma caw 'ay yip, eb' 'ayc' xon 'a yictax pecti', eb' man̈ eyojcoc sti', ma'oj eyab' xon tas 'oj yal eb'.

Jeremías 8:10

Yuj wal cha, 'oj wa'cn 'och yistl eb' 'a yol sc'ab' jun tzo'n̈ocx winac, yet' pax slum eb', chucx mach 'oj 'ica'anoc. Smasnil eb' niwc yel'chi, yet' eb' may yel'chi, axn̈ej tas tzyac' ganar eb' 'a spatc maysch'olnil, a chi tzna eb'. 'Ixta pax eb' tzyalch sb'a in checb'oc, yet' eb' tz'a'n 'och e ti 'ayin, cojxn̈ej 'elc'l tzb'o eb'.

Ez 16:40

'Oj 'och eb' 'anma 'ajc'ojlal 'a 'a. 'Oj sjul q'uenoc eb', ax stzu'n cham eb' yet' yespada.

Ez 21:31

'Icha wal stz'a junc tas yuj c'ac', 'ixta 'oj wutc wi'n 'el yowl in c'ojl 'a eyib'an̈. 'Oj ex wac' 'a yol sc'ab' eb' 'anma maysch'olnil, atn eb' milm 'anma'.

Ez 28:7

Yuj cha, 'oj wi' cot eb' chuc chon̈b'al 'ayach, atn eb' may xon sniwnc'ojlal. 'Oj yic' q'uet eb' yespada yic tzach stzu'n eb', ax satn 'el eb' a b'inab'ilal yet' smasnil tas wach' yilx 'ix 'ilchj oj yuj sjelnal a nab'en.

Ez 31:12

A eb' 'anma caw tu 'a jun tzo'n̈ xo nacion̈, a eb' xwul ch'acnoc 'ejm lan̈njoc. C'uxn 'ix wecchj te sc'ab' chi yem 'a lum jolmctac witz, 'a lum pan̈ctac, 'a lum ch'olan, ton̈j sch'ac eb' jun te cha, 'ix cann̈j 'a yet'l cha. Ax eb' 'anma 'ayc' 'a yaln̈ yen̈l te cha, 'ix 'at eb' 'elc smasnil.

Jl 2:3

Lajn wal no 'icha te c'ac', c'uxn tzsatl smasnil yu'uj. A wal yic mantzac jaw e no', man̈x jantcoc swach'l yilx lum lu'um, 'icha wal yilx lum Edén. Ax yic 'oj lajwc ye'cn no', lajn 'oj 'ajcn lum 'icha lum cusltac lu'um. Man̈x 'a jac 'oj colchjoc cani.