Habacuc 1:13 - Chuj San Sebastian Bible

¹³ Ach tic, caw wal matz chaj a c'ojl tas tu', matz a nib'j el jun tzo'n̈ qui maysch'olnilal an̈ 'anman̈ tic on̈. ¿Tas pax yuj ton̈j tzach 'och q'ueln 'a eb' 'anma maysch'olnil tic jun? 'In a eb' 'anma wach' to wal 'a yib'n̈ eb', 'a eb' wan satx 'el yuj eb'.

Chuj San Mateo Bible

¹³ A ach tic, man̈ jab'oc scha a c'ol chucal, max a nib'ej il co chucal a on̈ anima on̈ tic. Palta, ¿tas yuj ton̈ej tzach och q'uelan d'a eb' anima te chuc chi'? Ina a eb' chuc van satanel eb' vach'tacto sb'eyb'al.

Habacuc 1:13 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 2:32

'Och cab' smulc yuj Jehová, yujto man̈ yojcoc in mam, atn David, yic 'ix smiln cham win Joab chi win Abner yunnal Ner, sgeneralil eb' soldado israel, yet' pax Amasa yunnal Jeter, sgeneralil eb' soldado Judá. A eb' chawn̈ cha, caw wach' eb', yiclum eb'.

Ester 4:14

Toto mayn̈ej tas 'oj al ticnec, toto 'ixta', 'ajmn̈ej 'oj cot junc qui colmalec an̈ israel on̈c tic, palta ach xo tic yet' smasnil eb' ecan, c'uxn 'oj qui satli. Toq'ue yuj jun yailal tic, ach si'x 'och reinail yic tzon̈ a coln 'eli, xchi Mardoqueo cha.

Job 15:15

A Dios matz ya'ch wal yipc sc'ojl eb' ángel, 'ixta pax satcha'an̈, man̈toc yel xo pax wach' yilx 'a sat.

Job 21:7

¿Tas laj wal yuj an̈ja pitzn eb' 'anma tu snab'en tic? Caw wal tz'och eb' 'ichm 'anma'il, til wal pax tas 'ay 'a eb'.

Job 24:23

Toto tz'el 'a sc'ojl Dios to pitzn eb' tu tzyutj sb'a cha, palta q'uelnn̈ej 'och 'a tas tzlaj sb'o eb'.

Salmos 10:15

Mac' wecchjoc sc'ab' eb' tzb'on maysch'olnil. 'Ac' yowlal smaysch'olnilal eb' cha, tz'acn cab' tzyutj eb' stojn lajwc smul.

Salmos 18:26

Wach' tzotj a b'a 'a eb' wach' tzyutj sb'a 'ayach, palta tza ch'ox a jelnal 'a yib'n̈ eb' jeln yixtn 'anma'.

Salmos 25:3

Wojtac, to a smasnil eb' tzach 'a'n 'och yipc sc'ojol, may xon b'a'n̈ 'oj 'el sq'uixwel eb'. 'El cab' sq'uixwel eb' ton̈j tzcomn meltzj 'och 'aych 'a nab'an̈ej.

Salmos 35:17

Mamin Jehová, ¿jantcto wal tiempo ton̈j tzach 'och q'ueln 'ayn yet' jun tic? Tzin a colcn 'el 'a yol sc'ab' eb' 'icha león tzyutj sb'a 'ayin.

Salmos 35:22

Mamin Jehová, 'ix eln̈j smasnil jun tzo'n̈ tic, man̈ ach can 'a sictaquil. Man̈ e'l a b'a 'a in tz'ey.

Salmos 35:25

Comnoc matz yal eb' wuj 'ixtic: Atn wal tic tzqui nib'ej, 'ix juw can 'el 'a jun 'ejmn̈ej cujec, man̈ xchic cab' eb'.

Salmos 50:21

Atn smasnil e mul tic, an xo ton̈j tzin 'och q'ueln 'ayex. Am wal e nani to lajn in eyet'oc. Q'uelc'mb'a 'oj waj eyet'oc, ax waln 'och e mul 'a e sat.

Salmos 50:3

'Oj jawc qui Diosalec, palta man̈toc sictac 'oj 'aj sjawi. 'Ay jun c'ac' b'ab'l sjaw yu'uj, a jun chi tzsatn 'el smasnil tas. Oyn 'och pax jun niwquil 'ic' 'a 'a.

Salmos 73:3

Yujto caw xchichn chan̈ in c'ojol yic xwiln laj sq'ue'ch eb' b'an̈quintac, yet' eb' maysch'olnil sb'eyb'al.

Salmos 83:1

Ach in Diosal man̈ ach can 'a sictaquil, man̈ ach 'och wa'an.

Is 21:2

Caw wal 'ay xo smay jun tas x'ajx wil tic 'a 'icha waychil. A mach toxn to tu snab'en, caw tu tas tzb'o'o, a mach milwjum xoni, caw tzmilwjn̈ej. 'Ixquec mu'c 'a owl ex 'aj Elam, ex 'aj Media, 'ochn̈ec oyn 'a chon̈b' Babilonia. Smasnil jun tzo'n̈ yailal xya'ch Babilonia cha, c'uxn 'oj 'och wan yuj Jehová.

Is 24:16

Caw 'oj 'ab'xoc sb'itn eb' 'a 'aj tzlajw c'och sti lum lu'um, yuj yijx chan̈ sb'i Dios, jun caw tojl snab'en. Palta xwaln 'ixtic: 'Oltacn wali, caw wan in lajw 'el tzwab'i. A eb' tu snab'en cha, caw tu tas tzb'o eb'.

Is 33:1

'Oltacch wal ach satm 'el 'anma', a ticnec mant 'a mach tzach satn 'eli, ach macm sat 'anma', mant 'a mach tzmacn a sat 'a junc tas. At 'a yic 'oj 'och wan a satn 'el eb' 'anma', atta 'oj a satx 'eli, at 'a yic 'oj 'och wan a macn sat eb' 'anma', atta 'oj macxoc a sat.

Is 64:12

A yic tzeln jun tzo'n̈ tic Mamin Jehová, ¿tom may jac 'oj al yu'uj? ¿Ton̈j am sictac aji, ax a wach' 'a'n 'och yailal 'a quib'n̈ on̈?

Lm 3:36

Caw man̈ wach'c tzyil Dios, toto matz b'eyc'ojlax eb' 'anma 'a stojlal.

Habacuc 1:14

¿Tas yuj 'icha no chay 'ay 'a yol a mar, 'ixta tzon̈ otj an̈ 'anman̈ tic on̈, 'icha xoj no noc' may syajlil?

Zacarías 8:17

man̈ e nalb'oc eya'n tu nab'enal 'a eb' eyit 'anma'il, man̈ eyac' 'es 'ayx junjn ex. An Jehová in, an tzwala, to caw wal tzin yaj jun tzo'n̈ b'eyb'al cha, xchi Dios.

A Tas Sc'ulejnac Eb' Schecab' Jesús Hechos 2:23

Palta a Jesús cha, 'ix 'ajx can 'och 'a yol e c'ab', yujto 'ixta x'el 'a sc'ojl Dios. Yictax pecti', yojc xon Dios tas 'oj jawc 'a yib'n̈ Jesús cha. Ax tic, xe majnj sc'ab' eb' maysch'olnil, yic 'ix eya'n yamchjoc. Xeya'n 'ajxc 'och 'a spenc culus. 'Ixta xeyutj eya'n milxoc chamoc.

Dt 23:15

Toto 'ay junc smeb'a junc win patron̈ tz'at 'elc 'a 'a, tzlajw cha, tzc'och 'ayex, tzc'ann can sb'a eyet'oc, man̈ eyac' meltzjoc 'a spatron̈ cha.